Elcan Rəsulov
Elcan Rəsulov | |
---|---|
Elcan Etibar oğlu Rəsulov | |
Doğum tarixi | 22 fevral 1987 (37 yaş) |
Doğum yeri | Saatlı rayonu |
Milliyyəti | azərbaycanlı |
Vətəndaşlığı |
![]() ![]() |
Fəaliyyəti | aktyor, televiziya aparıcısı, şoumen[d] |
Fəaliyyət illəri | 2003–h. h. |
Təhsili | |
IMDb | ID8431231 |
Elcan Etibar oğlu Rəsulov (22 fevral 1987, Bakı) — azərbaycanlı aktyor və televiziya aparıcısı.
Həyatı və karyerası
[redaktə | mənbəni redaktə et]Elcan Rəsulov 1987-ci il 22 fevral tarixində Saatlı rayonunda anadan olub
1992-ci ildə Saatlıda birinci sinfə daxil olub. Məktəbdə oxuyarkən 1999-cu ildən İ. Əbilov adına mədəniyyət mərkəzinin tərkibində yerləşən, əməkdar artist Tofiq Bayramovun rəhbərlik etdiyi "Xalq Teatrı"nın, daha sonra isə elə həmin mərkəzin tərkibində fəaliyyət göstərən Mirəhməd Əsgərovun rəhbərlik etdiyi "Poeziya Teatrı"nın üzvü olub.
Dəfələrlə keçirilən festival və yarışların qalibi və laeuratı olub. Məktəbdə oxuduğu müddətdə 2002-ci ildən Qüdrət Həsənovun rəhbərlik etdiyi Nəsibə Zeynalova adına "Cənnət Teatrı" na daxil olub. Müxtəlif tamaşalarda çıxış edib. Elə həmin illərdə ANS telekanalında yayımlanan "Qulp" verilişində aktyor kimi çıxış edib. "Qulp" layihəsinin daxilində hazırlanmış "Qoyun Realiti ŞOU"sunda aparıcılıq edib. 2003-cü ildə Yasamal rayonu 52 saylı orta məktəbi bitirib. Elə həmin il Azərbaycan Dövlət Mədəniyyət və İncəsənət Universitetinin "Estrada aktyorluğu" fakültəsinə daxil olub. Kurs rəhbəri və sənət müəllimi Azərbaycanın xalq artisti Afaq Bəşirqızı olub. Elə həmin il ilk televiziya layihəsini — ATV telekanalında "Şit Parad" adlı əyləncəli, yumoristik veriliş hazırlayıb, həmin verilişdə aparıcı və aktyor kimi çıxış edib. Daha sonra ANS telekanalında "Səhər çağı" proqramında aktyor kimi fəaliyyət göstərib. 2006-cı ildə Space TV-də "Comedy Shou" proqramı ilə çıxış etməyə başlayıb. 2007-ci ildən həmin telekanalda aparıcı-aktyor fəaliyyətinə başlayıb.[1] Sonrakı dövrdə isə Space kanalında "Hər Bazar", "Hər səhər" proqramlarının aparıcısı olub. "Bakı Estrada Teatrı"nda aktyor kimi fəaliyyət göstərib. Bakı Şəhər Mədəniyyət və Turizm idarəsində şöbə müdiri vəzifəsində çalışıb. ATV telekanalında yayımlanan "Ər və arvad" serialında aktyor kimi fəaliyyət göstərib. Hazırda həmin kanalda "Üçümüz" və "Stand up Baku Comedy" proqramlarının aparıcısıdır. "Kavkaz", "1 milyon manat", "Oğlan evi", "Oğlan evi 2", "Təhminə və Zaur", "Kəklikotu", "Qış nağılı" filmlərində çəkilib.[2] Subaydır.
Filmoqrafiya
[redaktə | mənbəni redaktə et]- "Ər və arvad"
- "Kavkaz"
- "1 milyon manat"
- "Oğlan evi"
- "Oğlan evi 2"
- "Təhminə və Zaur"
- "Kəklikotu"
- "Qış nağılı"
İstinadlar
[redaktə | mənbəni redaktə et]- ↑ "Elcan Rəsulov necə məşhurlaşdı? – Özü danışır". 2021-07-02 tarixində arxivləşdirilib. İstifadə tarixi: 2021-06-28.
- ↑ "Elcan Rəsulov: "Dedim ki, "bura tualetdir, pencəyi ver, yeri çıx get"". 2021-07-02 tarixində arxivləşdirilib. İstifadə tarixi: 2021-06-28.
- 22 fevralda doğulanlar
- 1987-ci ildə doğulanlar
- Yaşayan insanlar
- Azərbaycan Dövlət Mədəniyyət və İncəsənət Universitetinin məzunları
- Əlifba sırasına görə film sənətçiləri
- Bakıda doğulanlar
- Azərbaycan aktyorları
- Azərbaycanlı aktyorlar
- ANS TV-nin jurnalistləri
- Azad Azərbaycan TV-nin jurnalistləri
- Azərbaycanın televiziya aparıcıları