Іван Кухараў
Іван Кухараў Иван Миронович Кухарев | |||||||||||||
14 лістапада 1911 — 5 верасьня 1951 | |||||||||||||
Магіла І. М. Кухарава на пружанскіх могілках | |||||||||||||
Месца нараджэньня | в. Мар’еўка Самарскай губэрні, Расейская імпэрыя | ||||||||||||
---|---|---|---|---|---|---|---|---|---|---|---|---|---|
Месца сьмерці | Пружанскі раён, БССР | ||||||||||||
Прыналежнасьць | СССР | ||||||||||||
Род войскаў | авіяцыя | ||||||||||||
Гады службы | 1934—1951 | ||||||||||||
Званьне | падпалкоўнік ВПС СССР | ||||||||||||
Частка | 308-я штурмавая авіяцыйная дывізія | ||||||||||||
Камандаваў | 624-м штурмавым палком | ||||||||||||
Бітвы/войны | Вялікая Айчынная вайна | ||||||||||||
Узнагароды |
|
Іва́н Міро́навіч Ку́хараў (14 лістапада 1911, Мар’еўка Самарскай губэрні, Расейская імпэрыя — 5 верасьня 1951, Ружанскі палігон, БССР) — падпалкоўнік авіяцыі, Герой Савецкага Саюзу (27 чэрвеня 1945).
Біяграфія
[рэдагаваць | рэдагаваць крыніцу]Нарадзіўся 14 лістапада 1911 р. ў в. Мар’еўка Самарскай губэрні (цяпер у Пястраўскім раёне Самарскай вобласьці) ў сям’і вяскоўца. Расеец. Скончыў Іванаўскую саўгас-вучэльню, саўгас-тэхнікум у Балтайскім раёне, навучаўся ў Ленінградзкім аграпэдагагічным інстытуце.
З 1934 у Чырвонай Арміі. У 1936 р. скончыў Севастопальскую ваенную авіяцыйную вучэльню(ru). Удзельнік паходу ў Заходнюю Беларусь у 1939 р., савецка-фінляндзкай вайны 1939-40 рр.
З чэрвеня 1941 ваяваў на Паўднёва-Заходнім, Сталінградзкім, Бранскім, 1-м і 2-м Прыбалтыйскім, 3-м Беларускім франтах. Камандаваў 624-м штурмавым авіяцыйным палком (308-я штурмавая авіяцыйная дывізія, 2-я паветраная армія, 1-ы Ўкраінскі фронт). У 1944 авіяполк пад камандаваньнем маёра Кухарава прымаў удзел у Беларускай апэрацыі, Віцебска-Аршанскай апэрацыі. За ўдзел у баях за Маладэчна полк пад ягоным камандаваньнем атрымаў ганаровае найменьне «Маладэчанскі».
Агулам за гады вайны І. Кухараў зьдзейсьніў 163 баявыя вылеты, удзельнічаў у 16 паветраных баёх, зьбіў 2 самалёты асабіста і 3 ў складзе групы.
Сябра КПСС з 1937 р.
З 1949 жыў і працаваў у Пружанах па вул. Піянэрскай, 12.
5 верасьня 1951 р. а 23:17 памочнік старэйшага штурмана 311-й штурмавой авіяцыйнай дывізіі Іван Кухараў на палігоне Ружаны падчас начных палётаў, пры выкананьні бомбакіданьня зь пікіраваньня, вывеў самалёт з піке на нізкай вышыні. Самалёт ударыўся аб зямлю, экіпаж у складзе Івана Кухарава[1] і Аляксандра Цемнікава[2] загінуў.
Пахаваны ў Пружанах 8 верасьня 1951 р.
Узнагароды
[рэдагаваць | рэдагаваць крыніцу]Званьне Героя Савецкага Саюзу нададзена 27 чэрвеня 1945 р.
Узнагароджаны 2 ордэнамі Леніна, 2 ордэнамі Чырвонага Сьцягу, ордэнам Аляксандра Неўскага, двума Айчыннай вайны 1 ступені, Чырвонай Зоркі, мэдалямі, у тым ліку: «За адвагу», «За баявыя заслугі», «За абарону Сталінграда».
Сям’я
[рэдагаваць | рэдагаваць крыніцу]Жонка — Зінаіда Кузьмінічна Кухарава (1918 г. н.). Сыны Ўладзімер (1939) і Вадзім (1947)[3].
Памяць
[рэдагаваць | рэдагаваць крыніцу]Адна з вуліцаў Пружанаў носіць імя Івана Кухарава.
Крыніцы і заўвагі
[рэдагаваць | рэдагаваць крыніцу]- ^ Даведка №50/509 ад 18.06.2004 Аддзелу ЗАГС Пружанскага райвыканкаму на падставе запісу акту па сьмерці №64 за 26 верасьня 1951
- ^ Даведка №50/511 ад 18.06.2004 Аддзелу ЗАГС Пружанскага райвыканкаму на падставе запісу акту па сьмерці №65 за 26 верасьня 1951
- ^ Донесение о смерти офицера от 11 сентября 1951 года г. Пружаны в/ч 45189. Копия Начальнику отдела кадров 26 воздушной Армии г. Минск, войсковая часть 18318. Временно исполняющий должность командира 311 ШАД подполковник Афонченко.
Літаратура
[рэдагаваць | рэдагаваць крыніцу]- Іван Міронавіч Кухараў // Памяць: Гіст.-дакум. хроніка Пружанскага р-на / Беларус. Энцыкл.; Рэдкал. І. П. Шамякін (гал. рэд.) і інш.; Маст. А. М. Хількевіч. — Мн.: БелЭн, 1992. ISBN 5-85700-094-7. — С. 211.
- Герои Советского Союза. — Москва: 1987. — С. 831.
- Ганна Хадаровіч. Пра што гаворыць сціплы абеліск? // «Раённыя будні». — 17 ліпеня 2004. — № 84-85 (8400/8401).
- Нарадзіліся 14 лістапада
- Нарадзіліся ў 1911 годзе
- Памерлі 5 верасьня
- Памерлі ў 1951 годзе
- Героі Савецкага Саюзу
- Кавалеры ордэна Леніна
- Кавалеры ордэна Чырвонага Сьцягу
- Кавалеры ордэна Аляксандра Неўскага (СССР)
- Кавалеры ордэна Айчыннай вайны
- Кавалеры ордэна Чырвонай Зоркі
- Нарадзіліся ў Самарскай вобласьці
- Савецкія вайскоўцы
- Лётчыкі Другой сусьветнай вайны
- Удзельнікі савецка-фінскай вайны
- Сябры КПСС
- Памерлі ў Пружанскім раёне
- Пахаваныя ў Пружанах
- Людзі, у гонар якіх названыя вуліцы