Pulo Natal
Wilayah Pulo Natal Territory of Christmas Island (Inggris) 圣诞岛领地[1] 聖誕島領地[2] Shèngdàn Dǎo Lǐngdì (Mandarin) Singdaan Dóu Líhngdeih (Kuantung) Sèng-tàn-tó Léng-tē (Hokkièn) Wilayah Pulau Krismas (Melayu) | |||
| |||
![]() | |||
Ibu negeri | Flying Fish Cove | ||
Nama pengendek | Pulo Natal |
Pulo Natal (hurup Arab Gundul: فولو ناتال; Inggris: Christmas Island; hurup Tionghoa Ringkes: 圣诞岛; hurup Tionghoa Terdisionil: 聖誕島; Mandarin: Shèngdàn Dǎo; Kuantung: Singdaan Dóu; basa Hokkièn: Sèng-tàn-tó; basa Melayu: Pulau Krismas) atawa resminya Wilayah Pulo Natal (hurup Arab Gundul: ولاية فولو ناتال; Inggris: Territory of Christmas Island; hurup Tionghoa Ringkes: 圣诞岛领地; hurup Tionghoa Terdisionil: 聖誕島領地; Mandarin: Shèngdàn Dǎo Lǐngdì; Kuantung: Singdaan Dóu Líhngdeih; basa Hokkièn: Sèng-tàn-tó Léng-tē; basa Melayu: Wilayah Pulau Krismas) entu Ostrali punya atu wilayah luar nyang nglingkup pulo nyang namanya medu. Ni pulo letaknya di Laotan Hindi, sekiteran 350 km (190 mil laot) di bekidulnya Jawa èn Sumatra, serènta sekiteran 1.550 km (840 mil laot) di belah lor-kulonnya titik paling deketnya daratan Ostrali. Ni ngampar jauhnyah 2.600 km (1.400 mi laot) di belah lor-kulonnya Pèret èn 1.327 km (717 mil laut) di bekidulnya Singapur. Luasnya cuman ngejembar ampé 135 km2 (52 mi2) doang.
Pulo Natal penduduknya cuman 1.692 orang dalem tahon 2021,[3] kebanyakannya pada ngejogrog di belah lornya entu pulo. Pemukiman utamanya entu Flying Fish Cove. Dulunya, orang-orang Asia, kaya' Tionghoa, Melayu, ama Hindi entu mayoritètnya ni pulo. Wayah gini, cuman sekiteran dua per tiganya tu pulo punya penduduk nyang asalnya orang Tionghoa Selat (bagèn cuman 22,2% deri penduduk nyang ngaku turunan Tionghoa dalem tahon 2021), dengen jumblah banyak orang Melayu èn orang Peringgi Ostrali, serènta seemprit doang orang Hindi Selat èn Èurasia. Ada berapa basa nyang dipaké di mari, kaya' basa Inggris, basa Melayu, èn ragem-ragem basa Tionghoa. Agama Selam ama Buda entu agama nyang paling lumbrah di ni pulo. Mas'alah agama di sènsus Ostrali sipatnya mubah èn 28% persènnya milih kaga' ngasi tau dia punya agamanya, kalo gè' ada.
Orang Peringgi nyang pertama kali ngiat Pulo Natal entu Richard Rowe deri kapal Thomas tahon 1615. Kapitèn William Mynors namain ni pulo pas ari Natal (25 Désèmber) 1643. Ni pulo mulain ditempatin di akir-akir abad ke-19. Lantaran mentilnya itu Pulo Natal di tenga-tenga laot sendèwèkan èn jarangnya orang usil di mari nyebabin adanya trap èndemisme nyang tinggi dalem hal taneman ama héwan, nyang jadi bèngbatannya èlmuwan ama ahli alam. Mayoritèt (63 persèn)-nya itu pulo dimasupin di Taman Sional Pulo Natal, nyang juga' nyerèntain berapa daèra utan muson primèr. Pospat bolé dapet deri tai burung udah ditambang semprakan tahon 1899.
Ruju'an
[permak | permak sumber]- ↑ Hurup Tionghoa Ringkes
- ↑ Hurup Tionghoa Terdisionil
- ↑ "2021 Census: Christmas Island". Departemèn Inprastruktur èn Pembangunan Daèrah. Guwernemèn Ostrali. Diarsip deri nyang asli 16 Nopèmber 2022. Dipungut 27 Juli 2023.