Pat Cox
Pat Cox (28 de payares de 1952, Dublín) ye un políticu irlandés que foi Presidente del Parllamentu Européu ente los años 2002 y 2004.
Biografía
[editar | editar la fonte]Vivió de pequeñu a la ciudá de Limerick. Estudió Economía na Universidá de Dublín, onde se diplomó en 1974. Darréu foi profesor d'economía nel Institutu d'Alministración Pública de la so ciudá natal según na Universidá de Limerick, interesándose sobremanera poles cuestiones más europeístes.
Ente 1982 y 1986 presentó'l programa "Today Tonight" a la Radio Telefís Éireann (RTE) na que s'emitíen reportaxes d'investigación y cola que cubrió les eleiciones a los Estaos Xuníos, el Reinu Xuníu y Francia.
Carrera política
[editar | editar la fonte]Nes eleiciones europees de 1989 foi escoyíu eurodiputato del Parllamentu Européu en representación de los Demócrates Progresistes. En 1992 nes eleiciones xenerales irlandeses foi escoyíu miembru del Dáil Éireann (Parllamentu irlandés) pola circunscripción de Cork. Foi esguilando posiciones dientro'l so propiu partíu, llegando a apostar el so lideralgu l'añu 1993, perdiendo ante Mary Harney.
En 1994 abandonó'l partíu por desavenencies sobre la so acta de diputáu européu, que'l so partíu reclamaba para Desmond O'Malley. Aquel añu foi reelixíu diputáu européu como miembru independiente, y foi nomáu vicepresidente de l'Alianza de los Lliberales y Demócrates per Europa (ALDE), cuartu grupu parllamentariu en númberu de diputaos. En 1998 foi nomáu líder del grupu parllamentariu y participó viviegamente en contra de l'acción política de la Comisión Europea encabezada por Jacques Santer, consiguiendo la so dimisión en 1999.
En xunu del mesmu añu anovó la so acta d'eurodiputáu y, en virtú d'un pactu ente les principales fuercies europees nel Parllamentu, foi escoyíu Presidente del mesmu'l 15 de xineru de 2002, asocediendo a Nicole Fontaine (Partíu Popular Européu). Dimitió del cargu'l 20 de xunetu de 2004, siendo sustiuído por Josep Borrell (Partíu Socialista Européu).
El 20 de mayu de 2004 foi gallardoniáu col Premiu Carlomagno polos sos trabayu en favor de l'ampliación de la Unión Europea y la democracia.
De 2006 a 2011 Pat Cox yera presidente del Movimientu européu.
Referencies
[editar | editar la fonte]- ↑ Afirmao en: Enciclopedia Brockhaus. Identificador de Brockhaus Enzyklopädie en línea: cox-patrick-pat. Apaez como: Patrick (Pat) Cox. Llingua de la obra o nome: alemán.
- ↑ URL de la referencia: https://e-seimas.lrs.lt/portal/legalActPrint/lt?jfwid=p888e6qy5&actualEditionId=LRYHmiElIB&documentId=TAIS.232312&category=TAD. Data de consulta: 23 payares 2023.
- ↑ Tienes d'especificar urlarchivu = y fechaarchivu = al usar {{cita web}}.«Der Karlspreisträger 2004 Patrick Cox» (alemán). Consultáu'l 14 avientu 2014.
Enllaces esternos
[editar | editar la fonte]- Antiguos Presidentes del Parllamentu Europea - Cox
- International Crisis Group - Ficha de Cox
- Biografía por CIDOB (n'español)
Predecesor: Nicole Fontaine |
Presidente del Parllamentu Européu 2002 – 2004 |
Socesor: Josep Borrell |