Начало богослужебного дня в 16:00.

Выберите настройки для вашего храма в Личном кабинете.

Богослужебные указания

Богослужебные указания за 6 августа 2024 года

24. Вторник. Мц. Христины. Мчч. блгвв. кнн. Бориса и Глеба, во Святом Крещении Романа и Давида.

Прп. Поликарпа, архим. Печерского. Прп. отрока-схимонаха Боголепа Черноярского, Астраханского. Обретение мощей прп. Далмата Исетского^[1]. Св. Иоанна Калинина исп., пресвитера^[2].

Приводим порядок совершения полиелейной службы блгв. кнн. Бориса и Глеба (А), а также порядок совершения полиелейной службы блгв. кнн. Бориса и Глеба в соединении с шестеричной службой мц. Христины (Б).

А. На великой вечерне «Блажен муж» – 1-й антифон.

На «Господи, воззвах» стихиры благоверных князей, глас 8-й и глас 2-й – 8 (первые две стихиры – дважды). «Слава» – благоверных князей, глас 6-й: «Приидите, восхвалим...», «И ныне» – догматик, глас тот же: «Кто Тебе не ублажит...».

Вход. Прокимен дня. Паримии благоверных князей – 3.

На стиховне стихиры благоверных князей, глас 4-й (со своими припевами). «Слава» – благоверных князей, глас 8-й: «Приидите, новокрещеннии...», «И ныне» – Богородичен воскресный, глас тот же: «Безневестная Дево...».

По Трисвятом – тропарь благоверных князей, глас 2-й. «Слава, и ныне» – Богородичен воскресный, глас тот же: «Вся паче смысла...».

На утрене на «Бог Господь» – тропарь благоверных князей, глас 2-й (дважды). «Слава, и ныне» – Богородичен воскресный, глас тот же: «Вся паче смысла...».

Кафизмы 7-я и 8-я. Малые ектении. Седальны благоверных князей (по дважды).

Полиелей. Величание благоверных князей и избранный псалом. Седален благоверных князей по полиелее, глас 8-й: «Христовы уведевше заповеди...» (дважды). «Слава, и ныне» – Богородичен Минеи, глас тот же: «Солнца облаче...». Степенна – 1-й антифон 4-го гласа. Прокимен благоверных князей, глас 4-й: «Воззваша праведнии, и Господь услыша их»; стих: «Многи скорби праведным, и от всех их избавит я Господь». Евангелие благоверных князей – Лк., зач. 106. По 50-м псалме: «Слава» – «Молитвами святых благоверных князей...». Стихира благоверных князей, глас 8-й: «Братия прекрасная...».

Каноны: Богородицы со ирмосом на 6 (ирмосы по дважды) и благоверных князей (два канона) на 8.

Библейские песни «Поем Господеви...».

Катавасия «Отверзу уста моя...».

По 3-й песни – седален благоверных князей, глас 1-й (дважды). «Слава, и ныне» – Богородичен Минеи, глас тот же.

По 6-й песни – кондак и икос благоверных князей, глас 3-й.

На 9-й песни поем «Честнейшую».

По 9-й песни «Достойно есть» не поется. Светилен благоверных князей. «Слава» – ин светилен благоверных князей, «И ныне» – Богородичен Минеи.

«Всякое дыхание...» и хвалитные псалмы.

На хвалитех стихиры благоверных князей, глас 1-й – 4 (первая стихира – дважды). «Слава» – благоверных князей, глас 4-й: «Днесь, празднолюбных собори...», «И ныне» – Богородичен по гласу «Славы», от меньших: «От всех бед...».

Великое славословие. По Трисвятом – тропарь благоверных князей, глас 2-й. «Слава, и ныне» – Богородичен воскресный, глас тот же: «Вся паче смысла...».

На часах – тропарь и кондак благоверных князей.

На Литургии блаженны благоверных князей, песнь 3-я – 4 (со ирмосом) и песнь 6-я – 4.

По входе – тропари и кондаки:

В храме Господском и Богородицы – тропарь храма, тропарь благоверных князей. «Слава» – кондак благоверных князей, «И ныне» – кондак храма.

В храме святого – тропарь храма, тропарь благоверных князей; кондак храма. «Слава» – кондак благоверных князей, «И ныне» – «Предстательство христиан...».

Прокимен, аллилуиарий и причастен – благоверных князей.

Апостол и Евангелие – дня и благоверных князей.

Б. На великой вечерне «Блажен муж» – 1-й антифон.

На «Господи, воззвах» стихиры на 8: благоверных князей, глас 8-й и глас 2-й – 4, и мученицы, глас 4-й и глас 2-й – 4 (со славником). «Слава» – благоверных князей, глас 6-й: «Приидите, восхвалим...», «И ныне» – догматик, глас тот же: «Кто Тебе не ублажит...».

Вход. Прокимен дня. Паримии благоверных князей – 3.

На стиховне стихиры благоверных князей, глас 4-й (со своими припевами). «Слава» – мученицы, глас 2-й: «Христоименитому званию...», «И ныне» – Богородичен воскресный по гласу «Славы»: «О, чудесе новаго...».

По Трисвятом – тропарь благоверных князей, глас 2-й. «Слава» – тропарь мученицы, глас 4-й: «Агница Твоя, Иисусе, Христина...»^[3], «И ныне» – Богородичен воскресный по гласу «Славы»: «Еже от века...».

На утрене на «Бог Господь» – тропарь благоверных князей, глас 2-й (дважды). «Слава» – тропарь мученицы, глас 4-й: «Агница Твоя, Иисусе, Христина...», «И ныне» – Богородичен воскресный по гласу «Славы»: «Еже от века...».

