6

Bloavezhioù: 3 - 4 - 5 - 6 - 7 - 8 - 9
Dekvedoù: -20 -10 - Bloavezhioù 0 - 10 20
Kantvedoù: I^añ kantved kt JK - I^añ kantved - Eil kantved
Milvedoù: I^añ milved kt JK - I^añ milved - Eil milved

Diwar-benn bloaz 6 an deiziadur juluan eo ar bajenn-mañ
Evit ar bloaz -6, gwelet ar bajenn :	-6
Evit an niver 6, gwelet ar bajenn :	6 (niver)

759 AUC (Ab Urbe Condita = goude diazez Kêr-Roma) = 6 goude ganedigezh J.-K.

Darvoudoù

Skiantoù naturel ha jedoniezh

Skiantoù an den

Politikerezh, gwir ha kevredigezh

Impalaeriezh roman

Impalaer : Aogust (Caius Julius Caesar Octavianus)
Koñsuled : Marcus Aemilius Lepidus ha Lucius Arruntius yaouank
Embannet al lezenn lex aerarium militare ma teroer ul leve Stad d'ar vrezelourien gozh, arc'hantaouet gant an dell nevez war an hêrezh (5 %) ha dre kef prevez an Impalaerien.
Kernez. Lakaat a ra Aogust daougementiñ al lodennoù ed roet d'ar werin.
Tan-gwall drastus. Krouet eo ar c'hazarnioù.
Korsika ha Sardigna a zeu da vezañ proviñsoù impalaerel (6-67).
Pannonia : Deroù un emsavadeg kaset da benn gant Bato war tu a-dreñv lu Tiber (betek 9). Dibab a ra Tiber Karnuntum da savlec'h argadiñ a-enep Maroboduus. En em gannañ a ra al lejion roman Legio XX Valeria a-enep ar Varkomaned. Savet ez eus ur c'hreñvlec'h roman (orin kêr Wiesbaden).
- Anvet eo ar Markoman Maroboduus roue-stag ouzh Roma ha roet eo dezhañ an titl ofisiel a mignon pobl Roma.
Jude ha Moesia a zeu da vezañ proviñsoù roman. Coponius, prokulator Jude, Samaria hag Edom (6-9). Gwaredet eo Siria gant al lejionoù X Fretensis, III Gallica, VI Ferrata, ha XII Fulminata.
- Aet faezh gant emzalc'h tiranek Herod Archelaos anezhañ tetrak Jude ez a un dileurierezh Yuzevien ha Samaritaned da Roma. Goulenn a ra Aogust digant Archelaos distreiñ da Roma. Digadoriet eo ha kaset da Vienne e Galia. Dont a ra Jude, Samaria hag Edom da vezañ proviñsoù roman. Staget int ouzh Siria ha meret gant ur prefed o chom e Caesarea na ya da Jeruzalem nemet pa vez gouelioù. En e gerzh ez eus ur bagad skoazell evit derc'hel an urzh vat. tutet e vezont e-touez annezidi Plaenenn Sharon ha Samaria. Diskarget eo ar Yuzevien-rik d'ober o c'hoñje e lu Roma.
Jude : Niveridigezh dindan Publius Sulpicius Quirinius hervez Flavius Jozeb.
- Emsavadeg e Jude abalamour da niveridigezh proviñsel Quirinius, gouarnour Siria, renet gant Judaz ar Galilean hag harpet gant ar farizian Sadoq. Gwasket kriz eo an emsavadeg (kroazstaget an emsaverien). Deroù savidigezh luskad ar zeloted, na anavezont nemet Doue da vestr ha penn nemetañ.
Maghreb : Emsavadeg ar gantreerien getul hag o c'hevredidi e Afrika.