Медаль «За вызваленне Прагі»

Медаль «За вызваленне Прагі»
Краіна	СССР
Тып	медаль
Каму ўручаецца	ваеннаслужачым Чырвонай Арміі, Ваенна-марскога флота і войскаў НКУС
Падставы ўзнагароджання	непасрэдным удзельнікам вызваленні Прагі
Дата заснавання	9 чэрвеня 1945
Статус	не ўручаецца
Статыстыка ўзнагароджанняў
Колькасць	395 000
Характарыстыкі
Матэрыял	Латунь
Памеры	круг з латуні дыяметрам 32 мм
Чарговасць узнагарод
Старэйшая	Медаль «За вызваленне Варшавы»
Малодшая	Медаль «За доблесную працу ў Вялікай Айчыннай вайне 1941—1945 гг.»
Медыяфайлы на Вікісховішчы

Меда́ль «За вызвале́нне Пра́гі» — узнагарода для вайскоўцаў Чырвонай Арміі, Ваенна-Марскога Флота і войскаў НКУС, якія непасрэдна ўдзельнічалі ў Пражскай аперацыі 3-9 мая 1945 года. Таксама гэтым медалём узнагароджваліся арганізатары і кіраўнікі баявых дзеянняў па вызваленні гэтага горада.

Медаль заснаваны Указам Прэзідыума Вярхоўнага Савета СССР ад 9 чэрвеня 1945 года. Аўтары праекта медаля — мастак А. І. Кузняцоў і мастачка Скаржынская.

Па стане на 1962 год медалём «За вызваленне Прагі» было ўзнагароджана звыш 395 000 чалавек.

Апісанне медаля

Медаль «За вызваленне Прагі» выраблены з латуні і мае форму правільнага круга дыяметрам 32 мм.

На вонкавым баку па акружнасці надпіс «За вызваленне», пад ёй — надпіс «Прагі». Унізе выява ўзыходзячага сонца і двух лаўровых галінак, злучаных пад пяціканцовай зорачкай. Таксама пярэдні бок медаля абрамлены борцікам.

На адваротным баку медаля — дата вызвалення Прагі: «9 мая 1945», пад датай — пяціканцовая зорка. Усе надпісы і малюнкі на медалі — выпуклыя.

Медаль вушкам i кольцом злучаецца з пяцівугольнай калодкай, абцягнутай бэзавай шаўковай муаравай стужкай шырынёй 24 мм. Пасярэдзіне стужкі — сіняя палоска шырынёй 8 мм.

Медаль «За вызваленне Прагі» носіцца на левым баку грудзей i пры наяўнасці іншых медалёў СССР размяшчаецца пасля медаля «За вызваленне Варшавы».

Спасылкі

• На Вікісховішчы ёсць медыяфайлы па тэме Медаль «За вызваленне Прагі»
• Медалі і ордэны СССР