Кафизмы 7-я и 8-я. Малые ектении. Седальны благоверных князей (по дважды).

Каноны: Богородицы со ирмосом на 4 (ирмосы по дважды), благоверных князей (два канона) на 6 и мученицы на 4.

Библейские песни «Поем Господеви...».

Катавасия «Отверзу уста моя...».

По 3-й песни – кондак и икос мученицы, глас 4-й; седален благоверных князей, глас 1-й. «Слава» – седален мученицы, глас тот же, «И ныне» – Богородичен Минеи, глас тот же: «Безневестная Чистая...».

По 6-й песни – кондак и икос благоверных князей, глас 3-й.

На 9-й песни поем «Честнейшую».

По 9-й песни «Достойно есть» не поется. Светилен благоверных князей, ин светилен благоверных князей. «Слава» – светилен мученицы, «И ныне» – Богородичен Минеи: «Стояще окрест Тебе...».

«Всякое дыхание...» и хвалитные псалмы.

На хвалитех стихиры благоверных князей, глас 1-й и глас 4-й – 4 (со славником). «Слава» – мученицы, глас 5-й: «Девства твоего красоты...» (см. на хвалитех), «И ныне» – Богородичен по гласу «Славы», от меньших: «Обрадованная, ходатайствуй...».

Примечание. Допустимо стихиры на хвалитех петь следующим образом (на 6): благоверных князей, глас 1-й – 3, и мученицы, глас 4-й – 3; «Слава» – благоверных князей, глас тот же: «Днесь, празднолюбных собори...», «И ныне» – Богородичен по гласу «Славы», от меньших: «От всех бед...».

Великое славословие. По Трисвятом – тропарь благоверных князей, глас 2-й. «Слава» – тропарь мученицы, глас 4-й: «Агница Твоя, Иисусе, Христина...», «И ныне» – Богородичен воскресный по гласу «Славы»: «Еже от века...».

На часах – тропарь благоверных князей. «Слава» – тропарь мученицы. Кондак только благоверных князей.

На Литургии блаженны благоверных князей, песнь 3-я – 4 (со ирмосом), и мученицы, песнь 6-я – 4.

По входе – тропари и кондаки:

В храме Господском и Богородицы – тропарь храма, тропарь благоверных князей, тропарь мученицы; кондак благоверных князей. «Слава» – кондак мученицы, «И ныне» – кондак храма.

В храме святого – тропарь храма, тропарь благоверных князей, тропарь мученицы; кондак храма, кондак благоверных князей. «Слава» – кондак мученицы, «И ныне» – «Предстательство христиан...».

Прокимен, аллилуиарий и причастен – благоверных князей и мученицы.

Апостол и Евангелие – дня, благоверных князей (под зачало) и мученицы.

¹ На заседании Священного Синода Русской Православной Церкви 29 июля 2017 года были утверждены и рекомендованы к общецерковному богослужебному употреблению тексты тропаря и кондака прп. Далмату Исетскому. Тексты тропаря и кондака размещены на официальном сайте Русской Православной Церкви – Патриархия.ru (http://www.patriarchia.ru/db/text/4972704.html), и на сайте Издательства Московской Патриархии Русской Православной Церкви (http://nbt.rop.ru/?q=texts/tropar/395).

² На заседании Священного Синода Русской Православной Церкви 29 октября 2019 года были утверждены тексты тропаря и кондака священноисповеднику Иоанну Оленевскому (Калинину). Тексты тропаря и кондака размещены на официальном сайте Русской Православной Церкви – Патриархия.ru (http://www.patriarchia.ru/db/text/5521304.html), и на сайте Издательства Московской Патриархии Русской Православной Церкви (http://nbt.rop.ru/?q=texts/tropar/477).

³ Типикон умалчивает о тропаре мученицы, глас 4-й: «Званием евангельски...». В Минее синодального периода этот тропарь также отсутствует. Типикон и Минея синодального периода (см.: Минея-Июль. Киев, 1893. Л. 206 об.–207) указывают тропарь мученицы, глас 4-й: «Агница Твоя, Иисусе, Христина...».

Богослужебные указания с сайта Патриархии на каждый день.

⏶ Закрыть богослужебные указания

После́дование ма́лаго освяще́ния воды́

Посреди храма ставят стол, на нем сосуд с водой (который называется «водосвятная чаша»). Также пономари выносят кадило, кропило, Требник и свечи. 3 свечи ставят в специальные ячейки-подсвечники на краю водосвятной чаши, зажигают их. Выходит священник с диаконом, священник несет крест.

Диакон: Благослови́, влады́ко.

Священник: Благослове́н Бог наш всегда́, ны́не и при́сно, и во ве́ки веко́в.

Чтец: Ами́нь. Сла́ва Тебе́, Бо́же наш, сла́ва Тебе́.

Царю́ Небе́сный, Уте́шителю, Ду́ше и́стины, Иже везде́ сый и вся исполня́яй, Сокро́вище благи́х и жи́зни Пода́телю, прииди́ и всели́ся в ны, и очи́сти ны от вся́кия скве́рны, и спаси́, Бла́же, ду́ши на́ша.

Святы́й Бо́же, Святы́й Кре́пкий, Святы́й Безсме́ртный, поми́луй нас (трижды).

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.

Го́споди, поми́луй (трижды).

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

Отче наш, Иже еси́ на Небесе́х! Да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на Небеси́, и на земли́. Хлеб наш насу́щный даждь нам днесь; и оста́ви нам до́лги на́ша, я́коже имы оставля́ем должнико́м на́шим; и не введи́ нас во искуше́ние, но изба́ви нас от лука́ваго.

