Puxarra
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
Puxarra | ||
---|---|---|
Datos xenerales | ||
Orixe |
![]() ![]() | |
Información artística | ||
Xéneru(os) | Rock radical astur y punk | |
Periodu d'actividá | 1990 - 1991 | |
Miembros | ||
Ramón Lluís Bande Miguel Rodríguez P. Solana Xurde Nel Pérez Marcos Gutierrez | ||
[editar datos en Wikidata] |
Puxarra foi'l nome d'un grupu de Xixón que cantaba n'asturianu y que funcionó ente 1990 y 1991; taba formáu por Ramón Lluís Bande (voz), Miguel Rodríguez (guitarra), Xurde Nel Pérez (baxu) y Marcos Gutierrez (batería), tamién cuntaron circunstancialmente con dellos segundos guitarres.
Historia
[editar | editar la fonte]Los sos anicios hai que los buscar na sede de la Corriente Sindical d'Izquierda cuando estos cuatro rapazos víense ellí pa facer pancartes y llevar alantre la so militancia política, nacionalista asturiana y d'izquierdes. Ente botes de pintura, broches y esloganes foi surdiendo la idea d'entamar un grupu musical como una estaya más del so compromisu políticu y social, según pallabres d'ellos mesmos Puxarra foi más bien "un sofitu musical a la reivindicación que llevábemos dientro". Asina, ensin tener práuticamente idea de como se tocaben los instrumentos empecipiaron a ensayar nun llocal del Cuartel del Cotu que daquella taba ocupáu, ellí n'aquel tiempu concentrábase tola movida musical de Xixón fuere de la mena que fuere.
Influyencies musicales y estilu
[editar | editar la fonte]Les sos influyencies taben bien nidies: punk, rock radical vascu (Kortatu, Cicatriz...), Extremoduro, Dixebra... Ufiertaben una música contundente de calter punk-rock ensin filigranes pa la galería, con lletres direutes y agresives; pa ellos el mensaxe yera lo verdaderamente importante. Los más de los sos conciertos teníen un tresfondu reivindicativu, tocando por exemplu nel "Día de la nación asturiana", nel "Conciertu pola oficialidá", a favor de los ocupes...
Grabaciones
[editar | editar la fonte]Tocantes a les grabaciones dicir que fixeron una maqueta onde incluyíen cuatro temes: "Coses del orde cristianu" (la lletra yera una versión d'un testu d'Alfonso Sastre), "Hai una solución" (un ska dedicáu a los ocupes), "Alarcos cabrón" (especie de hardcore caóticu) y "Romance d'una llingua" (un poema de Manuel Asur). Amás enxertaron el tema "Tien que ser la mocedá" nel cassete "Esto ye lo ke hai", que foi precisamente col qu'acababa.