Qazı Əhməd bəy Məhəmmədbəyov

Qazı Əhməd bəy Məhəmmədbəyov
Azərbaycan Xalq Cümhuriyyəti Parlamentinin üzvü
Şəxsi məlumatlar
Doğum tarixi	19 iyun (1 iyul) 1889
Doğum yeri	Axtı, Samur dairəsi, Dağıstan vilayəti, Rusiya imperiyası
Vəfat tarixi	6 dekabr 1937(1937-12-06) (48 yaşında)
Partiya	Müsavat Partiyası (–1918), İttihad Partiyası (1918–)
Təhsili	Birinci Tiflis gimnaziyası (1907–1910), İmperator Novorosiysk Universiteti[d] (1910–1914)
Fəaliyyəti	vəkil, siyasətçi

Qazı Əhməd bəy Məhəmmədbəyov və ya Xanbaba bəy Məhəmmədbəyov (19 iyun (1 iyul) 1889, Axtı, Samur dairəsi, Dağıstan vilayəti, Rusiya imperiyası – 6 dekabr 1937) — Azərbaycan Xalq Cümhuriyyəti Parlamentinin, İttihad Partiyasının və İttihad fraksiyasının üzvü, Yusifbəyli hökumətinin üzvü

Həyatı

Qazı Əhməd bəy tələbəlik illərində

Novorossiya İmperator Universitetində hüquq təhsil alıb.

1877–1878-də Rusiya imperiyasına qarşı qalxan Samur-Axtı üsyanına başçılıq etmişdir.

Zaqafqaziya Seymi Müsəlman fraksiyasının və Azərbaycan Xalq Cümhuriyyəti Milli Şurasınən üzvü olub.

Əvvəllər Müsavat Partiyasının, daha sonra isə İttihad Partiyasının üzvü olmuşdur. 14 aprel 1919-cu ildə İttihad Partiyasının sədr müavini seçilmişdir.

Qazı Əhməd bəy 1919-cu ilin iyunundan rus dilində çıxan "İttihad" qəzetinin redaktoru olmuşdur.

1920-ci ildə məhkəmədə hakim kimi işləyib.

Adı

İki adı olmuşdur: Xanbaba və Qazı Əhməd

Bəzi mənbələrdə Batum konfransının üzv siyahısında Əhməd bəy Canbaba adlı şəxsin adı da qeyd olunub. Ədalət Tahirzadə bu şəxsin Qazı Əhməd bəy olduğunu söyləyir. Çünki Qazı Əhməd bəyin ikinci adı Xanbaba olmuşdur.

Bəzən Qazı Əhməd bəyin adında "bəy" titulu istifadə olunmaya bilər, həmçinin adı və soyadı müxtəlif cür yazıla bilər : "Qazıəhməd", "Xanbaba", "Canbaba", "Babaxan", "Qazı Əhməd", "Məmmədov"; "Məmmədbəyov" və ya "Məhəmmədbəyov".

Mənbə

• Altay Göyüşov. Azərbaycanda ittihadçılıq. Bakı: "İrşad" mərkəzi. 1997.
• Misir Mərdanov, Ədalət Tahirzadə. 1920-ci ilədək ali məktəblərdə oxumuş azərbaycanlılar. C. 5 M. Bakı: Təhsil. 2021.