З Вікіпедыі, свабоднай энцыклапедыі
Мальтыйскі ўніверсітэт (мальт.: L-Università ta' Malta) — мальтыйская дзяржаўная вышэйшая навучальная ўстанова са статусам універсітэта з сядзібай у горадзе Мсіда.
Папярэднікам універсітэта быў Мальтыйскі калегіум, заснаваны ордэнам езуітаў у 1592 годзе. Пасля выгнання езуітаў з Мальты ў 1768 годзе калегіум перайшоў ва ўласнасць Мальтыйскага Ордэна, і ў 1769 годзе гросмайстрам Мануэлам Пінту да Фансекам быў заснаваны ўніверсітэт. У 1798 годзе Напалеон Банапарт заваяваў Мальту, універсітэт быў закрыты. У 1800 годзе англічане занялі Валету сваімі войскамі, востраў стаў брытанскім пратэктаратам. Універсітэт быў адноўлены пад кіраўніцтвам сэра Аляксандра Бола, губернатара Мальты. У 1938 годзе кароль Георг VI пераназваў навучальную ўстанову ў Мальтыйскі каралеўскі ўніверсітэт. Слова «каралеўскі» было выдалена з назвы ўніверсітэта, калі Мальта стала рэспублікай у 1974 годзе.
- Факультэт архітэктуры і грамадзянскага будаўніцтва
- Факультэт гуманітарных навук
- Факультэт прыродазнаўчых навук
- Факультэт мастацтва
- Факультэт інфармацыйных тэхналогій
- Факультэт медыцыны і хірургіі
- Факультэт педагогікі
- Факультэт тэалогіі
- Факультэт тэхнічных навук
- Факультэт хірургічнай стаматалогіі
- Факультэт эканомікі і права
Зноскі
| |
|---|
| Фота, відэа і аўдыё | |
|---|
| Слоўнікі і энцыклапедыі | |
|---|
|
Медыяфайлы на Вікісховішчы
На Вікісховішчы ёсць медыяфайлы па тэме Мальтыйскі ўніверсітэт