One Penn Plaza
One Penn Plaza | |
---|---|
Rascacielos | |
![]() | |
Llocalización | |
País | ![]() |
Estaos | ![]() |
Ciudá | ![]() |
Borough | ![]() |
Coordenaes | 40°45′05″N 73°59′35″W / 40.7514°N 73.9931°O |
Historia y usu | |
Apertura | 1972 |
Dueñu |
Vornado Realty Trust (es) ![]() |
Arquiteutura | |
Arquiteutu/a | Ely Jacques Kahn |
Altor | 229 m |
Pisos | 57 |
Ascensores | 44 |
![]() |
One Penn Plaza (1 Penn Plaza) ye un rascacielos de la ciudá d'Estaos Xuníos de Nueva York. Asítiase ente les cais 33 (33rd Street) y 34 (34th Street), al oeste de la Séptima Avenida (Seventh Avenue), a la vera la estación de ferrocarril de Pennsylvania (Pennsylvania Station) y el Madison Square Garden. Ocupa una manzana completa, ente la Séptima y la Octava Avenida, y ye'l mayor del complexu d'edificios del complexu conocíu como Pennsylvania Plaza.
L'edificiu foi diseñáu pol estudiu d'arquiteutura Kahn& Jacobs, y acabó de construyise en 1972. Tien un altor de 230 m (750 pies y 57 pisos. La torre, que permite pola so ubicación que tolos sos inquilinos que les sos ventanes miren al sur, al este y al norte tengan vistes privilexaes del ríu Hudson, tien trés retranqueos na fachada nos pisos 7, 14 y 55. La so estructura ye d'aceru lamináu y hormigón, coles muries esteriores de vidriu solar gris y aluminiu anodizáu. En 2010 instalóse nelli una planta de coxeneración elléctrica, que permitió reducir el so consumu de carbón pa calefacción nún 50% con respectu al so nivel anterior.
L'edificiu tien 14 entraes y 44 ascensores, y tien una cochera subterránea, accesible dende les cais 33 y 34, con capacidá pa 695 vehículos. Dos pasillos soterráneos comuniquen l'edificiu direutamente cola estación de Pennsylvania, asitiada una manzana al sur. Al nivel de la cai hai dellos comercios, ente los que destaquen un restaurante y una tienda de trés pisos de la cadena K-Mart.
Al oeste del edificiu hai una plaza con una fonte. Esta, al contrariu de lo que ye vezu, echa l'agua en forma de vapor n'iviernu y de niebla en branu pa evitar chiscar a los viandantes nos díes de munchu aire[1].
Enllaces esternos
[editar | editar la fonte]- (n'inglés) El One Penn Plaza na web Emporis.com
- (n'inglés) Modelu dixital en 3D del edificiu en Google 3D Warehouse
- (n'inglés) El One Penn Plaza na web Skyscraperpage.com
Referencies
[editar | editar la fonte]