Fuad Musayev
Bu məqalədəki və ya bölmədəki məlumatlar köhnədir. |
Fuad Musayev | |
---|---|
![]() | |
3 aprel 1992 – 29 dekabr 2003 | |
Əvvəlki | vəzifə təsis edilib |
Sonrakı | Ramiz Mirzəyev |
31 mart 1990 – 1991 | |
Birinci katib | Ayaz Mütəllibov |
5 aprel 1989[1] – 9 aprel 1990 | |
Əvvəlki | Nuriddin Əliyev |
Sonrakı | Kamran Bağırov |
18 oktyabr 1983 – 1988 | |
Əvvəlki | Vaqif Hüseynov |
Sonrakı | Müslüm Məmmədov |
1981 – 8 dekabr 1983 | |
Birinci katib | Kamran Bağırov |
1977 – 1981 | |
Sədr | Abdulla Qədirov Sabit Abbasəliyev |
30 may 1975 – 1977 | |
Nazir | Əlimuxtar Hüseynzadə |
Şəxsi məlumatlar | |
Doğum tarixi | 11 yanvar 1938 |
Doğum yeri | |
Vəfat tarixi | 16 iyun 2017 (79 yaşında) |
Vəfat yeri | |
Vəfat səbəbi | böyrək çatışmazlığı[d] |
Partiya | |
|
|
Təltifləri |
![]() ![]() |
Fuad Ənvər oğlu Musayev (11 yanvar 1938, Bakı – 16 iyun 2017, Moskva) — Azərbaycan Futbol Federasiyaları Assosiasiyasının prezidenti, Azərbaycan Kommunist Partiyası Mərkəzi Komitəsinin sənaye üzrə katibi, Azərbaycan SSR Dövlət Sənayedə İşlərin Təhlükəsiz Görülməsinə Nəzarət və Dağ-Mədən Nəzarəti Komitəsinin sədri, Azərbaycan Kommunist Partiyası Bakı Şəhər Komitəsinin birinci katibi, Azərbaycan Kommunist Partiyası Mərkəzi Komitəsinin tikinti işləri üzrə katibi, Azərbaycan SSR Dövlət Plan Komitəsi sədrinin birinci müavini, Azərbaycan SSR kənd tikintisi nazirinin müavini.
Həyatı
[redaktə | mənbəni redaktə et]1938-ci il yanvarın 11-də Bakı şəhərində anadan olub. Atası — Musayev Ənvər Yusif oğlu əslən Şuşa şəhərindən, anası — Əliyeva Elmira Cahangir qızı Gəncə şəhərindəndir.
1957-ci ildə Bakı şəhəri 6 saylı ümumtəhsil orta məktəbini, 1963-cü ildə isə Azərbaycan Politexnik İnstitutunun inşaat fakültəsini inşaatçı-mühəndis ixtisası üzrə bitirib. Sonrakı illərdə Moskvada İctimai Elmlər Akademiyasını və SSRİ Xalq Təsərrüfatı Akademiyasını bitirib.
Fuad Musayev 1973-cü ilə qədər Bakıda 1 saylı Ev Tikintisi Kombinatının (ETK) sıravi ustasından direktor müavininə qədər tikinti sahələrində çalışmış, Bakı şəhərində 8-ci Kilometr, Əhmədli, Bakıxanov, Günəşli, Xırdalan qəsəbələrində və 6, 7, 8 və 9-cu mikrorayonlarında yeni yaşayış massivlərinin salınmasında, eləcə də 1, 2 və 3 saylı ETK-nin yenidən qurulmasında iştirak etmişdir.
İdman kariyerası
[redaktə | mənbəni redaktə et]Fuad Musayev 1952-ci ildə "Spartak" və "Medik" gənclərdən ibarət futbol və voleybol komandalarının üzvü, 1955-ci ildən Azərbaycan gənclərdən ibarət futbol və voleybol yığmalarının üzvü, Zaqafqaziya respublikalarının gənclərdən ibarət komandaları və Rusiya çempionu arasında ənənəvi voleybol turnirinin qalibi, "Spartak" Cəmiyyəti Mərkəzi Şurasının böyüklər komandaları arasında Ümumittifaq yarışlarının iştirakçısı olmuşdur.
O, 1956-cı ildə gənclər komandaları arasında voleybol üzrə Azərbaycan çempionu; gənclər komandaları arasında voleybol üzrə SSRİ çempionu, gənclər komandaları arasında beynəlxalq turnirin qalibi olmuşdur.
Fuad Musayev 1957–1962-ci illərdə Politexnik İnstitutunun və "Burevestnik" komandalarının tərkibində futbol və voleybol üzrə Azərbaycan çempionatlarının qalibi və mükafatçısı, universitetlər arasında futbol üzrə SSRİ çempionatının iştirakçısı, 1962–1965-ci illərdə futbol üzrə Bakı və Azərbaycan çempionatlarının qalibi, Dinamo Bakı komandasının tərkibində "B" dərəcəli ustalar arasında SSRİ çempionatının iştirakçısı, Dinamo Bakı komandasının rəisi olmuşdur.
