Црвена Зьвезда Бялград

	Црвена Зьвезда
Поўная назва	Fudbalski Klub Crvena Zvezda
Заснаваны	4 сакавіка 1945
Горад	Бялград, Сэрбія
Стадыён	Црвена Зьвезда; Умяшчальнасьць: 55 538
Прэзыдэнт	Драган Джаіч[d]
Галоўны трэнэр	Уладан Мілоевіч[d];
Чэмпіянат	Супэрліга
· 2023—2024	1 месца
	Галерэя здымкаў у Вікісховішчы; crvenazvezdafk.com (сэрб.) (анг.) (рас.)

«Црвена Зьвезда» (па-сэрбску: Црвена звезда) — сэрбскі футбольны клюб з гораду Бялграду. Заснаваны ў 1945 годзе. 19-разовы чэмпіён Югаславіі, 5-разовы чэмпіён Сэрбіі і Чарнагорыі, 10-разовы чэмпіён Сэрбіі. 12-разовы ўладальнік Кубка Югаславіі, 9-разовы ўладальнік Кубка Сэрбіі і Чарнагорыі, 7-разовы ўладальнік Кубка Сэрбіі. Уладальнік Кубка чэмпіёнаў (1991).

Паводле апытаньня, праведзенага ў 2008 годзе, «Црвена Зьвезда» зьяўляецца самым папулярным футбольным клюбам Сэрбіі, маючы падтрымку ў 48,2% апытаных^[2]. Клюб таксама мае шмат прыхільнікаў у іншых былых югаслаўскіх рэспубліках і ў сэрбскіх дыяспарах за мяжой. Галоўнымі супернікамі клюбу зьяўляецца бялградзкі «Партызан». Матчы чэмпіянату паміж гэтымі двума клюбамі вядомыя як «Адвечнае дэрбі». Згодна са сьпісам Міжнароднай фэдэрацыі гісторыі футболу і статыстыкі «Црвена Зьвезда» ўваходзіць у лік лепшых 200 эўрапейскіх клюбаў XX стагодзьдзя, маючы самы высокі рэйтынг сярод сэрбскіх клюбаў і клюбаў былой Югаславіі, займаючы 27-ы радок у сьпісе разам зь нідэрляндзкім клюбам «Фэеноорд».

Гісторыя

У лютым 1945 году, падчас Другой сусьветнай вайны, група маладых людзей, актыўных гульцоў, студэнтаў і чальцоў Сэрбскай аб’яднанай антыфашысцкай моладзевай лігі прыняла рашэньне стварыць Моладзевае таварыства фізычнае культуры, якое паўстала 4 красавіка таго ж году ў Бялградзе. Раней, са сьнежня 1944 году, усе даваенныя сэрбскія клюбы былі распушчаныя, а 5 траўня 1945 году сакратар спорту паводле камуністычных пытаньняў Мітра Мітравіч падпісаў пастанову аб афіцыйным скачаваньні ўсіх даваенных клюбаў на тэрыторыі Сацыялістычнай Рэспублікі Сэрбія. Клюбы былі распушчаныя праз тое, што за часам нямецкае акупацыі была спроба арганізаваць лігу з удзелам існых клюбаў, таму ўсе гэтыя клюбы былі прызнаныя праціўнікамі камуністычнага рэжыму Ёсіпа Броза Ціта.

Двума найбольш папулярнымі клюбамі Бялграду на той час былі «Югаславія» і БСК. «Црвена Зьвезда» была сфарміраваная на рэштках клюбу «Югаславія», то бок новы клюб успадкаваў стадыён «Югаславіі», офіс, шэраг гульцоў і нават іхныя чырвона-белыя колеры, а таксама лягатып, на які дадалі чырвоную зорку. Назва клюбу «Црвена Зьвезда» (бел. Чырвоная зорка) была прынятая пасьля доўгіх дыскусіяў. Іншымі прапанаванымі назовамі былі «Народная зорка», «Сіняя зорка», «Пралетэр», «Сталін», «Ленін» і іншыя^[3]. Чырвоная зорка неўзабаве была прынятая як сымбаль сэрбскага нацыяналізму ў Югаславіі і далучаная на сьцяг СФРЮ.

Склад

Актуальны на 19 верасьня 2024 году

№	Пазыцыя	Імя	Год нараджэньня
1	Бр	Марка Іліч	1998
3	Аб	Мілаш Дэгенэк	1994
4	ПА	Мірка Іваніч	1993
5	Аб	Ураш Спаіч (капітан)	1993
6	ПА	Радэ Круніч	1993
7	ПА	Ёван Шлівіч	2005
8	ПА	Гелёр Канга	1990
9	Нап	Шэрыф Ндыяй	1996
10	Нап	Аляксандар Катаі	1991
14	Нап	Пітэр Алаінка	1995
15	Нап	Сыляс Мвюмпа (ар. Штутгарт)	1998
17	Нап	Бруну Дуартэ	1996
18	Бр	Амры Глазэр	1996
21	ПА	Цімі Эльшнік	1998
22	ПА	Далсію Гоміш	1996
23	Аб	Мілан Родыч	1991

№	Пазыцыя	Імя	Год нараджэньня
24	Аб	Насэр Джыга	2002
25	Аб	Стэфан Лекавіч	2004
27	Нап	Фэлісію Мілсан	1999
28	Бр	Вук Драшкіч	2007
31	Нап	Ураш Срэмчавіч	2006
32	ПА	Лука Іліч	1999
33	Аб	Ваня Дркушыч (ар. Зэніт)	1999
44	Аб	Вэлька Міласаўлевіч	2007
49	Нап	Неманья Раданьіч	1996
55	ПА	Андрыя Максімавіч	2007
66	Аб	Соль Ён-У	1998
70	Аб	Огнен Мімавіч	2004
73	ПА	Ягор Пруцаў	2002
77	Бр	Іван Гутэша	2002
91	Нап	Лазар Яванавіч	2006
—	Аб	Вук Багданавіч	2002

Крыніцы

Вонкавыя спасылкі

Афіцыйны сайт

[_2a0ba2678312992d-1] ttps://www.transfermarkt.com/roter-stern-belgrad/mitarbeiterhistorie/verein/159

[2] «Svaki drugi Srbin navija za Zvezdu». b92.net.

[3] «Sa proslave 57. rođendana crveno-belih: Lenjin i Staljin bili u "igri" za ime Crvene Zvezde». Politika.

[1]

[2]

[3]