Священник: Я́ко Твое́ есть Ца́рство и си́ла, и сла́ва, Отца́, и Сы́на, и Свята́го Ду́ха, ны́не и при́сно, и во ве́ки веко́в.

Чтец: Ами́нь.

Го́споди, поми́луй (12 раз).

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

Прииди́те, поклони́мся Царе́ви на́шему Бо́гу.

Прииди́те, поклони́мся и припаде́м Христу́, Царе́ви на́шему Бо́гу.

Прииди́те, поклони́мся и припаде́м Самому́ Христу́, Царе́ви и Бо́гу на́шему.

Псало́м 142:

Го́споди, услы́ши моли́тву мою́, внуши́ моле́ние мое́ во и́стине Твое́й, услы́ши мя́ в пра́вде Твое́й. И не вни́ди в су́д с рабо́м Твои́м, я́ко не оправди́тся пред Тобо́ю вся́к живы́й. Я́ко погна́ вра́г ду́шу мою́, смири́л е́сть в зе́млю живо́т мо́й: посади́л мя́ е́сть в те́мных, я́ко ме́ртвыя ве́ка. И уны́ во мне́ ду́х мо́й, во мне́ смяте́ся се́рдце мое́. Помяну́х дни́ дре́вния: поучи́хся во все́х де́лех Твои́х, в творе́ниих руку́ Твое́ю поуча́хся. Возде́х к Тебе́ ру́це мои́, душа́ моя́ я́ко земля́ безво́дная Тебе́. Ско́ро услы́ши мя́ Го́споди, исчезе́ ду́х мо́й: не отврати́ лица́ Твоего́ от Мене, и уподо́блюся низходя́щым в ро́в. Слы́шану сотвори́ мне́ зау́тра ми́лость Твою́, я́ко на Тя́ упова́х: скажи́ мне́ Го́споди, пу́ть, во́ньже пойду́, я́ко к Тебе́ взя́х ду́шу мою́. Изми́ мя от вра́г мои́х, Го́споди, к Тебе́ прибего́х. Научи́ мя твори́ти во́лю Твою́, я́ко Ты́ еси́ Бо́г мо́й: ду́х Тво́й благи́й наста́вит мя́ на зе́млю пра́ву. И́мене Твоего́ ра́ди, Го́споди, живи́ши мя́: пра́вдою Твое́ю изведе́ши от печа́ли ду́шу мою́. И ми́лостию Твое́ю потреби́ши враги́ моя́, и погуби́ши вся́ стужа́ющыя души́ мое́й, я́ко а́з ра́б Тво́й е́смь.

Та́же: Бо́г Госпо́дь, и яви́ся на́м: три́жды, во гла́с 4.

Бог Госпо́дь и яви́ся нам, благослове́н Гряды́й во и́мя Госпо́дне.

Диакон: Испове́дайтеся Го́сподеви, я́ко благ, я́ко в век ми́лость Его́.

Лик: Бог Госпо́дь и яви́ся нам, благослове́н Гряды́й во и́мя Госпо́дне.

Диакон: Обыше́дше обыдо́ша мя и и́менем Госпо́дним противля́хся им.

Лик: Бог Госпо́дь и яви́ся нам, благослове́н Гряды́й во и́мя Госпо́дне.

Диакон: Не умру́, но жив бу́ду и пове́м дела́ Госпо́дня.

Лик: Бог Госпо́дь и яви́ся нам, благослове́н Гряды́й во и́мя Госпо́дне.

Диакон: Ка́мень, Его́же небрего́ша зи́ждущии, Сей бысть во главу́ у́гла, от Го́спода бысть Сей и есть ди́вен во очесе́х на́ших.

Лик: Бог Госпо́дь и яви́ся нам, благослове́н Гряды́й во и́мя Госпо́дне.

И настоя́щыя тропари́, гла́с 4:

К Богоро́дице приле́жно ны́не притеце́м гре́шнии и смире́ннии и припаде́м, в покая́нии зову́ще из глубины́ души́: Влады́чице, помози́ на ны́ милосе́рдовавши: потщи́ся, погиба́ем от мно́жества прегреше́ний, не отврати́ твоя́ рабы́ тщы́: тя́ бо и еди́ну наде́жду и́мамы (два́жды).

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь: Не умолчи́м никогда́ Богоро́дице, си́лы твоя́ глаго́лати недосто́йнии: а́ще бо ты́ не бы́ предстоя́ла моля́щи, кто́ бы на́с изба́вил от толи́ких бе́д? кто́же бы сохрани́л до ны́не свобо́дны? не отсту́пим Влады́чице от Тебе́: твоя́ бо рабы́ спаса́еши при́сно от вся́ких лю́тых.

