Тапонім

Тапо́нім (па-грэцку: τόπος, ὄνομα — месца, імя) — у агульным значэньні гэта назва мясьціны. Тапонімамі займаецца разьдзел мовазнаўства — тапаніміка. Аналіз тапонімаў можа даць многа інфармацыі пра разьвіцьцё мовы або гісторыю геаграфічнай мясцовасьці.

Тапонімы падзяляюцца на некалькі клясаў:

• гідронімы — геаграфічныя назвы водных аб’ектаў (рэк, азёраў, мораў і г. д.)
• аронімы — назвы ўзьнятых формаў рэльефу (гор, хрыбтоў)
• айконімы — назвы населеных месцаў
• урбанонімы — назвы тапаграфічных аб’ектаў у межах населенага пункту (вуліцаў, пляцаў, завулкаў і г. д.).
• мікратапонімы — назвы невялікіх месцаў (крыніцаў, калодзежаў, сенакосаў і г. д.)

У біялёгіі звычайна тапонім дадаюць да назвы віду або роду. Звычайна ён азначае месца, дзе гэты гатунак быў знойдзены першы раз, ці дзе часьцей сустракаецца.

Вонкавыя спасылкі

• Taponim.by — мапа тапонімаў Беларусі. Пошук паводле ўзору зь візуалізацыяй на мапе.