Oqtay Əsədov
Oqtay Əsədov | |
---|---|
| |
2 dekabr 2005 – 10 mart 2020 | |
Əvvəlki | Murtuz Ələsgərov |
Sonrakı | Sahibə Qafarova |
Şəxsi məlumatlar | |
Doğum tarixi | 3 yanvar 1955 (69 yaş) |
Doğum yeri | |
Partiya | |
Təhsili | |
Fəaliyyəti | siyasətçi |
|
|
Təltifləri |
![]() ![]() ![]() ![]() |
|
|
![]() |
Oqtay Sabir oğlu Əsədov (3 yanvar 1955, Şəhərcik, Qafan rayonu) — Azərbaycan ictimai-siyasi xadimi, Azərbaycan Respublikasının Milli Məclisinin sədri (2005–2020).
Həyatı
[redaktə | mənbəni redaktə et]Oqtay Əsədov 1955-ci il yanvarın 3-də Ermənistan Respublikası Qafan rayonunun Şəhərcik kəndində anadan olmuşdur. Azərbaycan Dövlət Neft və Kimya İnstitutunun maşınqayırma texnologiyası fakültəsini bitirmişdir.[1]
1976-cı ildən Bakı Məişət Kondisionerləri zavodunda usta köməkçisi, usta işləmişdir. 1979-cu ildən Azərbaycan Baş Quraşdırma və Xüsusi İnşaat İşləri İdarəsinin böyük mühəndisi, 1981-ci ildən Azərbaycan Baş Quraşdırma və Xüsusi Tikinti İşləri Nazirliyinin "Azərsantexquraşdırma" Trestinin böyük texnoloqu, idarə rəisi, birlik rəisi olmuşdur. 1996–2004-cü illərdə Abşeron Regional Səhmdar Su Cəmiyyətinin, 2004–2005-ci illərdə "Azərsu" Səhmdar Cəmiyyətinin prezidenti vəzifələrində çalışmışdır.[1][2]
İkinci, üçüncü, dördüncü və beşinci çağırış Azərbaycan Respublikası Milli Məclisinin deputatı olmuşdur. 2 dekabr 2005-ci ildən 10 mart 2020-ci ilədək Azərbaycan Respublikası Milli Məclisinin sədri vəzifəsində çalışmışdır. MDB-nin Parlamentlərarası Assambleyasında Azərbaycan nümayəndə heyətinin rəhbəri, Milli Məclisin Müdafiə, təhlükəsizlik və korrupsiya ilə mübarizə komitəsinin üzvü olmuşdur.[1]
Yeni Azərbaycan Partiyasının üzvüdür. Rus və ingilis dillərini bilir. Evlidir, 2 övladı var.
Samux Rayon İcra Hakimiyyətinin başçısı Alı Qocayev ilə qudadır.[3]
Təltifləri
[redaktə | mənbəni redaktə et]- "Şərəf" ordeni — 29 dekabr 2014
- "Dostluq" ordeni (Rusiya) — 5 mart 2015
- Kurmet" ordeni (Qazaxıstan) — 2018
- "Birlik" ordeni (MDB) — 10 fevral 2006
İstinadlar
[redaktə | mənbəni redaktə et]- ↑ 1 2 3 "Arxivlənmiş surət". Azərbaycan Respublikasının Milli Məclisi. 2024-05-19 tarixində arxivləşdirilib. İstifadə tarixi: 11 iyul 2024.
- ↑ "Arxivlənmiş surət". 2021-08-17 tarixində arxivləşdirilib. İstifadə tarixi: 2021-08-17.
- ↑ "Arxivlənmiş surət". 2022-07-17 tarixində arxivləşdirilib. İstifadə tarixi: 2022-07-17.
Xarici keçidlər
[redaktə | mənbəni redaktə et]- 3 yanvarda doğulanlar
- 1955-ci ildə doğulanlar
- Yaşayan insanlar
- Qafan rayonunda doğulanlar
- Yeni Azərbaycan Partiyasının üzvləri
- Azərbaycan Dövlət Neft və Sənaye Universitetinin məzunları
- Rusiyanın "Dostluq" ordeni ilə təltif edilənlər
- "Şərəf" ordeni ilə təltif edilənlər
- "Kürmet" ordeni ilə təltif olunanlar
- "Sodrujestvo" ordeni kavalerləri
- Əlifba sırasına görə vəzifəli şəxslər
- Azərbaycan Respublikasının Milli Məclisinin sədrləri
- Azərbaycan Milli Məclisinin II çağırış deputatları
- Azərbaycan Milli Məclisinin III çağırış deputatları
- Azərbaycan Milli Məclisinin IV çağırış deputatları
- Azərbaycan Milli Məclisinin V çağırış deputatları
- Azərbaycan Milli Məclisinin VI çağırış deputatları
- Yeni Azərbaycan Partiyası Siyasi Şurasının üzvləri
- İri Şəhərlərin Birləşmiş Su Təchizatı Xidməti