В случае праздника допустимо вместо указанных тропарей петь тропари праздника по тому же чину, как пели тропари на утрене по «Бог Господь…»

Та́же, псало́м 50 (на практике псалмы 142 и 50 часто опускаются):

Чтец: Поми́луй мя, Бо́же, по вели́цей ми́лости Твое́й, и по мно́жеству щедро́т Твои́х очи́сти беззако́ние мое́. Наипа́че омы́й мя от беззако́ния моего́, и от греха́ моего́ очи́сти мя; я́ко беззако́ние мое́ аз зна́ю, и грех мой предо мно́ю есть вы́ну. Тебе́ Еди́ному согреши́х и лука́вое пред Тобо́ю сотвори́х, я́ко да оправди́шися во словесе́х Твои́х, и победи́ши внегда́ суди́ти Ти. Се бо, в беззако́ниих зача́т есмь, и во гресе́х роди́ мя ма́ти моя́. Се бо, и́стину возлюби́л еси́; безве́стная и та́йная прему́дрости Твоея́ яви́л ми еси́. Окропи́ши мя иссо́пом, и очи́щуся; омы́еши мя, и па́че сне́га убелю́ся. Слу́ху моему́ да́си ра́дость и весе́лие; возра́дуются ко́сти смире́нныя. Отврати́ лице́ Твое́ от грех мои́х и вся беззако́ния моя́ очи́сти. Се́рдце чи́сто сози́жди во мне, Бо́же, и дух прав обнови́ во утро́бе мое́й. Не отве́ржи мене́ от лица́ Твоего́ и Ду́ха Твоего́ Свята́го не отыми́ от мене́. Возда́ждь ми ра́дость спасе́ния Твоего́ и Ду́хом Влады́чним утверди́ мя. Научу́ беззако́нныя путе́м Твои́м, и нечести́вии к Тебе́ обратя́тся. Изба́ви мя от крове́й, Бо́же, Бо́же спасе́ния моего́; возра́дуется язы́к мой пра́вде Твое́й. Го́споди, устне́ мои́ отве́рзеши, и уста́ моя́ возвестя́т хвалу́ Твою́. Я́ко а́ще бы восхоте́л еси́ же́ртвы, дал бых у́бо: всесожже́ния не благоволи́ши. Же́ртва Бо́гу дух сокруше́н; се́рдце сокруше́нно и смире́нно Бог не уничижи́т. Ублажи́, Го́споди, благоволе́нием Твои́м Сио́на, и да сози́ждутся сте́ны Иерусали́мския. Тогда́ благоволи́ши же́ртву пра́вды, возноше́ние и всесожега́емая; тогда́ возложа́т на олта́рь Твой тельцы́.

Та́же, пое́м тропари́ сия́, гла́с 6:

Е́же ра́дуйся А́нгелом прии́мшая/ и ро́ждшая Зи́ждителя Твоего́,/ Де́во, спаса́й Тя велича́ющия (два́жды).

Воспева́ем Сы́на Твоего́, Богоро́дице,/ и вопие́м: Пречи́стая Влады́чице,/ вся́кия бе́ды изба́ви рабы́ Твоя́.

Царе́м, проро́ком и апо́столом/ и му́чеником Ты еси́ похвала́/ и Предста́тельница ми́ру, Всенепоро́чная.

Язы́к всяк правосла́вных похваля́ет, и блажи́т,/ и сла́вит Пречи́стое Рождество́ Твое́,/ Мари́е Богоневе́стная.

Даждь, Христе́ мой, и мне, недосто́йному,/ долго́в оставле́ние, молю́ся,/ Тя ро́ждшия моли́твами, я́ко Благоутро́бен.

На Тя моя́ упова́ния возложи́х, Богоро́дице,/ спаси́ мя моли́твами Твои́ми/ и да́руй ми прегреше́ний оставле́ние.

Оживи́ мя, ро́ждшая Жизнода́вца и Спа́са,/ спаси́ моли́твами Твои́ми,/ Благослове́нная, наде́ждо душ на́ших.

Зижди́теля всех во утро́бе Твое́й заче́ншая,/ Де́во Всенепоро́чная,/ моли́твами Твои́ми спаси́ ду́ши на́ша.

Богоро́дице, ро́ждшая Сло́вом паче сло́ва/ Сло́во, Всепе́тая,/ Того́ моли́ спасти́ ду́ши на́ша.

Ми́лостива мне Судию́ же и Сы́на Твоего́,/ прегреши́вшему па́че вся́каго челове́ка,/ Твои́ми моли́твами соде́лай, Влады́чице.

По до́лгу вопие́м Ти:/ ра́дуйся, Богоро́дице, Чи́стая Присноде́во,/ моля́щеся моли́твами Твои́ми спасти́ся.

Изба́ви мя огня́ ве́чнаго/ и мук, предлежа́щих мне, Богоро́ди́тельнице,/ я́ко да ублажа́ю Тя.

Не пре́зри моле́ния Твои́х рабов,/ мо́лимся, Влады́чице Всепе́тая,/ я́ко да изба́вимся вся́каго обстоя́ния.

Неду́гов, и вся́ких боле́зней,/ и бед нас свободи́,/ к свяще́нному Твоему́ покро́ву прибега́ющих.

Стра́нное чу́до, е́же в Тебе́, Богоро́ди́тельнице:/ нас бо ра́ди по нам роди́ся/ всех Зижди́тель из Тебе́ и Бог наш.

Храм Тво́й, Богоро́дице,/ показа́ся врачевство́ неду́гов безме́здное/ и оскорбля́емых душ утеше́ние.

Пресвята́я Богоро́дице, ро́ждшая Спа́са,/ от бед спаси́/ и вся́кия ины́я ну́жды рабы́ Твоя́.

Изба́ви от вся́каго преще́ния, находя́щаго на рабы́ Твоя́,/ Пресвята́я Влады́чице,/ и вся́каго вреда́ душе́внаго же и теле́снаго.

Спаси́ всех моли́твами Твои́ми, Де́во Богоро́дице,/ к Тебе́ притека́ющих,/ и изба́ви вся́кия ну́жды и ско́рби.

Кто, притека́яй в храм Твой, Богоро́дице,/ не прие́млет ско́ро исцеле́ния/ душе́внаго, вку́пе и теле́снаго, Пречи́стая?

