Дзьмітры Арцыменя

	Дзьмітры Канстанцінавіч Арцыменя
Старшыня Гарадзенскага абласнога выканаўчага камітэту
	1983/1991 — 1993
Папярэднік:	Сяргей Кабяк /; першы ў Беларусі
Наступнік:	Сямён Домаш
Асабістыя зьвесткі
Нарадзіўся:	28 верасьня 1932; Стайкі, гміна Чэрніхава, Баранавіцкі павет, Наваградзкае ваяводзтва, Польская Рэспубліка;
Памёр:	20 верасьня 1993 (60 гадоў); Горадня, Беларусь;
Партыя:	КПБ(б)-КПСС
Сужэнец:	Галіна Апанасаўна
Дзеці:	сын Сяргей, інш.
Адукацыя:	Пінскі дзяржаўны аграрна-тэхнічны коледж[d] (1953); Менская вышэйшая партыйная школа (1964);
Узнагароды:

Дзьмі́тры Канстанці́навіч Арцыме́ня (28 верасьня 1932, в. Стайкі (цяпер Баранавіцкага раёна) — 20 верасьня 1993, Горадня) — савецкі і беларускі партыйны і палітычны дзяяч.

Біяграфія

Нарадзіўся ў в. Стайкі (цяпер Баранавіцкага раёну) у сялянскай сям’і. У няпоўныя 15 гадоў пайшоў працаваць на Баранавіцкі рамонтна-мэханічны завод. У 1953 скончыў Пінскі гідратэхнікум. Працаваў у Зэльве старэйшым раённым мэліяратарам.

Быў абраны другім, а затым першым сакратаром Зэльвенскага райкаму камсамола. У 1960 накіраваны ў Менскую партыйную школу (скончыў у 1964). У 1964 пераехаў у Сьвіслач. Старшыня Сьвіслацкага райвыканкаму. Накіраваны ў Астравец. Першы сакратар Астравецкага райкаму партыі. У ліпені 1977 пераведзены ў Горадню на пасаду намесьніка старшыні аблвыканкаму. З кастрычніка 1983 (пасьля ад’езду Сяргея Кабяка на працу ў Віцебск) прызначаны старшынём Гарадзенскага аблвыканкаму. Захаваў пасаду і ў незалежнай Беларусі. Праводзіў паседжаньні па-беларуску.

Дэпутат Вярхоўнага Савету 12-га скліканьня. Разглядаўся партыйнай намэнклятурай, як адзін з кандыдатаў на пасаду старшыні Вярхоўнага Савету Беларусі ўзамен Станіслава Шушкевіча.

Ініцыятар стварэньня эўрарэгіёну «Нёман».

Забойства

У нядзелю ўвечары 20 верасьня 1993 быў забіты стрэлам у сэрца на ганку свайго дома ў Горадні.

Газэта Пагоня апісвала забойства Арцімені.

Горад поўніцца чуткамі па самыя берагі. Пацьвердзіць альбо абвергнуць іх пакуль немагчыма і ці будзе магчыма наогул. Пра злачынства гавораць у крамах, кабінетах, у тралейбусах, на кухнях. Гісторыя вымалёўваецца надзвычай дэтэктыўная з белым альбо чырвоным БМВ, альбо «Мэрсэдэсам». Аднак трэба прызнаць, што сёння зразумела толькі тое, што справа гэтая вельмі і вельмі цёмная.

— Аб забойстве Арцымені.^[1]

Апэратыўна-вышуковую гурт узначалілі двое:

начальнік УУС Гарадзенскага аблвыканкаму генэрал-маёр міліцыі Фёдар Гудзей
начальнік абласное ўправы КДБ Леанід Цярэшчанка.

Забойства, якое так і не было раскрыта КДБ, стала адным з самых гучных злачынстваў у гісторыі першых гадоў незалежнае Беларусі. Яго забойства ўлады не хацелі зьвязваць з праціўнікамі ўлады: БНФ і г. д.

Пахаваны на Гарадзенскіх могілках па праспэкце Касманаўтаў.

Узнагароды

Ордэн Працоўнага Чырвонага Сьцяга СССР.

Памяць

На радзіме ў вёсцы Стайкі Баранавіцкага раёну імем Арцымені названа вуліца.

Крыніцы

^ Киллер для губернатора. История одного из самых громких убийств в современной Беларуси, которое так и не раскрыто. (html). Тут.бай (19 лютага 2020). Праверана 1 верасьня 2022 г.

Вонкавыя спасылкі

Александр ФЕДУТА. Его звали «Батька». Дмитрий Арцименя и его наследство (рас.) // «БДГ для служебного пользования»

Гэта — накід артыкула пра палітыка. Вы можаце дапамагчы Вікіпэдыі, пашырыўшы яго.

[1] Киллер для губернатора. История одного из самых громких убийств в современной Беларуси, которое так и не раскрыто. (html). Тут.бай (19 лютага 2020). Праверана 1 верасьня 2022 г.

[1]