It's My Life (S.E.R.-ҙың йыры)
It's My Life | |
Атамаһы | It's My Life |
---|---|
Сәнғәт формаһы | Йыр |
Жанр | Хип-хоп |
Нәшер ителеү урыны | Башҡортостан Республикаhы |
Әҫәрҙең теле | башҡортса |
Нәшер ителеү ваҡыты | 1 февраль 2018 |
Оҙайлылыҡ | 190 s |
Таратыу форматы | музыканы күсереп алыу[d] һәм музыка ағымы[d] |
«It's My Life» (ингл. Был минең тормош) — башҡорт рэперы S.E.R.-ҙың IS.E.R.EK альбомынан тәүге синглы. 2018 йылдың 1 февралендә сыҡҡан. Octava RECords студияһында яҙҙырылған.
Reldnah был йырҙың продюсеры була, шулай уҡ ул сведение һәм мастеринг өсөн яуаплы. lenar15kh, үҙ нәүбәтендә, бэк-вокалсы сифатында ҡатнаша.
Әйтергә кәрәк, Yalaguy-ҙың тауышын да ишетергә мөмкин. Альбом сыҡҡас ҡына, ул хаҡта билдәле була[1].
Был йыр «Юлдаш Plus» радиоһында яңғыраған.
Тарихы
[үҙгәртергә | сығанаҡты үҙгәртеү]2017 йылдың 7 сентябрендә S.E.R. «It's My Life» йырын башҡарған Octava RECords студияһында төшөрөлгән видеояҙма Интернет селтәренә һалына[2]. Был йыр, альбомдан тәүге йыр булып, 2018 йылдың 1 февралендә «Бәйләнештә» селтәрендәге «Музыка, Һүнмә» төркөмөнә һалына[3].
2019 йылдың 21 майында S.E.R.-ҙың IS.E.R.EK альбомы донъя күрә. Альбом өсөн был йырға сведение яғынан ҡайһы бер үҙгәрештәр индерелә. 5 көн үткәс, S.E.R. был йырҙы Каруанһарай алдындағы майҙанда уҙғарылған «Мин башҡортса һөйләшәм» фестивалендә башҡара.
2021 йылдың 14 сентябрендә S.E.R.-ҙың Нурсилә Усмановаға интервьюһы сыға. S.E.R. был йыр тураһында түбәндәгесә әйтеп ҡуя:
![]() |
«It's My Life» оҡшай. [Ул] минең үҙемдең яратҡан йырҙарымдың береһе үҙемдең ижадтан. Ләкин [ул бөйөк әҫәр түгелдер], сөнки мин хәҙер ул тематиканан китергә тырышам. <...> Унда мин шул ваҡытта алып барған тормош тураһында яҙғайным[4]. | ![]() |
2024 йылдың 1 апрелендә сыҡҡан «Андеграунд» тапшырыуының подкасында S.E.R. был йырҙың, күп кешеләргә ысынында оҡшамаһа ла, ул үҙе айырыуса ныҡ ғорурланған уның йырҙарының береһе икәнен белдерә[5].
Иҫкәрмәләр
[үҙгәртергә | сығанаҡты үҙгәртеү]- ↑ S.E.R. Участники записи альбома «IS.E.R.EK» . Бәйләнештә (21 май 2019). Дата обращения: 18 июнь 2024.
- ↑ Радик Курманаев. S.E.R. - Its my life (LiVE) 2017 . YouTube (7 сентябрь 2017). Дата обращения: 18 июнь 2024.
- ↑ Музыка, Һүнмә. S.E.R. - It's my life . Бәйләнештә (1 февраль 2018). Дата обращения: 18 июнь 2024.
- ↑ Нурсиля Усманова. S.E.R артабанғы ижады, башрэптан дуҫтары, насар ғәҙәттәре тураһында . YouTube (14 сентябрь 2021). Дата обращения: 18 июнь 2024.
- ↑ «Юлдаш» радиоһы. «Андеграунд» тапшырыуы . Бәйләнештә (1 апрель 2024). Дата обращения: 18 июнь 2024.