Сцяпан Захаравіч Гаўрусёў
Сцяпан Гаўрусёў | |
---|---|
Асабістыя звесткі | |
Імя пры нараджэнні | Сцяпан Захаравіч Гаўрусёў |
Дата нараджэння | 10 мая 1931 |
Месца нараджэння | |
Дата смерці | 12 сакавіка 1988 (56 гадоў) |
Месца смерці | |
Пахаванне | |
Грамадзянства | |
Альма-матар | |
Месца працы | |
Прафесійная дзейнасць | |
Род дзейнасці | |
Гады творчасці | 1948—1988 |
Кірунак | Сацыялістычны рэалізм |
Жанр | Лірыка |
Мова твораў | беларуская |
Грамадская дзейнасць | |
Член у | |
Прэміі |
Сцяпан Захаравіч Гаўрусёў (10 мая 1931, в. Нова-Аляксандраўка, цяпер Дрыбінскі раён, Магілёўская вобласць — 12 сакавіка 1988, Мінск) — беларускі паэт, перакладчык[1].
Біяграфія
[правіць | правіць зыходнік]Нарадзіўся 10 мая 1931 года ў вёсцы Нова-Аляксандраўка. З сялянскай сям'і. Скончыў у 1951 годзе Магілёўскае педагагічнае вучылішча. Служыў у Савецкай Арміі. У 1954—1957 гг. быў супрацоўнікам рэспубліканскай газеты «Звязда», у 1964—1965 гг. — рэдактарам выдавецтва «Беларусь».
Член Саюза пісьменнікаў СССР і Беларусі з 1955 года.
Памёр 12 сакавіка 1988 года ў Мінску. Пахаваны на Чыжоўскіх могілках Мінска[2].
Творчасць
[правіць | правіць зыходнік]Дэбютаваў вершамі ў 1948 годзе[1]. Аўтар зборнікаў паэзіі «Паходныя кастры» (1955)[1], «На грэбнях хваль» (1959), «Шчодрасць» (1962), «Ураган» (1966), «Профіль веку» (1969), «Кляновыя лісты» (1971), «Пераклічка» (1973), «Клопат» (1976), «Водсветы» (1978), «Азарэнне» (1980), «Крона» (выбранае, 1981), «Пладаноснасць» (1986), «Званы нябёс» (1988). Выступаў у друку з рэцэнзіямі і літаратурна-крытычнымі артыкуламі.
Скразны матыў, які прагучаў у паэзіі Сцяпана Гаўрусёва ўзбуйнена і драматычна, як біяграфія цэлага пакалення, — памяць аб вайне («Я вырас пад гарматнымі стваламі»)[1]. Трывога за мір на свеце, адказнасць за ўсё жывое на зямлі ў паэме «Профіль веку» (1967), вершах. Сярод іншых тэм — услаўленне ратнага і працоўнага подзвігу народа, стваральная місія сучасніка, апяванне хараства роднай прыроды (паэма «Штодзённы лістапад», 1959). Паэт адухаўляе, паэтызуе працу, сілу і прыгажосць чалавека. У яго многа любоўных вершаў, каханне ў якіх наіўнае, пакутнае, цнатлівае і далікатнае, але яно ўзвышае чалавека. Аўтар умее ўздымаць лірычную споведзь ад інтымных пачуццяў да сацыяльнага пафасу, ад канкрэтнага, рэальнага вобраза ўзвышацца да рамантычнага, метафарычнага. У душы рамантычнага героя яго паэзіі, «сонцапаклонніка», які жыве ў касмічнаўзбуйненых маштабах, — няспыннае змаганне дабра са злом. Але пры ўсёй манументальнасці гэта жывы, зямны чалавек. Характэрныя рысы паэзіі С. Гаўрусёва — прадметнасць, канкрэтная, пачуццёвая вобразнасць, гіпербалізаванасць, экспрэсіўнасць пачуццяў, спалучэнне страснай публіцыстыкі з лірычнай задушэўнасцю, інтанацыйная разнастайнасць, гарманічная традыцыйная форма верша[3].
Перакладчыцкая дзейнасць
[правіць | правіць зыходнік]Пераклаў на беларускую мову шэраг твораў А. Твардоўскага, М. Ісакоўскага, М. Святлова, А. Пракоф’ева , М. Дудзіна , С. Нараўчатава , Я. Райніса, Гафура Гуляма, Міртэміра , Я. Судрабкална, І. Харыка, паэму «Ануш» А. Туманяна, «Маабіцкі сшытак » М. Джаліля (з А. Пысіным, 1975), асобныя вершы таджыкскіх, узбекскіх, азербайджанскіх і башкірскіх паэтаў[1].
Бібліяграфія
[правіць | правіць зыходнік]- «Паходныя кастры» (1955)
- «На грэбнях хваль» (1959)
- «Шчодрасць» (1962)
- «Ураган» (1966)
- «Профіль веку» (1969)
- «Кляновыя лісты» (1971)
- «Пераклічка» (1973)
- «Клопат» (1976)
- «Водсветы» (1978)
- «Азарэнне» (1980)
- «Крона» (выбранае, 1981)
- «Пладаноснасць» (1986)
- «Званы нябёс» (1988).
- 3бор твораў. Т. 1—2. Мн., 1993—94.
Прэміі
[правіць | правіць зыходнік]Лаўрэат Літаратурнай прэміі СП БССР імя А. Куляшова (1987) за кнігу вершаў «Пладаноснасць».
Зноскі
- ↑ а б в г д Гаврук Юрка // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 133. — 737 с.
- ↑ Гаўрусёў Сцяпан – Белліт (12 верасня 2023). Праверана 4 жніўня 2024.
- ↑ І. Саламевіч (1997)
Літаратура
[правіць | правіць зыходнік]- Беларускія пісьменнікі (1917—1990): даведнік / склад. А. Гардзіцкі. — Мн., 1994.
- Саламевіч І. Гаўрусёў // БЭ ў 18 т. Т. 5. — Мн., 1997.
- Нарадзіліся 10 мая
- Нарадзіліся ў 1931 годзе
- Нарадзіліся ў Дрыбінскім раёне
- Памерлі 12 сакавіка
- Памерлі ў 1988 годзе
- Памерлі ў Мінску
- Пахаваныя на Чыжоўскіх могілках
- Выпускнікі Сацыяльна-гуманітарнага каледжа (Магілёў)
- Супрацоўнікі газеты «Звязда»
- Супрацоўнікі выдавецтва «Беларусь»
- Асобы
- Паэты паводле алфавіта
- Паэты СССР
- Паэты Беларусі
- Паэты XX стагоддзя
- Перакладчыкі паводле алфавіта
- Перакладчыкі СССР
- Перакладчыкі Беларусі
- Перакладчыкі паэзіі на беларускую мову
- Перакладчыкі з рускай мовы
- Члены Саюза пісьменнікаў СССР
- Члены Саюза беларускіх пісьменнікаў
- Лаўрэаты літаратурнай прэміі імя Аркадзя Куляшова
- Пісьменнікі паводле алфавіта
- Літаратуразнаўцы Беларусі
- Беларускамоўныя паэты