Ежы Анджаеўскі

Ежы Анджаеўскі
польск.: Jerzy Andrzejewski
Асабістыя звесткі
Дата нараджэння	19 жніўня 1909(1909-08-19)[…]
Месца нараджэння	Варшава, Царства Польскае, Расійская імперыя
Дата смерці	19 красавіка 1983(1983-04-19) (73 гады)
Месца смерці	Варшава, Варшаўскае сталічнае ваяводства, Польская Народная Рэспубліка
Пахаванне	Старыя Павонзкі
Грамадзянства	Польшча
Дзеці	Agnieszka Andrzejewska[d]
Альма-матар	факультэт паланістыкі Варшаўскага ўніверсітэта[d]
Прафесійная дзейнасць
Род дзейнасці	сцэнарыст, палітык, пісьменнік, драматург, журналіст, раманіст
Мова твораў	польская
Грамадская дзейнасць
Партыя	ПАРП
Член у	Саюз польскіх пісьменнікаў[d] Прафесійны саюз польскіх літаратараў[d]
Узнагароды
Медыяфайлы на Вікісховішчы

Е́жы Анджае́ўскі (польск.: Jerzy Andrzejewski; 19 жніўня 1909, Варшава, Расійская імперыя — 19 красавіка 1983, Варшава, Польшча) — польскі празаік і публіцыст.

Біяграфія

У 1927—1931 гадах вучыўся ў Варшаўскім універсітэце. У 1950-х гадах член ПАРП. Займаў кіруючыя пасады ў Саюзе пісьменнікаў. У 1955—1961 гадах быў літаратурным кіраўніком кінастудыі «Syrena».

З 1960-х гадоў у апазіцыі да афіцыйнай палітыкі і ідэалогіі. У канцы жыцця стаў сузаснавальнікам Камітэта абароны рабочых, актыўны прыхільнік руху «Салідарнасць».

Надмагілле Ежы Анджаеўскага на могілкі Павонзкі у Варшаве

Творчасць

Першае апавяданне «Хлусня» (1932). Вядомасць прынесла аповесць «Лад сэрца» (1938). У зборніку апавяданняў «Ноч» (1945) адлюстраваў жыццё суайчыннікаў у час нямецкай акупацыі. Раман «Попел і дыямент» (1948; экранізацыя А. Вайды, 1958) пра супярэчлівую грамадска-палітычную і маральную атмасферу ў пасляваеннай Польшчы. У метафарычных аповесцях «Цемра ахінае зямлю» (1957), «Брама раю» (1960) праблемы быцця чалавека ў складанай гістарычнай плыні часу, пошукі справядлівасці, веры, сэнсу існавання. У аповесці «Ужо амаль нічога» (1976) даследуе душэўны стан і памкненні мастака, у аповесці «Ніхто» (1983) праз міфалагічную прызму спрабуе асэнсаваць месца і прызначэнне чалавека ў Сусвеце. Яго творам уласцівы філасафічнасць, нетрадыцыйнае светаўспрамынне, экзістэнцыяльная праблематыка.

Літаратура

• Беларуская энцыклапедыя: У 18 т. Т. 1: А — Аршын / Рэдкал.: Г. П. Пашкоў і інш. — Мн. : БелЭн, 1996. — Т. 1. — 552 с. — 10 000 экз. — ISBN 985-11-0035-8. — ISBN 985-11-0036-6 (т. 1).

Спасылкі

• На Вікісховішчы ёсць медыяфайлы па тэме Ежы Анджаеўскі