Яўген Бяласін

Яўге́н Алякса́ндравіч Бяла́сін (9 чэрвеня 1954, в. Грынявічы Сьвіслацкага раёну Гарадзенскай вобласьці БССР — 10 сакавіка 2022, Берасьце, Беларусь) — беларускі германіст, перакладчык, журналіст.

Яўген Бяласін
Дата нараджэньня	9 чэрвеня 1954(1954-06-09)
Месца нараджэньня	Грынявічы, Поразаўскі сельсавет, Сьвіслацкі раён, Гарадзенская вобласьць, БССР, СССР
Дата сьмерці	10 сакавіка 2022(2022-03-10) (67 гадоў)
Прычына сьмерці	Ковід-19
Месца вучобы	Менскі дзяржаўны лінгвістычны ўнівэрсытэт
Занятак	перакладнік, журналіст, пісьменьнік
Месца працы	Берасьцейскі дзяржаўны ўнівэрсытэт імя А. С. Пушкіна

Біяграфія

Яўген Бяласін

Скончыў Менскі дзяржаўны пэдагагічны інстытут замежных моваў (1975 год). Працаваў у Берасьцейскім дзяржаўным пэдагагічным інстытуце (1979—2001). Першы выкладчык факультэту замежных моваў Берасьцейскага дзяржаўнага ўнівэрсытэту (1994). У 1990-я — 2000-я гады быў дырэктарам Берасьцейскай філіі Беларускага гуманітарнага адукацыйна-культурнага Цэнтру. У 2001 годзе атрымаў забарону на прафэсію. З гэтага часу самадзейны германіст, журналіст, літаратар.

Як перакладчык зь нямецкай мовы згадваецца ў Беларускай энцыкляпэдыі. Перакладаў таксама з ангельскай, польскай моваў і з розных моваў на нямецкую.

Памёр вечарам 10 сакавіка 2022 року пасьля ўскладненньяў, выкліканых каранавірусам.

Бібліяграфія

• Фрыдрых Шылер. Пальчатка. (Friedrich Schiller. Der Handschuh.) // Шылер Ф. Вершы і баляды. Драмы. Менск: Мастацкая літаратура, 1993.
• Стыг Дагэрман(en). Забіць дзіця. (Stig Dagerman. Ein Kind töten) // «Крыніца», №7, 1994;
• Вольфганг Борхэрт(de). Апавяданьні. (Wolfgang Borchert. Erzählungen) // «Крыніца», №2, 1996;
• Пэтэр Гандке. Шэршні. (Peter Handke. Hornissen) // ARCHE , №4, 1999;
• Пэтэр Сьлётэрдайк(de). Прыйсьці на сьвет, прыйсьці да мовы. Франкфурцкія лекцыі. (Peter Sloterdijk. Zur Welt kommen, Zur Sprache kommen. Frankfurter Vorlesungen) // ARCHE, №2, 2005;
• Зыгмунд Фройд. Дыскамфорт ад культуры (Sigmund Freud. «Unbehagen in der Kultur»). Менск: Энцыклапедыкс", 2001;
• Сэбаст’ян Гафнэр(en). Гісторыя аднаго немца. Успаміны 1914—1933. (Sebastian Haffner. Geschichte eines Deutschen. Erinnerungen 1914—1933). Менск, 2006;
• Чарлз Дыкэнс. Олівэр Тўіст (Сharles Dickens. Oliver Twist). Менск: Галіяфы, 2010;
• Кароткая граматыка нямецкай мовы (у суаўтарстве з Л. Баршчэўскім). Менск: Радыёла-плюс, 2012;
• Гайнрых Гайнэ. «Пра Польшчу» (пераклад зь нямецкай). Берасьце, 2013;
• «Подземелья Бреста, крепости и…» Журналистское исследование с элементами литературы существования. Брест: Полиграфика, 2014;
• «Што такое Асьвета?» Імануэля Канта (крэда Асьветніцтва).
• Алесь Разанаў. «І вынайшаў сабе я крылы — вось яны», Білінгва. (з беларускай на нямецкую, як суперакладчык) Логвінаў, Вільня, 2014

Яўген Бяласін вядомы як эсэіст, аўтар соцень публіцыстычных і літаратурна-крытычных артыкулаў.

Некаторыя самыя значныя:

• Ліст да нямецкага знаёмага
• Пра неадэкватнасць
• Беларусь як краіна пабудаванага камунізму
• Я нярускі
• Ён усё ўмяшчае, або Ці ўстрымаўся Алесь Разанаў ад прынцыпа акына?
• Тайны подземелья. Куда ведут брестские тоннели?
• Подземелья Бреста-7: прорыв
• А разве у нас есть литература?(недаступная спасылка)
• Ці такі ўжо мірны атам?
• Усё роўна пяройдзем на беларускую мову
• Пешшу і без візы
• Беларусь прасоўвае ў Еўропу аграгарадкі