Fangataufa

Fangataufa
Situación
Coleutividá	Polinesia Francesa
Subdivisión alministrativa	Islles Tuamotu-Gambier
Comuna (es)	Tureia
Tipu	atolón
Parte de	Archipiélago Tuamotu (es)
Asitiáu en	Océanu Pacíficu
Coordenaes	22°15′S 138°45′W / 22.25°S 138.75°O
	Fangataufa Fangataufa (Océanu Pacíficu)
	Fangataufa Fangataufa (Polinesia Francesa)
Datos
Superficie	5 km²
Población	0
Fusu horariu	UTC−10:00

Fangataufa ye un atolón del archipiélagu de les islles Tuamotu, na Polinesia Francesa. Alministrativamente depende de la comuña de Tureia, pero foi cedíu pola Asamblea Territorial al Centru d'Esperimentación del Pacíficu, xunto col atolón Mururoa, pa que se fixeren pruebes nucleares. Ta asitiáu al sureste del archipiélagu, a 40 km al sureste de Mururoa.

Xeografía

L'atolón tien forma rectangular de 8,5 km de llargu y 7,5 km d'anchu, con una superficie de 5 km². La llaguna, que tien 45 km², orixinalmente nun tenía nengún pasu, pero les fuerces armaes franceses volaron 400 metros de petones p'abrir un pasu que facilitara'l programa de pruebes nucleares. Ye una zona militar con accesu prohibíu ensin autorización.

Historia

Foi afayáu en 1826 pol marín de la Royal Navy y xeógrafu inglés Frederick William Beechey. Beechey dirixía una espedición del almirantalgu en busca del Pasu del Noroeste dende la mariña oriental (1825-28) y dirixíase al Pacíficu Norte. Ye unu de los 23 atolones qu'esploró Beechey nel archipiélagu y llamólu Cockburn Island.

Tuvo habitáu nel sieglu xx por pañadores de copra. En 1964 cedióse pa ser utilizáu como blancu de tiru pal programa nuclear francés. Ente 1966 y 1996 practicáronse cuatro esplosiones nucleares atmosfériques y 10 soterrañes a una fondura ente 500 y 700 metros so la llaguna.^[1]^[2]

Referencies

Enllaces esternos

Transporte y bombardeo nuclear sobre Fangataufa

[1] The Radiological Situation at the Atolls of Mururoa and Fangataufa Technical Report Volume 4 Releases to the Biosphere of Radionuclides from Underground Nuclear Weapon Tests at the atolls (n'inglés)

[2] Geological reconstruction of Fangataufa atoll, South Pacific (n'inglés)

[1]

[2]