Jebugarum
Myristica fragrans ![]() | |
---|---|
![]() | |
Data (id) ![]() | |
Sumber dari | Pala (id) ![]() ![]() ![]() ![]() |
Status konservasi | |
Kuang data | |
UICN | 33986 ![]() |
Taksonomi | |
superdomain | Biota |
superkerajaan | Eukaryota |
krajan | Plantae |
subkrajan | Viridiplantae |
infrakrajan | Streptophyta |
superdivisi | Embryophyta |
divisi | Tracheophyta |
subdivisi | Spermatophytes |
Klad | Angiospermae |
Klad | magnoliids |
ordo | Magnoliales |
kaluwarga | Myristicaceae |
Génus | Myristica |
Spésiés ![]() | Myristica fragrans ![]() Houttuyn ![]() ![]() |
Jebugarum (Myristica fragrans) punika rempah asli saking Kepulauan Banda, Maluku, Indonésia. Kepulauan Banda kabaos pinaka wewidangan sané ngasilang jebugarum ngantos abad ka 18.[1] Wewidangan lianan sané ngasilang jebugarum ring Indonésia inggih punika Kepulauan Maluku, Sulawesi Utara, Sumatera Barat, Nanggroe Aceh Darussalam, Jawa Barat, miwah Papua.[2] Jebugarum saking dumun sampun kasub pesan pinaka komoditi rempah sané karereh olih para pedagang saking dura negara. Saking dumun,ratusan taun sané lintang, makeh anake maosang madué Jebugarum ring Banda kasenggakang sakadi madué emas. Yening rereh arti sujati ring sesenggakane punika, jebugarum yukti mawarna sakadi emas. Rikala kantun mawarna sakadi mas, buah puniki durung dados kaalap, risampune warna kuning nika kembang masawang barak miwah fuli (sané mungkus tur neket ring jebugarum) mawarna barak, wawu dados kaalap.[3]
jebugarum nyebar ring wewidangan utawi panegara sané madué iklim tropis minakadi Guangdong miwah Yunan ring Cina, Taiwan, Malaysia, Grenada ring Kepulauan Karibia, Kerala ring India, Sri Lanka, miwah Afrika Selatan, lianan ring Indonésia pinaka panegara witnyane. Yusan tetanduran niki taler panjang pisan, kirang langkung ngantos 100 warsa.[4]
Punyan jebugarum tegehnyane ngantos 20 meter. Wangun donnyane slilindris miwah bunter taler lanying ring cabanyane pateh. Donnyane mawarna gadang. Panjang donnyane kirang langkung 5 ngantos 15 cm miwah jimbarnyane 4–7 cm. Buahnyane lonjong ageng diameternyane kirang langkung 3 ngantos 9 cm. Buahnyane mawarna kuning tur pacang masibakan dados kakalih yéning sampun tasak. Rasan buahnyane masem.[5]
Komponen kimia utama sané wénten ring jebugarum sané pinih tegh inggih punika minyak atsiri miwah myristisin.Minyak Atsiri sané wénten ring jebugarum mawit saking monoterpen hidrokarbon miwah golongan aromatik sakadi myristisin, safrole, eugenol, isieugenol, miwah elemisin. Jebugarum kaambil batunnyane miwah fulinyane sané pinih utama ngasilang minyak atsiri tur pangargannyane mael pisan.[6]
Makeh pisan kawigunan buah jebugarum, minakadi dados ubad sakit maag, ngilangang rasa seneb, nyetop anak ngutah miwah nglies, taler ngubadin kolongan aang. Mangda prasida anggén ngicalang sakit maag miwah ngilangang seneb jebugarum kaseduh miwah kainem apisan kemanten kirang langkung 100 ml salami 30 hari. Yening kaanggén ngicalang kolongan aang jebugarum kadagingin cengkeh miwah jae kaseduh raris kaanggén boreh kagenahang ring baong, prasida taler kadagingin lengis kayu putih.[7]
- ↑ "Pulau Banda: Dari Rempah Pala dan Apa-apa yang Terjadi Setelahnya". Jalur Rempah (ring Indonesia). 2020-10-05. Kaarsipin saking versi asli tanggal 2021-07-18. Kaaksés 2021-07-18.
- ↑ Kompasiana.com (2013-01-02). "Pala: si Kecil Kaya Manfaat". KOMPASIANA (ring Indonesia). Kaaksés 2021-07-18.
- ↑ B, Perdagangan Rempah di; Kaya, a Neira Maluku dan Peran Orang (2020-10-04). "Khasiat Buah Pala, Jejak Sejarah & Pengaruhnya dalam Konteks Literasi". Jalur Rempah (ring Indonesia). Kaarsipin saking versi asli tanggal 2021-07-18. Kaaksés 2021-07-18.
- ↑ Jaiswal P, Dkk (2009). Biological effects of Myristica fragrans. Annu Rev Biomed Sci. pp. 11:21–29.
- ↑ agrotek (2020-02-02). "Klasifikasi dan Morfologi Tanaman Pala". Ilmu Pertanian (ring Indonesia). Kaaksés 2021-07-18.
- ↑ "Pala (Myristica Fragrans) Tanaman Rempah Banyak Manfaat". Kaarsipin saking versi asli tanggal 2021-07-18. Kaaksés 2021-07-18.
- ↑ "Balai Penelitian Tanaman Rempah dan Obat".