Уку Мазінг
Уку Мазінг | |
---|---|
Uku Masing | |
Асабістыя звесткі | |
Імя пры нараджэнні | Хуга Альберт Мазінг |
Дата нараджэння | 11 жніўня 1909[1][2][…] |
Месца нараджэння | |
Дата смерці | 25 красавіка 1985[1][2][…] (75 гадоў) |
Месца смерці | |
Пахаванне | |
Грамадзянства | |
Альма-матар | |
Месца працы | |
Прафесійная дзейнасць | |
Род дзейнасці | |
Мова твораў | эстонская |
Узнагароды | Праведнік народаў свету |
Медыяфайлы на Вікісховішчы |
У́ку Ма́зінг (эст.: Uku Masing), пры нараджэнні Хуга Альберт Мазінг (эст.: Hugo Albert Masing; 11 жніўня 1909, хутар Ліпа Райкюльскай воласці, Хар’юскі павет Эстляндскай губерні, Расійская імперыя — 25 красавіка 1985, Тарту, Эстонская ССР) — эстонскі філосаф, перакладчык, тэолаг, фалькларыст, філолаг.
Пачынальнік эстонскай аналітычнай філасофіі. Пісаў таксама вершы, у асноўным на рэлігійныя тэмы. Быў прызнаным даследчыкам фальклору, пісаў для міжнароднага даведніку Энцыклапедыя казак. Лаўрэат узнагароды Праведнікі народаў свету інстытуту Яд Вашэм (1969) за ўратаванне яўрэяў падчас Халакосту ў Эстоніі, прафесар Тартускага ўніверсітэта.
Біяграфія
[правіць | правіць зыходнік]Хуга Мазінг нарадзіўся 11 жніўня 1909 года на хутары Ліпа (цяпер вёска ў воласці Райкюла Раплаўскага павета Эстоніі) ў евангельскай сям’і. Паказаў выдатныя вынікі ў вывучэнні моў і да сканчэння сярэдняе школы размаўляў на чатырох мовах. У 1926 годзе пачаў вывучаць тэалогію ў Тартускім універсітэце. У 1930 скончыў універсітэт са ступенню магістра багаслоўя па Старым Запавеце і семіталогіі. Працягнуў навучанне ў Цюбінгене і Берліне.
З 1933 года пачаў выкладчыцкую практыку ў Тартускім універсітэце, выкладаў тэалогію і семіцкія мовы.
18 студзеня 1937 года змяніў уласнае імя Хуга Альберт на Уку. У 1939 годзе ажаніўся з Эхай Туулемаа.
У перыяд нямецкай акупацыі Эстоніі сям’я Мазінгаў хавала ва ўласнай хаце яўрэйскага студэнта Ісідара Левіна, будучага доктара філалагічных навук і прафесара фалькларыстыкі. За гэты ўчынак Уку і Эха Мазінгі былі ўганараваны званнем Праведнікаў народаў свету[3].
Пасля вайны савецкія ўлады зачынілі факультэт тэалогіі ў Тарту, і Уку Мазінг працаваў у розных месцах, перакладаў паэзію. Браў таксама ўдзел у расследаванні нацысцкіх злачынстваў, у прыватнасці, у канцлагеры Клоага.
Памёр 25 красавіка 1985 года ў Тарту.
Дзейнасць
[правіць | правіць зыходнік]Публікавацца з вершамі, перакладамі і эсэ пачаў падчас навучання ва ўніверсітэце.
У 1938 годзе далучыўся да ўплывовай суполкі эстонскіх паэтаў «Чараўнікі», заснаванай Антсам Орасам, куды ўваходзілі Хэйці Тальвік, Бэці Альвер, Паўль Війдынг, Бернард Кангра, Аўгуст Санг і Керсты Мерылаас.
Аўтар прац па фальклоры народаў свету. Большую частку напісаных за савецкім часам твораў распаўсюджваў самвыдатам.
Уку Мазінг валодаў 65 мовамі і перакладаў з 20 з іх, у прыватнасці з старажытнага іўрыту, санскрыту, грэчаскай, арабскай, шумерскай і іншых.
Ён напісаў столькі твораў, што нявыдадзеныя рукапісы ацэньваюцца ў 10 000 старонак. Вывучэннем, захаваннем і распаўсюджваннем яго даробку займаецца адмыслова створаная Калегія па спадчыне Уку Мазінга.
Зноскі
- ↑ а б Uku Masing // Eesti biograafiline andmebaas ISIK Праверана 9 кастрычніка 2017.
- ↑ а б Uku Masing // Store norske leksikon — 1978. — ISSN 2464-1480
- ↑ Martin Gilbert. The Righteous: The Unsung Heroes of the Holocaust. — Henry Holt and Company, 2003. — С. 31. — ISBN 9780805062601.
Спасылкі
[правіць | правіць зыходнік]- Uku Masing — Writer, theologian, philologist (англ.)(недаступная спасылка). Estonian Ministry of Foreign Affairs (3 лістапада 2012). Архівавана з першакрыніцы 16 ліпеня 2012. Праверана 21 студзеня 2022.
- Masing Family (англ.). The Righteous Among The Nations. Yad Vashem (3 лістапада 2012).
- Нарадзіліся 11 жніўня
- Нарадзіліся ў 1909 годзе
- Нарадзіліся ў Эстляндскай губерні
- Памерлі 25 красавіка
- Памерлі ў 1985 годзе
- Памерлі ў Тарту
- Пахаваныя на могілках Раадзі
- Выпускнікі Тартускага ўніверсітэта
- Выкладчыкі Тартускага ўніверсітэта
- Асобы
- Паэты паводле алфавіта
- Паэты СССР
- Паэты Эстоніі
- Паэты XX стагоддзя
- Перакладчыкі паводле алфавіта
- Перакладчыкі СССР
- Перакладчыкі Эстоніі
- Перакладчыкі XX стагоддзя
- Перакладчыкі паэзіі на эстонскую мову
- Перакладчыкі з англійскай мовы
- Перакладчыкі з санскрыту
- Перакладчыкі з лацінскай мовы
- Перакладчыкі з італьянскай мовы
- Перакладчыкі з французскай мовы
- Пісьменнікі паводле алфавіта
- Мовазнаўцы СССР
- Мовазнаўцы Эстоніі
- Філосафы СССР
- Філосафы Эстоніі
- Філосафы XX стагоддзя
- Праведнікі народаў свету
- Усходазнаўцы
- Паліглоты