Эмі Адамс
Эмі Адамс | |
---|---|
англ.: Amy Adams | |
![]() | |
Дата нараджэння | 20 жніўня 1974[1][2][…] (50 гадоў) |
Месца нараджэння | |
Грамадзянства | |
Бацька | Richard Kent Adams[d] |
Муж | Darren Le Gallo[d] |
Адукацыя | |
Прафесія | кінаактрыса, спявачка, танцоўшчыца, тэлеактрыса, тэатральная актрыса, актрыса, актрыса агучвання |
Узнагароды |
Прэмія «Залаты глобус» за найлепшую жаночую ролю — камедыя ці мюзікл[d] (2014) Незалежны дух[d] (2006) ![]() зорка на галівудскай «Алеі славы» (11 студзеня 2017) |
IMDb | ID 0010736 |
![]() |
Э́мі Лу А́дамс (англ.: Amy Lou Adams; нар. 20 жніўня 1974, Вічэнца, Італія) — амерыканская актрыса і спявачка, шасціразовая намінантка на прэмію «Оскар». Уладальніца двух прэмій «Залаты глобус» за галоўную ролю ў трагікамедыі «Амерыканская афера» (2013) і за галоўную ролю ў драме «Вялікія вочы» (2014).
Біяграфія
[правіць | правіць зыходнік]Адамс нарадзілася ў італьянскай Вічэнцы, але гадавалася ў Касл-Року, штат Каларада. Акрамя яе ў сям’і гадаваліся чатыры браты і дзве сястры[3]. Яна навучалася на балерыну, але ў 18 гадоў палічыла, што музычны тэатр больш ёй падыходзіць, і з 1994 па 1998 гады працавала ў тэатры. Адамс дэбютавала ў мастацкім кіно з роляй у сатырычным фільме «Забойныя красуні» ў 1999 годзе. Пасля пераезду ў Лос-Анджэлес выступала ў гасцях на тэлебачанні і выконвала дробныя ролі ў нязначных фільмах. Яе першая роля першага плану была выкананая ў біяграфічнай кінастужцы Стывена Спілберга «Злаві мяне, калі зможаш» (2002), аднак пасля фільма яна не мела кантрактаў яшчэ год. Акцёрскі прарыў адбыўся ў ролі міласцівай цяжарнай жанчыны ў незалежным камедыйна-драматычным фільме «Хрушч» (2005).
Музычны фантастычны фільм «Зачараваная» (2007), у якім Адамс сыграла вясёлую прынцэсу, стаў яе першым буйным поспехам як галоўнай актрысы. Далей рушылі наступныя паспяховыя выступы, дзе яна выканала ролі прастадушных і аптымістычных жанчын у серыі фільмаў, як драма «Сумненне» (2008). Станоўчыя водгукі Адамс атрымала дзякуючы ролям у спартыўным фільме «Баец» (2010) і ў псіхалагічнай драме «Майстар» (2012). У 2013 годзе яна пачала выконваць ролю Лоіс Лейн у серыі супергеройскіх фільмаў. Адамс атрымала дзве прэміі «Залаты Глобус» два гады запар за найлепшую жаночую ролю за ролю спакуслівай ашуканцы ў крымінальным фільме «Амерыканская афера» (2013) і мастачкі Маргарэт Кін у біяграфічным фільме «Вялікія вочы» (2014). Ухваленне за сваю працу таксама атрымала за ролю лінгвіста ў навукова-фантастычным фільме «Прыбыццё» (2016), уладальніка мастацкай галерэі ў трылеры «Начныя жывёлы» (2016), рэпарцёра, які наносіць сабе шкоду, у міні-серыяле «Вострыя прадметы» (2018) і Лін Чэйні ў сатырычным фільме «Віцэ» (2018).
Зноскі
[правіць | правіць зыходнік]- ↑ Amy Adams // Encyclopædia Britannica Праверана 9 кастрычніка 2017.
- ↑ Amy Adams // GeneaStar
- ↑ «Amy Adams: Happily ever after». The Daily Telegraph.
Спасылкі
[правіць | правіць зыходнік]На Вікісховішчы ёсць медыяфайлы па тэме Эмі Адамс
- Эмі Адамс на сайце «Internet Movie Database» (англ.)