.303 British
.303 British | |
---|---|
Ur gartouchenn .303 British | |
Perzhioù | |
Kalibr | 7,7 mm |
Doare korf an douilhez | bourled |
Doare skeiñ | e-kreiz |
Bro orin | Rouantelezh-Unanet |
Muzulioù | |
Ø bannadell | 7,90 mm |
Ø strad | 13,52 mm |
Hirder ar gartouchenn | 77,2 mm |
Perzhioù all | |
Pouez ar vannadell | 11,66 g |
Kargad poultr | 3,61 g |
Tizh o vont e-maez V0 | 743 m/s |
Energiezh ar vannadell | 3 229 J |
Lezenn | |
Rummad e Bro-C'hall | C |
An .303 British zo ur munision eus Breizh-Veur krouet e fin an XIXvet kantved evit an arme. Abaoe ar bloavezhioù 1960 e vez implijet evel munision sportoù tennañ nemetken.
Pa oa bet ijinet e 1888 e oa karget douilhez ar munision gant poultr du. Adalek 1892 e voe erlec'hiet ar poultr du gant kordit, un danvez ha ne brodu ket kement a voged. Ar c'hordit a zo aes da anavezout er munisionoù, stumm ar spaghetti zo gantañ.
Treuzkiz ar vannadell zo e gwirionez 0,311 meutad, ha n'eo ket 0,303 meutad : an anv .303 a zeu deus ledander diabarzh ar c'hanol pa vez muzuliet e nec'h e rizennoù. Dibabet e oa bet ar c'halibr-mañ peogwir e oa an hini bihanañ gouest da ehaniñ prim ul loen-kezeg o kargañ.
Implijerien
[kemmañ | kemmañ ar vammenn]Kartouchenn reoliek ar British Army e voe an .303 British e-pad ouzhpenn 60 vloaz, betek 1960. Implijet e voe neuze gant kalz broioù eus ar Commonwealth ha gant broioù tost ouzh galloud Londrez.
Diwar ar c'hartouchennoù-mañ e voe amprouet ar boledoù emledus kentañ, produet goude e arsanailh Dum Dum e-kichen Kolkata (India).
Armoù an arme kambret e .303 British
[kemmañ | kemmañ ar vammenn]Fuzuilhoù
[kemmañ | kemmañ ar vammenn]- Lee-Enfield Mark III
- Lee-Enfield no4
- Pattern 1914 Enfield
- fuzuilh Ross
- Lee-Enfield n°5 «Jungle Carbine»
Fuzuilhoù-mindrailher ha mindrailherezed
[kemmañ | kemmañ ar vammenn]- fuzuilh-vindrailher BREN
- Lewis Mark I
- fuzuilh-vindrailher skañv Madsen
- mindrailherez ponner Vickers
Daveennoù
[kemmañ | kemmañ ar vammenn]- Taolenn ar munision war lodenn TDCC lec'hienn ar CIP