Fuad Musayev 1962-ci ildən "Neftçi" ustalardan ibarət ehtiyat komandasının oyunçusu olmuşdur.
Fuad Musayev 1969-cu ildə Çerkassıda keçirilən Voleybol üzrə "Mehsul" Cəmiyyəti Mərkəzi Şurasının SSRİ çempionatının bürünc mükafatçısı, 1971-ci ildə isə Viljandidə keçiriləN Voleybol üzrə "Məhsul" Cəmiyyəti Mərkəzi Şurasının spartakiadasının final yarışlarının iştirakçısı olmuşdur.
İctimai-siyasi fəaliyyəti
[redaktə | mənbəni redaktə et]Sovet dövrü
[redaktə | mənbəni redaktə et]Fuad Musayev 1973-cü ildə Azərbaycan Kommunist Partiyası Mərkəzi Komitəsinin aparatında işə qəbul olunmuşdur.
O, 1975–1977-ci illərdə Azərbaycan SSR kənd tikintisi nazirinin müavini, 1977–1981-ci illərdə Azərbaycan SSR Dövlət Plan Komitəsi sədrinin tikinti kompleksinin işinə cavabdeh olan birinci müavini,[2] 1981–1983-cü illərdə Azərbaycan Kommunist Partiyası Mərkəzi Komitəsinin katibi və tikinti və şəhər təsərrüfatı şöbəsinin müdiri vəzifəsində işləmişdir.
Fuad Musayev 1983–1988-ci illərdə Azərbaycan Kommunist Partiyası Bakı Şəhər Komitəsinin birinci katibi, SSRİ Ali Sovetinin deputatı olmuşdur.
Fuaf Musayev 1989–1990-cı illərdə Sənayedə İşlərin Təhlükəsiz Görülməsi və Dağ-Mədən Nəzarəti üzrə Dövlət Komitəsinin sədri, 1990–1991-ci illərdə isə Azərbaycan Kommunist Partiyası Mərkəzi Komitəsinin sənaye üzrə katibi olmuşdur.
O, IX, X, XI və XII çağırış Azərbaycan SSR Ali Sovetinin deputatı olmuşdur.
Müstəqillik dövrü
[redaktə | mənbəni redaktə et]Fuad Musayev 1992–2003-cü illərdə Azərbaycan Futbol Federasiyaları Assosiasiyasının birinci prezidenti olmuşdur.[3] O, həmçinin, İngiltərə, Hollandiya və Belçikada Avropa Çempionatlarının təşkili və keçirilməsi üzrə UEFA Komitəsinin və UEFA-nın Şərqi Avropa Ölkələrinə Yardım Komitəsinin üzvü də olmuşdur.
Mükafatları
[redaktə | mənbəni redaktə et]İki Qırmızı Əmək Bayrağı ordeni ilə təltif edilmişdir (1980, 1986).
İstinadlar
[redaktə | mənbəni redaktə et]- ↑ Ф. Ә. Мусајев јолдашын Азәрбајҹан ССР Дөвләт Сәнаједә Ишләрин Тәһлүкәсиз Ҝөрүлмәсинә Нәзарәт вә Дағ-Мә'дән Нәзарәти Комитәсинин сәдри тә'јин едилмәси һаггында Азәрбайҹан ССР Али Совети Рәјасәт Һеј'әтинин Фәрманы // Коммунист. № 81 (20849). 6 апрел 1989-ҹу ил. С. 1.
- ↑ "Arxivlənmiş surət". 2017-08-23 tarixində orijinalından arxivləşdirilib. İstifadə tarixi: 2017-09-18.
- ↑ "Fuad Musayev: "AFFA-nın hədiyyəsindən imtina etdim"". news.lent.az (Azerbaijani). 28 February 2013 tarixində orijinalından arxivləşdirilib. İstifadə tarixi: 15 November 2014.
- Vikipediya:Köhnəlmiş məqalələr
- 11 yanvarda doğulanlar
- 1938-ci ildə doğulanlar
- Bakıda doğulanlar
- 16 iyunda vəfat edənlər
- 2017-ci ildə vəfat edənlər
- 79 yaşında vəfat edənlər
- Moskvada vəfat edənlər
- Sovet İttifaqı Kommunist Partiyasının üzvləri
- SSRİ-nin "Qırmızı əmək bayrağı" ordeni ilə təltif edilənlər
- Əlifba sırasına görə vəzifəli şəxslər
- Azərbaycan Futbol Federasiyaları Assosiasiyasının prezidentləri
- Musayevlər
- Böyrək çatışmazlığından vəfat edənlər
- Azərbaycan Kommunist Partiyası Bakı Şəhər Komitəsinin birinci katibləri
- Azərbaycan SSR Ali Sovetinin IX çağırış deputatları
- Azərbaycan SSR Ali Sovetinin X çağırış deputatları
- Azərbaycan SSR Ali Sovetinin XI çağırış deputatları
- Azərbaycan Respublikası Ali Sovetinin XII çağırış deputatları
- Azərbaycan Kommunist Partiyası Mərkəzi Komitəsinin katibləri