От всех умоля́ем, Ще́дре,/ святы́х и го́рних чино́в,/ очи́сти мя Ро́ждшею Тя.

Пощади́, Спа́се, ду́ши уме́рших бра́тий на́ших/ в наде́жди жи́зни/ и осла́би, оста́ви им согреше́ния.

Ра́дуйся, ми́ра очисти́лище, Де́во,/ ра́дуйся, ру́чко и све́щниче всезлаты́й/ Боже́ственныя ма́нны и Све́та, Богоневе́сто.

Пое́м Тя, Бо́га, еди́наго в Тро́ице,/ вопию́ще глас трисвяты́й,/ моля́щеся спасе́ние получи́ти.

Сла́ва Отцу́, и Сы́ну, и Свято́му Ду́ху: О Де́во, ро́ждшая Спа́са и Влады́ку ми́ра и Го́спода, Того́ моли́ спасти́ ду́шы на́шя.

И ны́не и при́сно, и во ве́ки веко́в. Ами́нь.: Ра́дуйся горо́, ра́дуйся купино́, ра́дуйся врата́, ра́дуйся ле́ствице, ра́дуйся Боже́ственная трапе́зо, ра́дуйся все́х по́моще Влады́чице.

Моли́твами, Ми́лостиве, Ма́тере Твоея́ Пречи́стыя / и всех святы́х Твои́х / Твоя́ ми́лости лю́дем Твои́м да́руй.

Моли́твами сла́вных Арха́нгел и А́нгел, / и го́рних чино́в / рабы́ Твоя́, Спа́се, до́бре сохрани́.

Моли́твами честна́го и сла́внаго Крести́теля Твоего́, / Проро́ка, Предте́чи, / Христе́ Спа́се мой, рабы́ Твоя́ сохрани́.

Моли́твами сла́вных апо́столов и му́чеников, / и всех святы́х Твои́х / Твоя́ ми́лости лю́дем Твои́м да́руй.

Моли́твами сла́вных безсре́бренник, Богоро́дице рабы́ Твоя́ сохрани́, я́ко предста́тельство ми́ра и утвержде́ние.

Сла́ва Отцу́, и Сы́ну, и Свято́му Ду́ху: Отца́ и Сы́на славосло́вим, / и Ду́ха Свята́го, глаго́люще: / Тро́ице Свята́я, спаси́ ду́ши на́ша.

И ны́не и при́сно, и во ве́ки веко́в. Ами́нь: Неизрече́нно в после́дняя заче́ншая / и ро́ждшая Созда́теля Твоего́, / Де́во, спаса́й Тя велича́ющия.

Та́же: Милосе́рдия две́ри отве́рзи нам, / благослове́нная Богоро́дице, / наде́ющиися на Тя, да не поги́бнем, / но да изба́вимся Тобо́ю от бед: / Ты бо еси́ спасе́ние ро́да христиа́нскаго.

Та́же диакон: Го́споду помо́лимся.

Лик: Го́споди, поми́луй.

Свяще́нник: Я́ко свят еси́, Бо́же наш, и Тебе́ сла́ву возсыла́ем, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.

Ли́к: Ами́нь.

Та́же, настоя́щыя тропари́, гла́с 6:

Ны́не наста́ вре́мя, всех освяща́ющее, / и пра́ведный нас ждет Судия́, / но обрати́ся, душе́, к покая́нию, / я́ко блудни́ца, зову́щи со слеза́ми: / Го́споди, поми́луй мя.

Вода́ми одожди́вый, Христе́, исто́чник исцеле́ний, / во всечестне́м хра́ме Де́вы днесь / Твоего́ благослове́ния окропле́нием / отгоня́еши неду́ги немощству́ющих, / Врачу́ душ и теле́с на́ших.

Де́ва родила́ еси́ Неискусобра́чная / и Де́во пребыла́ еси́, Ма́ти Безневе́стная, / Богоро́дице Мари́е, / Христа́ Бо́га на́шего моли́ спасти́ся нам.

Пресвята́я Богоро́дице Де́во, / рук на́ших дела́ испра́ви / и проще́ние прегреше́ний на́ших испроси́, / внегда́ пе́ти нам а́нгельское пе́ние:

Лик: Святы́й Бо́же, / Святы́й Кре́пкий, / Святы́й Безсме́ртный, поми́луй нас (трижды).

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Святы́й Безсме́ртный, поми́луй нас.

Святы́й Бо́же, / Святы́й Кре́пкий, / Святы́й Безсме́ртный, поми́луй нас.

Диакон: Во́нмем.

Свяще́нник: Ми́р все́м.

Чтец: И ду́хови твоему́.

Диакон: Прему́дрость.

Чтец: проки́мен, гла́с 3:

Госпо́дь просвеще́ние мое́ / и Спаси́тель мой, кого́ убою́ся?

Ли́к: Госпо́дь просвеще́ние мое́ / и Спаси́тель мой, кого́ убою́ся?

Чтец: Госпо́дь Защи́титель живота́ моего́, от кого́ устрашу́ся?

Ли́к: Госпо́дь просвеще́ние мое́ / и Спаси́тель мой, кого́ убою́ся?

Чтец: Госпо́дь Просвеще́ние мое́,

Ли́к: и Спаси́тель мо́й, кого́ убою́ся?

Диакон: Прему́дрость.

Чтец: Ко Евре́ем посла́ния свята́го апо́стола Па́вла чте́ние.

Диакон: Во́нмем.

Чтец: Апо́стол к Евре́ям, зача́ло 306.

