Davud bəy Yadigarov
Davud bəy Yadigarov | |
---|---|
Davud bəy Sadıq bəy oğlu Yadigarov | |
Şəxsi məlumatlar | |
Doğum tarixi | 1883 |
Doğum yeri | |
Vəfat tarixi | bilinmir |
Vətəndaşlığı | |
Atası | Sadıq bəy Yadigarov |
Anası | Olga Rusiyeva-Korçibaşeva |
Hərbi fəaliyyəti | |
Mənsubiyyəti | Rusiya imperiyası, Azərbaycan Xalq Cümhuriyyəti |
Qoşun növü | süvari |
Rütbəsi | general-mayor (1919) |
Döyüşlər |
Yadigarov Davud bəy Sadıq bəy oğlu (1883, Təkəli, Borçalı qəzası, Tiflis quberniyası, Rusiya imperiyası – bilinmir) — Rusiya imperiyası və Azərbaycan Xalq Cümhuriyyəti ordusunda qulluq etmiş hərbçi, general-mayor.
Həyatı
[redaktə | mənbəni redaktə et]Davud bəy Yadigarov 1881-ci ildə Tiflis quberniyasının Borçalı qəzası, Təkəli kəndində bəy ailəsi olan Yadigarovlar ailəsində anadan olmuşdur. Atası torpaq sahibi Sadıq bəy Yadigarov, anası isə gürcü knyaz nəsli olan Rusişvililərdən olan qadın idi.[1]
1903-cü il avqustun 10-da Peterburq yaxınlığındakı Paj korpusunu bitirmiş və Nijni-Novqoroddakı draqun alayında xidmət etməyə başlamışdır. 25 oktyabr 1904-cü ildə kornet rütbəsinə yüksəlmişdir. Rus-Yapon müharibəsində döyüşmüşdür. O, müharibədəki bütün rus qüvvələrinin komandanı A. N. Kuropatkinin sərəncamı ilə könüllü olaraq Mukdenə yaponlarla döyüşməyə getmişdir.[2]
Birinci Dünya müharibəsi başladığı zaman ştabs-rotmistr rütbəsində idi[3] və Çar ordusu dağıdıldığı zaman polkovnik olmadı bacarmışdı. 1918-ci ildə Qafqaz cəbhəso komandanı M.A.Prjevalskinin əmri ilə yeni yaradılmış Müsəlman Korpusunun zabitlərindən biri olmuşdur. O, bu ordu birliyində II Qarabağ süvari alayına komandanlıq etmişdir. 1918-ci ildə Azərbaycan Milli Ordusunda mühafizə diviziyasının rəis müavini olub. 1919-cu il avqustun 3-də Azərbaycan ordusunun süvari diviziyasının komandirinin köməkçisi təyin edilib. O, 1919-cu ilin avqust-noyabr aylarında Zəngəzur uğrunda gedən döyüşlərdə 1-ci piyada diviziyasının rəisi general Cavad-bəy Şıxlinskinin baş komandanlığı altında ADR qoşunlar qrupundan olan birləşdirici dəstələrdən birinə rəhbərlik etmişdir. Hərbi rütbələr haqqında Azərbaycan Respublikası Hökumətinin 8 oktyabr 1919-cu il tarixli 39 saylı sərəncamı ilə süvari diviziyasının rəisinin köməkçisi polkovnik Yadigarov Davud bykə xidmətdə fərqləndiyinə görə general-mayor rütbəsi verilmişdir. Dığ, Goranzur, Xanazax, Abdallar və başqa kəndlər uğrunda daşnak hərbi qüvvələrinə qarşı döyüşlər aparıb. 1920-ci ilin martında baş qərərgah yanında təyinatlar və ezamiyyətlər üzrə səlahiyyətli şəxs təyin edilmişdirı.[4][5][6]
1920-ci il 28 aprel işğalından sonra Davud bəyin taleyi məlum deyil.
Ailəsi
[redaktə | mənbəni redaktə et]- Qardaşı Vəli bəy Yadigarov (1897–1971) — Çar, AXC və Polşa ordusunda xidmət etmiş zabit. Polkovnik olmuşdur.[7]
Mənbə
[redaktə | mənbəni redaktə et]İstinadlar
[redaktə | mənbəni redaktə et]- ↑ Назирли, 1991. səh. 33-34
- ↑ Потто, 1908. səh. 248, 159
- ↑ Кавказский календарь на 1914 год. — Тифлис, 1913, s. 589
- ↑ Степашин və Ямпольский, 1908. səh. 248, 159
- ↑ Азербайджанская Демократическая Республика (1918—1920). Армия. (Документы и материалы). Bakı. 1998. səh. 246—250.
- ↑ Şəmistan Nəzirli. General Yadigarov qardaşları. Bakı: Şirvannəşr. 2004. səh. 11-18.
- ↑ "Historia Veli bek Jedigara". domkaukaski.org. 2007. 2016-03-04 tarixində arxivləşdirilib. İstifadə tarixi: 15 noyabr 2022.
Ədəbiyyat
[redaktə | mənbəni redaktə et]- Şəmistan Nəzirli. General Yadigarov qardaşları. Bakı, "Şirvannəşr", 2004 (az.)
- Şəmistan Nəzirli. Yadigarov qardaşları. // Azərbaycan generelları. Bakı: Gənclik. 1991. 208.
- В. А. Потто. История 17-го Драгунского Нижегородского Его Императорского Величества полка. Tiflis. 1908. 248.
- С. В Степашин, В. П Ямпольский. Органы государственной безопасности СССР в Великой Отечественной войне. Bakı. 1995. 699.