بینالخالق والیبال فدراسیونو
![]() | |
![]() کوْنفدراسیونلارا گؤره بینالخالق والیبال فدراسیونو اۆیهلرینین خریطهسی | |
ایختیصار | FIVB |
---|---|
اؤنجهکی | بینالخالق آماتور هندبال فدراسیونو |
قورولوش | ۲۰ آوریل ۱۹۴۷ |
قورولوش یئری | پاریس، فرانسه |
نؤوع | بینالخالق ایدمان فدراسیونو |
باشمرکز | لوزان، سوئیس |
خیدمت بؤلگهسی | دونیا |
پرسونللر | ۲۲۲ میللی فدراسیون |
رسمی دیل | اینگیلیسجه، فرانسیزجا، ایسپانیولجا، عربجه، پورتوقالجا، روسجا[۱] |
باشقان | آری قراچا |
آلت شیرکتلر | ۵ |
عوضویت | بینالخالق اولمپیک کومیتهسی |
وبسایت | FIVB.com |
بینالخالق والیبال فدراسیونو (فرانسیزجا: Fédération international de volley-ball) قیساجا FIVB، دونیا والیبالینی ایداره ائتمک و اینکیشاف ائتدیرمک اۆچون میللی فدراسیونلارین بیر آرایا گلمهسی ایله یارادیلمیشدیر. قرارگاهی سوئیسین لوزان شهرینده دیر. فدراسیونون باشقانی آری قراچا دیر.
تاریخچه[دَییشدیر]
بینالخالق والیبال فدراسیونو، ۱۸-۲۰ آوریل ۱۹۴۷ تاریخینده پاریسده توْپلانان بیر توْپلانتی سؽراسیندا قۇرولدو. ایلک اوْلاراق ۱۴ قۇروجو اۆیه اؤلکه وار ایدی. بۇ اؤلکهلر بلژیک، برزیل، چک ایسلواکی، میصر، فرانسه، ایتالیا، هولند، لهیستان، پورتوقال، رومانی، ماجاریستان، اوروگوئه، آمریکا بیرلشمیش ایالتلری و یوقوسلاوی ایدی. فرانسهلی پائول لیبود فدراسیونون ایلک باشقانی ایدی. توْپلانتی، یئنی فدراسیون اۆچون باشلیجا بۇ هدفلری موشخص ائتدی: دۆنیانین هر یئرینده والیبالی اینکیشاف ائتدیرمک، بینالخالق یاریشمالار دۆزنلهمک، اوْیون قانونلارینی تعیین ائتمک و والیبالین اولمپیک اویونلارینا آلینماسینی تأمین ائتمک.
بینالخالق والیبال فدراسیونونون قۇرولوشوندان ایکی ایل سوْنرا، یعنی ۱۹۴۹ ایلینده کیشیلرده ایلک دۆنیا شامپیونلوغو دۆزنلهندی. قادینلاردا ایسه ایلک دۆنیا شامپیونلوغو ۱۹۵۲ ایلینده دۆزنلهندی. ۱۹۶۴ ایلینده بینالخالق اولمپیک کومیتهسی، والیبالی اولمپیک ایدمانی اوْلاراق قبول ائدهرک توکیو اولمپیک اویونلارینین پروْقرامینا آلدی. سوْنراکی ایللرده بینالخالق والیبال فدراسیونا اۆیه اؤلکه فدراسیونلارینین ساییسی ۸۹ اؤلکهیه چاتدی. ۱۹۶۹ ایلینده یئنی بیر بینالخالق تشکیلات اوْلاراق والیبال دونیا کاپی دۆزنلهمهسینه قرار وئریلدی.
سوْنراکی ایللرده والیبالدا ایللیک اوْلاراق دۆزنلهنهجک بیر تورنومنته ایحتیاج دویولدو. بۇ مقصدله ۱۹۹۰ ایلینده کیشیلر اۆچون دونیا لیگی قۇرولدو. قادینلار اۆچون ایسه ۱۹۹۳ ایلیندن باشلایاراق دونیا قرند پریکسی یارادیلدی. یئنه ۱۹۹۳ ایلینده هئچ بیر بینالخالق تشکیلاتین اوْلمادیغی اولمپیک ائرتهسی ایللری دگرلندیرمک مقصدی ایله کیشیلرده و قادینلاردا دؤرد ایلده بیر دۆزنلهنهجک والیبال دونیا بؤیوک شامپیونلار کاپی باشلاتیلدی. دونیا کاپی ایسه ۱۹۹۱دن اعتیباراً اولمپیک سئچیجیلری اۆچون بیر تورنومنت حالینا گتیریلدی.