Бра́тие, святя́й и освяща́емии, от еди́наго вси́: ея́же ра́ди вины́ не стыди́тся бра́тию нарица́ти и́х, глаго́ля: Возвещу́ и́мя Твое́ бра́тии мое́й, посреде́ це́ркве воспою́ тя́. И па́ки: а́з бу́ду наде́яся на́нь. и па́ки: се́ а́з и де́ти, я́же ми́ да́л е́сть Бо́г. Поне́же у́бо де́ти приобщи́шася пло́ти и кро́ви, и то́й прии́скренне приобщи́ся те́хже, да сме́ртию упраздни́т иму́щаго держа́ву сме́рти, си́речь диа́вола: И изба́вит си́х ели́цы стра́хом сме́рти чрез все́ житие́ пови́нни бе́ша рабо́те. Не от а́нгел у́бо когда́ прие́млет, но от се́мене Авраа́мова прие́млет. Отню́дуже до́лжен бе́ по всему́ подо́битися бра́тии, да ми́лостив бу́дет и ве́рен первосвяще́нник, я́же к Бо́гу, во е́же очи́стити грехи́ людски́я. В не́мже бо пострада́ са́м, искуше́н бы́в, мо́жет и искуша́емым помощи́.

Свяще́нник: Ми́р ти́.

Чтец: И ду́хови твоему́. Аллилу́иа, Аллилу́иа, Аллилу́иа.

Лик: Аллилу́иа, Аллилу́иа, Аллилу́иа.

Чтец: Отры́гну се́рдце мое́ сло́во бла́го.

Лик: Аллилу́иа, Аллилу́иа, Аллилу́иа.

Чтец: Глаго́лю а́з дела́ моя́ Царе́ви.

Лик: Аллилу́иа, Аллилу́иа, Аллилу́иа.

И посем возглашает диакон: И о сподо́битися нам слы́шанию свята́го Ева́нгелия Го́спода Бо́га мо́лим.

Лик: Го́споди, поми́луй (трижды).

Диакон: Прему́дрость, про́сти, услы́шим свята́го Ева́нгелия.

Священник: Мир всем.

Лик: И ду́хови твоему́.

Священник: От Иоа́нна свята́го Ева́нгелия чте́ние.

Лик: Сла́ва Тебе́, Го́споди, сла́ва Тебе́.

Диакон: Во́нмем.

Ева́нгелие от Иоа́нна, зача́ло 14:

Во вре́мя о́но, взы́де Иису́с во иерусали́м. Е́сть же во Иерусали́мех на о́вчей купе́ли, я́же глаго́лется евре́йски вифесда́, пя́ть притво́р иму́щи. В те́х слежа́ше мно́жество боля́щих, слепы́х, хромы́х, сухи́х, ча́ющих движе́ния воды́. А́нгел бо Госпо́день на вся́ко ле́то схожда́ше в купе́ль, и возмуща́ше во́ду: и и́же пе́рвее вла́зяше по возмуще́нии воды́, здра́в быва́ше, яце́мже неду́гом одержи́мь быва́ше.

Лик: Сла́ва Тебе́, Го́споди, сла́ва Тебе́.

Таже, диакон ектению: Ми́ром Го́споду помо́лимся.

Лик: Го́споди, поми́луй.

Диакон: О свы́шнем ми́ре и спасе́нии душ на́ших, Го́споду помо́лимся.

Лик: Го́споди, поми́луй.

Диакон: О ми́ре всего́ мiра, благостоя́нии святы́х Бо́жиих церкве́й и соедине́нии всех, Го́споду помо́лимся.

Лик: Го́споди, поми́луй.

Диакон: О святе́м хра́ме сем и с ве́рою, благогове́нием и стра́хом Бо́жиим входя́щих в онь, Го́споду помо́лимся.

Лик: Го́споди, поми́луй.

Диакон: О Вели́ком Господи́не и отце́ на́шем, Святе́йшем Патриа́рхе (имярек), и о господи́не на́шем Преосвяще́ннейшем митрополи́те (или архиепи́скопе, или епи́скопе) (имярек), честне́м пресви́терстве, во Христе́ диа́констве и о всем при́чте и лю́дех, Го́споду помо́лимся.

Лик: Го́споди, поми́луй.

Диакон: О Богохрани́мей стране́ на́шей, власте́х и во́инстве ея́, Го́споду помо́лимся.

Лик: Го́споди, поми́луй.

Диакон: О гра́де сем, (или о ве́си сей, или о святе́й оби́тели сей,) вся́ком гра́де, стране́ и ве́рою живу́щих в них, Го́споду помо́лимся.

Лик: Го́споди, поми́луй.

Диакон: О бла́горастворе́нии возду́хов, о изоби́лии плодо́в земны́х и вре́менех ми́рных, Го́споду помо́лимся.

Лик: Го́споди, поми́луй.

Диакон: О пла́вающих, путеше́ствующих, неду́гующих, стра́ждущих, плене́нных и о спасе́нии их, Го́споду помо́лимся.

Лик: Го́споди, поми́луй.

Диакон: О е́же освяти́тися вода́м сим си́лою и де́йствием, и наи́тием Свята́го Ду́ха, Го́споду помо́лимся.

Лик: Го́споди, поми́луй.

Диакон: О е́же снизходи́ти на во́ды сия́ очисти́тельному Пресу́щныя Тро́ицы де́йству, Го́споду помо́лимся.

Лик: Го́споди, поми́луй.

Диакон: О е́же бы́ти воде́ сей цели́тельной душ и теле́с, и вся́кия сопроти́вныя си́лы отгна́тельней, Го́споду помо́лимся.

Лик: Го́споди, поми́луй.

