IBM PC/XT
IBM PC/XT | |
---|---|
![]() | |
Тып | персанальны камп’ютар |
Выпушчаны | 8 сакавіка 1983 |
Выпускаўся па | 1986 |
Працэсар | Intel 8088 @ 4,77 МГц |
Памяць | 128 KB ~ 640 KB |
Прылады захоўвання даных | 10 Мб |
АС | IBM BASIC / PC-DOS 2.0 |
IBM PC/XT ці IBM 5160 (скарачэнне ад eXtended Technology) — сямейства персанальных камп’ютараў карпарацыі IBM, другое пакаленне IBM PC на базе шаснаццацібітнага (з васьмібітнай шынай даных) працэсара Intel 8088. Прэзентавана ў сакавіку 1983, вытворчасць працягвалася да 1986 года. У адрозненне ад арыгінальнага IBM PC, уключае ў сябе ўсталяваны ў сістэмны блок MFM-цвёрды дыск з інтэрфейсам ST-412, аб’ёмам 10 Мбайт (у пазнейшых мадыфікацыях — 20 Мбайт), АЗП ёмістасцю 128 (базавая мадыфікацыя) ці 256 Кбайт з недакументаванай магчымасцю пашырэння да 640 Кбайт шляхам замены мікрасхем памяці на мацярынскай плаце ці пашырэння з дапамогай карт памяці, якія ўсталёўваюцца ў адзін з васьмі (замест пяці ў мадэлі 5150) раз’ёмаў шыны ISA. Дыскаводы для гнуткіх дыскаў сталі двухбаковымі, і іх ёмістасць падвоілася ў параўнанні з папярэдняй мадэллю. У IBM PC/XT можна было дадаць другі дыскавод 5¼" і цвёрды дыск. Базавая канфігурацыя была ўкамплектавана манахромным (чорна-белы) MDA ці 16-каляровым (з практычнай магчымасцю адначасова адлюстроўваць толькі 4 розныя колеры) CGA відэаадаптарам. У пазнейшых мадыфікацыях выкарыстоўваўся ўжо відэаадаптар EGA. Клавіятура мела 84 клавішы: у адрозненне ад сучаснай, на ёй адсутнічаў сегмент кіравання курсорам (гэта функцыя была на лічбавым сегменце справа); пазней пачалі выпускаць універсальныя клавіятуры XT/AT (з адпаведным пераключальнікам на дне корпуса). У якасці базавай АС ужывалася PC-DOS 2.0[1]
Гл. таксама
[правіць | правіць зыходнік]Зноскі
- ↑ Інфармацыя аб канфігурацыі на сайце old-computers.com Архівавана 25 верасня 2008.
Спасылкі
[правіць | правіць зыходнік]- PC XT — Model 5160 на old-computers.com Архівавана 25 лютага 2010.
- Гісторыя IBM PC