56-ы асобны полк сувязі
56-ы асобны Тыльзіцкі ордэна Чырвонай Зоркі полк сувязі Ваенна-паветраных сілаў і войскаў проціпаветранай абароны | |
---|---|
![]() | |
Гады існавання | з 1942 г. |
Краіна |
![]() |
Падпарадкаванне | Генеральны штаб Узброеных Сіл Рэспублікі Беларусь |
Уваходзіць у | Ваенна-паветраныя сілы і войскі ППА Рэспублікі Беларусь |
Тып | воінская часць |
Дыслакацыя | Мінск |
Знакі адрознення |
![]() |
56-ы асо́бны Тыльзі́цкі о́рдэна Чырво́най Зо́ркі полк су́вязі Вае́нна-паве́траных сі́лаў і во́йскаў проціпаветранай абаро́ны — падраздзяленне ўзброеных сіл Беларусі. Месца дыслакацыі — горад Мінск.
Гісторыя
[правіць | правіць зыходнік]У жніўні—верасні 1942 года На базе 112-га асобнага батальёна сувязі і 6-й асобнай вучэбнай роты 1-й паветранай арміі Заходняга фронту быў сфарміраваны 1-ы асобны полк сувязі, які ўвайшоў у склад войскаў 1-й паветранай арміі.
На працягу 1944 года полк паспяхова забяспечваў сувяззю ўсе аперацыі 1-й паветранай арміі ў перыяд зімовага наступлення на віцебскім напрамку і летняга наступлення войскаў 3-га Беларускага фронту па вызваленню Беларускай ССР, Літоўскай ССР і ўваходжанню ва Усходнюю Прусію.
За ўзорнае выкананне задач камандавання ў баях пры прарыве абароны немцаў ва Усходняй Прусіі, праяўленыя пры гэтым доблесць і мужнасць Указам Прэзідыума Вярхоўнага Савета СССР ад 14 лістапада 1944 года полк быў узнагароджаны ордэнам Чырвонай Зоркі.
За адрозненне ў баях па авалоданню гарадамі Тыльзіт, Грос-Спайсгірэн, Аўлавянел, Жылен і Кауксмен загадам Вярхоўнага галоўнакамандуючага ад 19 лютага 1945 года палку было прысвоена ганаровае найменне «Тыльзіцкі».
Адразу пасля вайны полк дыслакаваўся ў нямецкім горадзе Бартэнштэйн. У жніўні 1945 года ён перабазаваўся ў Бабруйск, у наступным годзе — у ваенны гарадок Сцяпянка.
8 ліпеня 1946 года полк сувязі быў перафарміраваны ў 539-ы асобны Тыльзіцкі ордэна Чырвонай Зоркі батальён сувязі Ваенна-паветраных сіл 1-й паветранай арміі. 24 верасня 1962 года, згодна з Дырэктывай Галоўнага штаба ВПС, яго рэарганізавалі ў 56-ы асобны полк сувязі.
У 1973 годзе на падставе дырэктывы штаба 26-й паветранай арміі 56-ы асобны полк сувязі быў перафармаваць ў 56-ы асобны полк сувязі і аўтаматызаванага кіравання.
На падставе дырэктывы міністра абароны Рэспублікі Беларусь ад 30 лістапада 2001 года 56-ы асобны полк сувязі і аўтаматызаванага кіравання стаў 56-м асобным палком сувязі.
Са студзеня 2002 года полк базіруецца ў ваенным гарадку Уручча і ўваходзіць у склад Ваенна-паветраных сілаў і войскаў супрацьпаветранай абароны Узброеных Сіл Рэспублікі Беларусь.
У чэрвені 2003 года, згодна з Дырэктывай начальніка Генеральнага штаба Узброеных Сіл Беларусі, воінская часць была перафарміравана ў 56-ы асобны Тыльзіцкі ордэна Чырвонай Зоркі полк сувязі Ваенна-паветраных сілаў і войскаў супрацьпаветранай абароны.
Спасылкі
[правіць | правіць зыходнік]- Оксана Курбеко. Орденоносный полк (руск.)(недаступная спасылка). Белорусская военная газета «Во славу Родины» (15 снежня 2016). Архівавана з першакрыніцы 10 красавіка 2017.