Диакон: О е́же низпосла́ти Го́споду Бо́гу благослове́ние Иорда́ново и освяти́ти во́ды сия́, Го́споду помо́лимся.

Лик: Го́споди, поми́луй.

Диакон: О всех тре́бующих от Бо́га по́мощи и заступле́ния, Го́споду помо́лимся.

Лик: Го́споди, поми́луй.

Диакон: О е́же просвети́тися нам просвеще́нием ра́зума, Единосу́щною Тро́ицею, Го́споду помо́лимся.

Лик: Го́споди, поми́луй.

Диакон: Я́ко да Госпо́дь Бог наш пока́жет ны сы́ны и насле́дники Ца́рствия Своего́, воды́ сея́ причаще́нием же и кропле́нием, Го́споду помо́лимся.

Лик: Го́споди, поми́луй.

Диакон: О изба́витися нам от вся́кия ско́рби, гне́ва и ну́жды, Го́споду помо́лимся.

Лик: Го́споди, поми́луй.

Диакон: Заступи́, спаси́, поми́луй и сохрани́ нас, Бо́же, Твое́ю благода́тию.

Лик: Го́споди, поми́луй.

Диакон: Пресвяту́ю, Пречи́стую, Преблагослове́нную, Сла́вную Влады́чицу на́шу Богоро́дицу и Присноде́ву Мари́ю со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.

Лик: Тебе́, Го́споди.

Священник: Я́ко подоба́ет Тебе́ вся́кая сла́ва, честь и поклоне́ние, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.

Лик: Ами́нь.

Священник возгласно читает моли́тву:

Бо́же Великоимени́тый, творя́й чудеса́, и́мже не́сть числа́! Прииди́ ны́не к моля́щим Тя́ рабо́м Твои́м, Влады́ко, и посли́ Ду́ха Твоего́ Свята́го, и освяти́ во́ду сию́ [сия́ глаго́ля, благословля́ет во́ду десни́цею три́жды]; и да́ждь пию́щим от нея́ и прие́млющим и кропя́щимся е́ю рабо́м Твои́м премене́ние страсте́м, оставле́ние грехо́в, боле́знем исцеле́ние, и свобожде́ние от вся́каго зла́, утвержде́ние же и освяще́ние домо́м, и очище́ние от вся́кия скве́рны, и наве́та диа́вольскаго отгна́ние. Я́ко благослови́ся и просла́вися Пречестно́е и Великоле́пое и́мя Твое́, Отца́ и Сы́на и Свята́го Ду́ха, ны́не и при́сно и во ве́ки веко́в.

Требник указывает другую, более пространную молитву. Однако в реальности ее никто не читает, за редкими исключениями.

Го́споди Бо́же на́ш, вели́кий в сове́те, и ди́вный в де́лех, всея́ тва́ри Соде́телю, храня́й заве́т тво́й, и ми́лость Твою́ лю́бящым тя́, и соблюда́ющым повеле́ния твоя́, все́х в ну́ждах умиле́нныя прие́мляй сле́зы, сего́ бо ра́ди прише́л еси́ в ра́бии зра́це. не привиде́нии на́с устраша́я, но здра́вие те́лу и́стинное подава́яй, и глаго́ляй: се́ здра́в бы́л еси́, ктому́ не согреша́й. но и от бре́ния здра́вы о́чи соде́лал еси́, и умы́тися повеле́в, све́ту всели́тися сотвори́л еси́ сло́вом, сопроти́вных страсте́й во́лны смуща́яй, и жития́ сего́ сла́ное мо́ре изсуша́яй. и тяжелоно́сныя сласте́й укроща́яй во́лны: са́м человеколю́бче Царю́, да́вый на́м снегосве́тлою оде́ятися оде́ждею, от воды́ же и ду́ха, и прича́стием же воды́ сея́ и окропле́нием твое́ благослове́ние на́м низпосли́, скве́рну страсте́й омыва́ющее. е́й, мо́лимся посети́ на́шу Бла́же не́мощь, и исцели́ на́шя неду́ги душе́вныя же и теле́сныя, ми́лостию Твое́ю: моли́твами всеПречи́стыя, преблагослове́нныя Влады́чицы на́шея Богоро́дицы и Присноде́вы Мари́и. Си́лою Честна́го и Животворя́щаго Креста́. предста́тельствы честны́х небе́сных си́л безпло́тных. честна́го, сла́внаго Проро́ка, Предте́чи и Крести́теля Иоа́нна. Святы́х сла́вных и всехва́льных апо́стол. преподо́бных и богоно́сных оте́ц на́ших. Иже во святы́х оте́ц на́ших, вели́ких иера́рхов, и вселе́нских учи́телей: Васи́лиа вели́каго, Григо́риа Богосло́ва и Иоа́нна Златоу́стаго. И́же во святы́х оте́ц на́ших, Афана́сиа и Кири́лла, патриа́рхов александри́йских. Иже во святы́х отца́ на́шего Спиридо́на, тримифу́нтскаго чудотво́рца. и́же во святы́х отца́ на́шего Никола́а архиепи́скопа, мирлики́йскаго чудотво́рца. и́же во святы́х оте́ц на́ших, Мефо́диа и Кири́лла учи́телей слове́нских. Свята́го равноапо́стольнаго вели́каго кня́зя Влади́мира. И́же во святы́х оте́ц на́ших всея́ Росси́и чудотво́рцов, Петра́, Алекси́а, Ио́ны и Фили́ппа. Свята́го и сла́внаго великому́ченика Гео́ргиа Победоно́сца. свята́го и сла́внаго великому́ченика Дими́триа мироточи́ваго. Святы́х и добропобе́дных му́ченик. Святы́х и пра́ведных богооте́ц Иоаки́ма и А́нны. Святы́х сла́вных и чудотво́рцов безсре́бреников, Космы́ и Дамиа́на, Ки́ра и Иоа́нна, Пантелеи́мона и Ермола́а, Сампсо́на и Диоми́да, Моки́а и Ники́ты, Фалале́а и Три́фона. И свята́го, и́мярек, его́же и па́мять соверша́ем, и все́х святы́х Твои́х.

