Генрык Стажэўскі

Генрык Стажэўскі
польск.: Henryk Stażewski
Дата нараджэння	9 студзеня 1894(1894-01-09)[…]
Месца нараджэння	Варшава, Царства Польскае, Расійская імперыя
Дата смерці	10 чэрвеня 1988(1988-06-10)[…] (94 гады)
Месца смерці	Варшава, Варшаўскае сталічнае ваяводства, Польская Народная Рэспубліка
Месца пахавання	Вайсковыя могілкі Павонзкі[d]
Грамадзянства	Царства Польскае  Польская Рэспубліка  Польская Народная Рэспубліка
Род дзейнасці	мастак, скульптар
Член у	Круг і квадрат[d]
Медыяфайлы на Вікісховішчы

Генрык Стажэ́ўскі (польск.: Henryk Stażewski; 9 студзеня 1894, Варшава — 10 чэрвеня 1988, Варшава) — польскі мастак-авангардыст, заснавальнік кірунку геаметрычнага абстракцыянізму ў польскім мастацтве.

Біяграфія

Нарадзіўся ў Варшаве. У 1920 годзе скончыў Варшаўскую акадэмію прыгожых мастацтваў. У 1923 годзе разам з У. Страмінскім, К. Кобра і іншымі заснаваў аб’яднанне геаметрычных абстракцыяністаў «Блок» і часопіс «Blok». Наведваў Парыж, Італію, Германію ў 1924—1937 гадах. Быў членам аб’яднання мастакоў «Прэзенс» і з 1926 года рэдактарам часопіса «Praesens», з 1930 года рэдактарам часопіса «Рэвалюцыйныя мастакі» і інш. Член Міжнароднай асацыяцыі мастацтваў пры ЮНЕСКА з 1962 года.

Творчасць

Генрыку Стажэўскаму належаць шэраг гарманічна рытмізаваных графічных кампазіцый. Сярод іх: «Контркампазіцыя» (1930—1932), «Кампазыцыя» (1932), «Рэльеф блакітны» (1958), «Рэльеф белы» (1961), «Рэльеф бела-чорны» (1962) і інш.

Літаратура

• Шунейка Я. Ф. Стажэўскі Генрых // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 128—129. — 10 000 экз. — ISBN 985-11-0035-8. — ISBN 985-11-0251-2 (т. 15).