Fiordu
| Fiordu | |
|---|---|
 | |
| Situación | |
| Datos | |
 |
Un fiordu ye una estrecha entrada de mar formada pol hinchente d'un valle escaváu o parcialmente talláu por aición de glaciares.[1][2]
Los fiordos destaquen polos sos grandes fondures. Exemplu d'esto ye'l fiordu canal Messier con 1270 m de fondura en Chile y el fiordu de Sogn, de 1308 m de fondura en Noruega.[1] El fiordu Scoresby Sund, en Groenlandia, llega hasta los 1500 m de fondura.[3] Les partes más fondes de los fiordos suelen ser les más enfusaes na mariña ente que la boca de los fiordos suel ser pocu fondes.[1][4] El yá mentáu fiordu de Sogne tien, por casu, una fondura de tan solo 150-200 m na so boca.[4]
Otra carauterística de los fiordos ye la so forma n'O, anque la parte inferior nun ye visible yá que ta sol nivel del mar.[1]
Los fiordos atópense a partir de la llatitú 50 nel hemisferiu norte y a partir de la llatitú 40 nel hemisferiu sur.[5] En concordanza con esto, presenten fiordos les mariñes de Noruega, Islandia, Groenlandia, Escocia, Nueva Zelanda, Alaska, n'Estaos Xuníos, Columbia Británica en Canadá, la Patagonia chilena y la Islla de los Estaos, n'Arxentina.[4][6][7]
Etimoloxía
[editar | editar la fonte]La pallabra «fiordu» vien probablemente de la pallabra noruega fjord, del mesmu significáu.[2] La pallabra noruega deriva del fjoðr del nórdicu antiguu que, nel so sentíu orixinal, usabense pa designar cuerpos d'agua llacustres o paecíos a llagos que podíen usase pa navegar.[2] La pallabra fjoðr, de la mesma, provién de la pallabra proto-escandinávica ferþuz.[2] Esta última pallabra ta emparentada coles pallabres fjärd del suecu, fjöður del islandés, ford del inglés, firth del escocés, furt del alemán, poros del griegu y portus del llatín.[2]
Referencies
[editar | editar la fonte]- ↑ 1,0 1,1 1,2 1,3 fjord Archived 2015-05-01 at the Wayback Machine, Encyclopedia Britannica Academic Edition (en inglés).
- ↑ 2,0 2,1 2,2 2,3 2,4 Nesje, Atle. 2010.
- ↑ fjord Archived 2015-09-24 at the Wayback Machine Den Store Danske Encyklopædi (en danés).
- ↑ 4,0 4,1 4,2 fjord Archived 2016-06-24 at the Wayback Machine Store norske leksikon (en noruego).
- ↑ Tande, K.S. 2001.
- ↑ fjord, Nationalencyklopedin (en sueco).
- ↑ Juan Federico Ponce, Jorge Rabassa y Oscar A. Martínez.