Спаси, Го́споди, и помилуй вели́каго господи́на и отца на́шего Кири́лла, святе́йшего патриа́рха московскаго и всея Руси, и господи́на и отца на́шего Влади́мира, блаже́ннейшего митрополи́та киевского и всея Украины, и преосвяще́ннейшего митрополи́та [или архиепи́скопа, или епи́скопа] имярек, даруй им душевое и телесное здравие, и работному тебе сему христианскому жительству во всем мислостив буди. Помяни́ Го́споди вся́кое епи́скопство правосла́вных, пра́во пра́вящих сло́во твоея́ и́стины, и ве́сь свяще́ннический, и мона́шеский чи́н, и спасе́ние и́х. Помяни́ Го́споди, ненави́дящих и лю́бящих на́с, служа́щих бра́тий на́ших, предстоя́щих, и благосло́вною вино́ю отше́дших, и запове́давших на́м недосто́йным моли́тися о ни́х. Помяни́ Го́споди, в плене́нии и ско́рбех су́щих бра́тий на́ших, и поми́луй и́х по вели́цей ми́лости Твое́й, вся́кия ну́жды избавля́яй: я́ко Ты́ еси́ исто́чник исцеле́ний, Христе́ Бо́же на́ш, и Тебе́ сла́ву возсыла́ем, со Безнача́льным Твои́м Отце́м, и с Пресвяты́м, и Благи́м, и Животворя́щим Твои́м Ду́хом, ны́не и при́сно, и во ве́ки веко́в.

Ли́к: Ами́нь.

Свяще́нник: Ми́р все́м.

Ли́к: И ду́хови твоему́.

Диа́кон: Главы́ ва́шя Го́сподеви приклони́те.

Ли́к: Тебе́ Го́споди.

Свяще́нник же моли́тву та́йно:

Приклони́ Го́споди у́хо Твое́, и услы́ши ны́, и́же во иорда́не крести́тися изво́ливый, и освяти́вый во́ды: и благослови́ все́х на́с, и́же преклоне́нием своея́ вы́и, назна́менающих рабо́тное воображе́ние: и сподо́би на́с испо́лнитися освяще́ния твоего́, воды́ сея́ причаще́нием: и да бу́дет на́м Го́споди, во здра́вие души́ и те́ла.

Возгла́с: Ты́ бо еси́ освяще́ние на́ше, и тебе́ сла́ву и благодаре́ние и поклоне́ние возсыла́ем, со Безнача́льным Твои́м Отце́м, и всесвяты́м, благи́м, и животворя́щим Твои́м Ду́хом, ны́не и при́сно, и во ве́ки веко́в.

Ли́к: Ами́нь.

Священник берет Честной Крест, трижды погружает его в воду и запевает тропарь Кресту (лик подхватывает и продолжает):

Спаси́ Го́споди лю́ди твоя́, и благослови́ достоя́ние твое́, побе́ды на сопроти́вныя да́руя, и твое́ сохраня́я кресто́м твои́м жи́тельство (трижды).

И посе́м пою́т тропа́рь се́й, гла́с 2:

Твои́х даро́в досто́йны на́с сотвори́ Богоро́дице Де́во, презира́ющи согреше́ния на́ша, и подаю́щи исцеле́ния ве́рою прие́млющым благослове́ние Твое́ Пречи́стая.

Священник испивает воду, затем кропит людей вокруг

Лю́дие же пою́т настоя́щий тропа́рь, гла́с 4:

Исто́чник исцеле́ний, иму́ще святи́и безсре́бреницы, исцеле́ния подава́ете все́м тре́бующым, я́ко преве́лиих дарова́ний сподо́бльшиися от приснотеку́щаго Исто́чника Спа́са на́шего. Глаго́лет бо к ва́м Госпо́дь, я́ко единоревни́телем апо́стольским: се́ да́х ва́м вла́сть на ду́хи нечи́стыя, я́коже те́х изгони́ти, и цели́ти вся́кий неду́г, и вся́кую я́зю: те́мже в повеле́ниих Его́ до́бре жи́тельствовавше, ту́не прия́сте, ту́не подава́ете, исцеля́юще стра́сти ду́ш и теле́с на́ших.

При́зри на моле́ния Твои́х ра́б, Всенепоро́чная, утоля́ющи лю́тая на ны́ воста́ния, вся́кия ско́рби на́с изменя́ющи: Тя́ бо еди́ну тве́рдое и изве́стное утвержде́ние и́мамы, и Твое́ предста́тельство стяжа́хом, да не постыди́мся Влады́чице, Тя́ призыва́ющии, потщи́ся на умоле́ние, Тебе́ ве́рно вопию́щих: ра́дуйся Влады́чице, все́х по́моще, ра́досте и покро́ве, и спасе́ние ду́ш на́ших.

Влады́чице, приими́ моли́твы рабо́в Твои́х, и изба́ви на́с от вся́кия ну́жды и печа́ли.

Диакон: Поми́луй нас, Бо́же, по вели́цей ми́лости Твое́й, мо́лим Ти ся, услы́ши и поми́луй.