Хернінг
Хернінг
| ||||||||||||||||
Хернінг (дацк.: Herning) — горад у Даніі. Знаходзіцца ў цэнтры паўвострава Ютландыя. Хернінг — адміністрацыйны цэнтр аднайменнай камуны, уваходзіць у склад регіёна Цэнтральная Ютландыя. Насельніцтва горада складае 48 531 чалавек (на 1 студзеня 2016 года)[1].
Гісторыя
[правіць | правіць зыходнік]Хернінг называлі «сталіцай верасу» (hedens hovedstad): горад быў заснаваны на пачатку 19 стагоддзя падчас перыяду меліярацыі. У выніку гэтага працэсу насельніцтва горада значна павялічылася і ўзрос попыт на прадукцыю ды паслугі новых фермераў раёна. Хернінг узнік як раённы цэнтр гандлю.
У 1913 годзе Хернінг атрымаў права на правядзенне кірмашоў. Так Хернінг стаў вядомы на тэкстыль: ткацкая прамысловасць развівалася ў горадзе і вакол яго. Гэтая галіна калісьці была асноўнай эканамічнай дзейнасцю ў Хернінгу. Цяпер у горадзе знаходзяцца разнастайныя прамысловыя прадпрыемствы.
У 1965 ды 2003 гадах Хернінг стаў «горадам года ў Даніі»[2] па версіі дацкай газеты «Юланс Постэн» (Jyllands-Posten).
У Хернінгу знаходзіцца буйнейшы ў Скандынавіі выставачны цэнтр Messecenter Herning[3].
Адукацыя
[правіць | правіць зыходнік]У Хернінгу знаходзіцца Інстытут бізнесу і тэхналогіі (Handels- og IngeniørHøjskolen)[4], які з’яўляецца факультэтам сацыяльных навук Орхускага ўніверсітэта (Aarhus Universitet)[5].
Мова
[правіць | правіць зыходнік]У Хернінгу, як і ў астатняй Ютландыі, шмат людзей, асабліва ў вёсках і мястэчках, размаўляюць на заходнім дыялекце дацкай мовы, які называецца ютландскі ці юцкі (jydsk, jysk).
Славутасці
[правіць | правіць зыходнік]У Хернінгу знаходзіцца Элія (Elia)[6], унікальная манументальная праца скульптара Інгвара Кронгамара. Яна ўяўляе сабой чорны 60-метровы купал з чатырма лесвіцамі — 10 метраў у шырыню, якія ўкроеныя ў паверхню і глядзяць на чатыры кірункі свету.
Зноскі
- ↑ http://www.statistikbanken.dk/BEF44 (дацк.) (англ.)
- ↑ Спіс гарадоў года ў Даніі Архівавана 15 мая 2009. (дацк.)
- ↑ Сайт выставачнага цэнтра ў Хернінгу (дацк.) (англ.)
- ↑ Інстытут бізнесу і тэхналогіі (дацк.) (англ.)
- ↑ Орхускі ўніверсітэт (дацк.) (англ.)
- ↑ Сайт скульптуры Элія (дацк.) (англ.)
Спасылкі
[правіць | правіць зыходнік]На Вікісховішчы ёсць медыяфайлы па тэме Хернінг
- Афіцыйны турыстычны партал Хернінга (дацк.) (англ.) (ням.)
- Афіцыйны сайт камуны Хернінг (дацк.) (англ.) (ням.)
- Фестываль кароткіх стужак у Хернінгу Архівавана 10 красавіка 2010. (англ.)