Габрыэль Метсю

Габрыэль Метсю
Дата нараджэння	студзень 1629
Месца нараджэння	Лейдэн, графства Галандыя, Рэспубліка Злучаных правінцый
Дата смерці	24 кастрычніка 1667(1667-10-24) (38 гадоў)
Месца смерці	Амстэрдам, графства Галандыя, Рэспубліка Злучаных правінцый
Месца пахавання	Ньівекерк[d]
Грамадзянства	Рэспубліка Злучаных правінцый
Бацька	Жак Метсю[d]
Маці	Жакемейнцье Гарньер[d]
Жонка	Ізабела дэ Вольф[d]
Род дзейнасці	мастак, дзеяч выяўленчага мастацтва
Жанр	гістарычны жывапіс, жанравы жывапіс, рэлігійнае мастацтва[d] і партрэт
Мастацкі кірунак	барока
Уплыў	Герард Доу
Медыяфайлы на Вікісховішчы

Габрыэль Метсю (нідэрл.: Gabriel Metsu; студзень 1629, Лейдэн — (пахаваны) 24 кастрычніка 1667, Амстэрдам) — галандскі мастак, майстар жанравага, партрэтнага і гістарычнага жывапісу.

Жыццё і творчасць

Сын мастака Жака Метсю (каля 1588 — сакавік 1629). Першыя ўрокі малявання атрымаў ад бацькоў. Працягнуў мастацкую адукацыю (як і Стэн) у Нікалауса Кнюпфера ва Утрэхце, а таксама навучаўся ў Яна Венікса. Хрышчоны, хутчэй за ўсё, у каталіцкай прыхаванай царкве, але запісы аб хрышчэнні не захаваліся. Да 1657 г. амаль без перапынку пражывае ў Лейдэне, дзе становіцца ў 1648 г. адным з заснавальнікаў гільдыі святога Лукі. Каля 1655 г. перабраўся ў Амстэрдам, жыў у завулку на Прынсенграхце, побач з броварам і побач з яго сваяком Філіпсам Метсю. У 1658 г. ажаніўся з Ізабелай дэ Вольф, дачкой ганчара і мастачкі Марыі дэ Грэбер.

У яго ранніх працах на гістарычныя тэмы адлюстраваны ў асноўным міфалагічныя, алегарычныя і біблейскія сюжэты і адчуваецца ўплыў школы Рэмбранта. У працах пасля 1650 г. Метсю звяртаецца да гарадскіх і жанравых сцэн з паўсядзённага жыцця галандскіх абывацеляў. У гэтых сваіх працах удасканальвае манеру малюнка Яна Стэна, Яна Вермера і Пітэра дэ Хоха, надае ёй выраз глыбейшай пачуццёвасці і ў той жа час больш спакойнага настрою. У канцы жыцця, знаходзячыся пад уплывам лейдэнскай школы жывапісу, вялікае значэнне надае майстэрству дэталіроўкі, асабліва ў малюнку раскошных тканін, якія пры гэтым павінны былі выглядаць гладкімі і бліскучымі.