Бярозаўка (Палыкавіцкі сельсавет)
Вёска
Бярозаўка
| ||||||||||||||||||||||
Бяро́заўка[1] (трансліт.: Biarozaŭka, руск.: Берёзовка) — вёска ў Магілёўскім раёне Магілёўскай вобласці. Уваходзіць у склад Палыкавіцкага сельсавета. Размешчана за 2 км на ўсход ад Магілёва і чыгуначнай станцыі Магілёў I. Рэльеф раўнінны. Транспартныя сувязі па мясцовай дарозе і далей па шашы Санкт-Пецярбург — Адэса.
Гісторыя
[правіць | правіць зыходнік]Вядома ў Расійскай імперыі з XIX ст. Паводле перапісу 1897 года хутар у Княжыцкай воласці Магілёўскага павета Магілёўскай губерні. Побач знаходзілася аднайменная сяліба.
У 1909 годзе дзейнічаў вадзяны млын. У 1910 годзе адкрыта земская школа, якая размяшчалася ў наёмным памяшканні. На базе дарэвалюцыйнай створана працоўная школа першай ступені, у якой у 1925 годзе было 50 вучняў, дзейнічаў драмгурток і гурток па ліквідацыі непісьменнасці сярод дарослых.
25 сакавіка 1918 года згодна з Трэцяй Устаўной граматай вёска абвяшчалася часткай Беларускай Народнай Рэспублікі. 1 студзеня 1919 года згодна з пастановай I з’езда КП(б) Беларусі ўвайшла ў склад Беларускай ССР, аднак 16 студзеня Масква адабрала яе разам з іншымі этнічна беларускімі тэрыторыямі ў склад РСФСР. З 26 красавіка 1919 года ў Гомельскай губерні РСФСР. У сакавіку 1924 года вёску вярнулі БССР.
З 17 ліпеня 1924 года ў Магілёўскім раёне Магілёўскай акругі (да 26 ліпеня 1930), з 20 лютага 1938 года ў Магілёўскай вобласці. У 1930 годзе арганізаваны калгас «Чырвоная зорка».
У Вялікую Айчынную вайну з ліпеня 1941 года да 27 чэрвеня 1944 года акупіравана нямецка-фашысцкімі захопнікамі. У 1990 годзе ў складзе калгаса «Камінтэрн» (цэнтр — в. Мікалаеўка 2).
Планіроўка
[правіць | правіць зыходнік]Планіроўка Г-падобная. Да просталінейнай вуліцы, арыентаванай з паўднёвага захаду на паўночны ўсход, далучаецца на поўнач кароткая просталінейная вуліца. Забудавана двухбакова, шчыльна традыцыйнымі драўлянымі дамамі сядзібнага тыпу.
Насельніцтва
[правіць | правіць зыходнік]- XIX стагоддзе:
- 1897 — 5 двароў, 30 жыхароў, сяліба — 11 двароў, 20 жыхароў.
- XX стагоддзе:
- 1990 — 41 гаспадарка, 128 жыхароў.
- XXI стагоддзе:
- 2007 — 25 гаспадарак, 69 жыхароў.
Зноскі
- ↑ Назвы населеных пунктаў Рэспублікі Беларусь: Магілёўская вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2007. — 406 с. — ISBN 978-985-458-159-0. (DJVU)
Літаратура
[правіць | правіць зыходнік]- Бярозаўка // Гарады і вёскі Беларусі: Энцыклапедыя. Т. 6, кн. 2. Магілёўская вобласць / рэдкал.: Т. У. Бялова (дырэктар) і інш. — Мн.: Беларуская Энцыклапедыя імя Петруся Броўкі, 2009. — 592 с.: іл. — 2 000 экз. — ISBN 978-985-11-0440-2.
Спасылкі
[правіць | правіць зыходнік]На Вікісховішчы ёсць медыяфайлы па тэме Бярозаўка (Палыкавіцкі сельсавет)