ڕۆبێرت کۆخ

ڕۆبێرت کۆخ
Robert Heinrich Hermann Koch
لەدایکبوون	Robert Heinrich Hermann Koch  ١١ی کانوونی یەکەمی ١٨٤٣  Clausthal
مەرگ	٢٧ی ئایاری ١٩١٠  (٦٦ ساڵ ژیاوە) Baden-Baden (ئیمپراتۆریەتیی ئەڵمانی)
پەروەردە	Doctor
زانکۆ	زانکۆی جۆرج ئۆگەست گوتینگن
پیشە	ژینناس، پزیشک، داھێنەر، وێنەگر، مامۆستای زانکۆ، کیمیازان، military physician
شوێنکار
کارەکان	بەدەستھاتەکانی کۆخ
ھاوسەر	Emmy Koch، Hedwig Koch
مناڵ	Gertrud Pfuhl
باوان	Mathilde Henriette Koch
خێزان	Hugo Koch، Helene Koch
خەڵاتەکان
واژوو

ڕۆبێرت کۆخ (ماوەی ژیان:١١ی کانوونی یەکەمی ١٨٤٣ تاکوو ٢٧ی ئایاری ١٩١٠) پزیشک و زانایەکی ئەڵمانیایی بووە و لە ساڵی ١٩٠٥ دا خەڵاتی نۆبێل ی لە بواری پزیشکیدا وەرگرتووە و دامەزرێنەری زانستی بەکتریا، لەسەر دەستی پزیشکی ئەڵمانیایی فریدریک جۆستاف جیکۆب لە جۆتنجن وانەی پزیشکی خوێندووە و ساڵی ١٨٦٦ تەواوی کردووە، پاشان لە جەنگی نێوان فەرەنسا و بڕوسیا بەشداری کردووە و دواتر کراوە بە ئەفسەری پزیشک، بە ھەوڵ و زیرەکی و لێھاتووی خۆی توانیویەتی ببێتە دامەزرێنەری زانستی بەکتریا، وەکو پزیشک لە زۆربەی نەخۆشخانەکانی ئەڵمانیا کاری کردووە و ماوەیەکیش مامۆستای زانکۆی بەرلین بووە. ڕۆبێرت کۆخ ھەموو ژیانی خۆی بۆ توێژینەوەی زانستی تەرخان کردووە، ھەوڵێکی زانستی زۆر گەورەی داوە بۆ دۆزینەوەی میکرۆب و بەکتریا، یەکەم کەس بووە کە سەلماندویەتی ئەو نەخۆشییانەی دەگوازرێنەوە لە ڕێگای چەند زیندەوەرێکی زۆر بچووکەوەن کە بە چاو نابینرێن و دواتر ئەوەشی سەلماندووە کە بەکتریا دەبێتە ھۆی نەخۆشی (الجمرە الخبیسە).

ڕۆبێرت کۆخ ساڵی ١٨٨٢ ئەو بەکتریایەی دەستنیشانکردووە کە دەبێتە ھۆی تووش بوون بە نەخۆشی دەردەباریکە، ساڵی ١٨٨٣ دوای ئەوەی نەخۆشی کۆلێرا سەرەنسەری میسری گرتەوە و بۆیە ھۆی مردنی زیاتر لە ٤٠ ھەزار کەس، ڕۆبێرت کۆخ لە نەخۆشخانەی ئیسکەندەرییە توێژینەوەی لەسەر ئەو نەخۆشییە کردووە، ساڵی ١٨٩٠ لە ئەفریقا توێژینەوەی لەسەر ئەو نەخۆشیانە کردووە کە لە ڕێگای خوێنەوە دەگوازرێنەوە، ساڵی ١٨٩١ پەیمانگای نەخۆشی گوازراوەی لە بەرلین دامەزراندووە و دواتر بووە بە بەڕێوەبەری پەیمانگاکە.

ڕۆبێرت کۆخ لە ٢٧ی ئایاری ساڵی ١٩١٠ کۆچی دوایی کردووە.

سەرچاوەکان

• بەشداربووانی ویکیپیدیا، «روبرت كوخ»، ویکیپیدیای عەرەبی. سەردان لە ١٨ی کانوونی یەکەمی ٢٠١٤.