Пунш
Пунш | |
---|---|
англ.: Punch | |
![]() Паўднёвы пунш з бурбона | |
Краіна паходжання | |
![]() |
Пунш (ад англ.: punch) — зборная назва кактэйляў, у першую чаргу алкагольных, якія звычайна ўтрымоўваюць садавіну ці фруктовы сок. Падаецца традыцыйна на вечарынках у вялікіх шырокіх чашах, з плаваючымі ў іх кавалачкамі садавіны.[1] Напой быў завезены з Індыі ў Англію напачатку XVII стагоддзя і распаўсюдзіўся ў Еўропе.[2]
Гісторыя
[правіць | правіць зыходнік]Пунш упершыню з’явіўся ў Індыі, назва паходзіць ад хіндзі: panch («пяць») (і ўзыходзіць да санскрыцкага panchan-s)[3]. Гэта быў гарачы напой з пяці кампанентаў: рому, цукру, лімоннага соку, гарачай вады і чаю.
З Індыі маракамі Брытанскай Ост-Індскай кампаніі напачатку XVII стагоддзя пунш быў завезены ў Англію, і адсюль распаўсюдзіўся па Еўропе. Перш ён рабіўся на аснове брэндзі і віна, з прычыны таго, што ром стаў вядомы толькі ў канцы XVII стагоддзя. Упершыню тэрмін «пунш» (англ.: punch) быў зарэгістраваны ў брытанскіх дакументах у 1632 годзе.
З часам варыянтаў прыгатавання пуншу стала вялікае мноства: агульным для іх з’яўляецца фруктовы сок у складзе напою. Пунш часам падаюць халодным, ці нават робяць безалкагольны кактэйль з розных фруктовых сокаў, свежых і кансерваваных ягад і садавіны, які таксама завецца пуншам.