Pèlem meneng

Pèlem meneng tahon 1920-an nama The Four Horsemen of the Apocalypse, atu pèlem mèneng nyang paling tèkor atawa untung ngebadeg

Charlie Chaplin, nyang dialem-alem jadi tukang lakon paling gacor jaman pèlem meneng, sek. 1919

Pèlem meneng (hurup Arab Gundul: فيلم منڠ) entu pèlem nyang kaga' paké suara kenong-kenong nyang dijuntrungin (atawa biasanya, kaga' ada omong-omongannya). Bagèn kata pèlem meneng ngebawa' penyeritraan ama perangsaannya liwat gambar, macem-macem perintilan jalan ceritra (kaya' latar ama jaman) atawa omong-omongan nyang penting bisa baé, bok-bokan perlu, dibawa'in liwat tulisan nyelak (intertitle cards).