بۇ دؤنمده بینالخالق والیبال فدراسیونو، ساحیلی والیبالینین یاییلماسی اۆچون ده یوْغون چالیشمالارا گیریشدی. بینالخالق والیبال فدراسیونو طرفیندن قبول ائدیلن ایلک رسمی تورنومنت ۱۹۸۷ ایلینده ریو دو ژانیرودا یاپیلدی. ۱۹۹۲ ایلینده ایسه بینالخالق والیبال فدراسیونو ایچینده ساحیلی والیبال اۆچون آیری بیر بؤلوم قۇرولدو. ۱۹۹۴ ایلینده بینالخالق اولمپیک کومیتهسی، ساحیلی والیبالی اولمپیک ایدمانی اوْلاراق قبول ائتدی و ۱۹۹۶ آتلانا اولمپیک اویونلاریندا پروْقراما آلدی.
تشکیلات[دَییشدیر]
بینالخالق والیبال فدراسیونو، بئش قارهدکی بۇ بئش والیبال کونفدراسیونونا باشقانلیق ائدیر:
- آفریقا والیبال کونفدراسیونو (Confédération Africaine de Volleyball - CAVB)
- آسیا والیبال کونفدراسیونو (Asian Volleyball Confederation - AVC)
- آوروپا والیبال کونفدراسیونو (Confédération Européenne de Volleyball - CEV)
- قوزئی و اورتا آمریکا و کارائیب والیبال کونفدراسیونو (North, Central America and Caribbean Volleyball Confederation - NORCECA)
- گونئی آمریکا والیبال کونفدراسیونو (Confederación Sudamericana de Voleibol - CSV)
تورنومنتلر[دَییشدیر]
والیبال[دَییشدیر]
میلی[دَییشدیر]
تورنومنت | شامپیون | |
---|---|---|
دونیا شامپیونلوغو | (کیشی) | ![]() |
(قادین) | ![]() | |
اولمپیک اویونلاری | (کیشی) | ![]() |
(قادین) | ![]() | |
دونیا کاپی | (کیشی) | ![]() |
(قادین) | ![]() | |
والیبال دونیا بؤیوک شامپیونلار کاپی | (کیشی) | ![]() |
(قادین) | ![]() | |
والیبال میلتلر لیگی | (کیشی) | ![]() |
(قادین) | ![]() | |
کونفدراسیون | شامپیون | |
آفریقا (CAVB) | (کیشی) | ![]() |
(قادین) | ![]() | |
آسیا و اوقیانوسیه (AVC) | (کیشی) | ![]() |
(قادین) | ![]() | |
آوروپا (CEV) | (کیشی) | ![]() |
(قادین) | ![]() | |
قوزئی آمریکا (NORCECA) | (کیشی) | ![]() |
(قادین) | ![]() | |
گونئی آمریکا (CSV) | (کیشی) | ![]() |
(قادین) | ![]() |
کولوبلار[دَییشدیر]
تورنومنت | کیشی | قادین |
---|---|---|
دونیا کولوبلاری والیبال شامپیونلوغو (ک) (ق) | ![]() |
![]() |
آفریقا کولوبلاری والیبال شامپیونلوغو (ک) (ق) | ![]() |
![]() |
آسیا کولوبلاری والیبال شامپیونلوغو (ک) (ق) | ![]() |
![]() |
آوروپا والیبال شامپیونلار لیگی (ک) (ق) | ![]() |
![]() |
گونئی آمریکا کولوبلاری والیبال شامپیونلوغو (ک) (ق) | ![]() |
![]() |
ساحیلی والیبال[دَییشدیر]
قارهلرآراسی حادیثهلر[دَییشدیر]
اولمپیک اویونلاری (ک) (ق) | دونیا شامپیونلوغو (ک) (ق) | دونیا تورو (ک) (ق) | |
---|---|---|---|
کیشی | ![]() |
![]() |
![]() |
قادین | ![]() |
![]() |
![]() |
قایناقلار[دَییشدیر]
- ^ FIVB Constitution (Edition 2014) (en). Fédération Internationale de Volleyball.