ئەنتۆنیۆ دی ناتالی
ئەنتۆنیۆ دی ناتالی | |
---|---|
بە ئیتالی: Antonio Di Natale | |
لەدایکبوون | ناپۆلی، ئیتاڵیا | ١٣ی تشرینی یەکەمی ١٩٧٧
وڵاتی وەرزش | ئیتالیا |
زمانەکانی ئاخاوتن | ئیتالی |
پیشە | یاریزانی تۆپی پێ، association football manager |
شوێنی یاریکردن لە تیپ | ھێرشبەر |
دەستپێکی چالاکی | ١٩٩٦ |
کۆتایی ساڵانی چالاکی | ١ی کانوونی دووەمی ٢٠١٦ |
وەرزش | تۆپی پێ |
بەشداربووە لە | جامی جیھانیی فیفای ٢٠١٠، UEFA Euro 2008، جامی نەتەوەکانی ئەورووپا ٢٠١٢ |
ئەنتۆنیۆ دی ناتالی (گۆکردنی ئیتاڵی: [anˈtɔ:njo (toˈtɔ d)di naˈta:le]; لەدایکبووی ١٣ی تشرینی یەکەمی ١٩٧٧) ڕاھێنەری تۆپی پێی ئیتاڵییە و پێشتر یاریزانی پیشەگەرە و وەک ھێرشبەر یاری کردووە. لە ساڵی ١٩٩٤ەوە ئەندامی یانەی لاوانی ئیمپۆلی بووە، دی ناتالی لە ساڵی ١٩٩٦ دەستی بە یاری پیشەگەری خۆی لەگەڵ تیپی باڵای ئیمپۆلی کرد، و تا ساڵی ٢٠٠٤ لەگەڵ یانەکەدا مایەوە، جگە لە ماوەیەکی کورت بە خواستن لەگەڵ ئیپەرزۆلا و ڤارێس و ڤییارجیۆ. لە ماوەی یاریکردنی لەگەڵ ئیمپۆلی یارمەتی یانەکەی داوە بۆ بەدەستھێنانی سەرکەوتن بۆ خولی ئیتاڵیا لە وەرزی ٢٠٠١–٢٠٠٢ی خولی ئیتاڵیا و ١٦ گۆڵی تۆمارکرد. کاریگەری زیاتر لە وەرزی ٢٠٠٢–٢٠٠٣ی دەرکەوت، چونکە ١٣ گۆڵی لە خولەکەدا تۆمارکرد و یارمەتی ئیمپۆلی دا لە دابەزین دوور بکەوێتەوە. سەرەڕای ئەوەی لە وەرزی دواتردا نەیتوانی ئیمپۆلی لە دابەزین ڕزگار بکات، بەڵام ئاستەکانی و گۆڵکردنی بەردەوامی وای کرد لە ساڵی ٢٠٠٤دا بگوازرێتەوە بۆ یانەی ئودینێز. لە ماوەی یاریکردنی لەگەڵ ئودینێز، لێھاتوویی و سەرکردایەتی و توانای ھەم گۆڵکردن و دروستکردنی گۆڵ ڕۆڵی سەرەکی ھەبوو لە یارمەتیدانی یانەکە بۆ بەدەستھێنانی پلەی سێیەم و چوارەم لە خولی ئیتاڵیا و سەرکەوتن بۆ خولی پاڵەوانەکانی ئەورووپا.[١] لە ساڵی ٢٠٠٧ وەک کاپتنی یانەکە دەستنیشانکرا.[١] لە ساڵانی ٢٠١٠ و ٢٠١١ خەڵاتی گۆڵکاری خولی ئیتاڵیای بەدەستھێنا، ھەروەھا بەھۆی ئاستەکانی لە ساڵی ٢٠١٠ خەڵاتی باشترین یاریزانی ئیتاڵیای پێبەخشرا.[١][٢] درەنگ گوڵکردن بوو، لە نێوان ساڵانی ٢٠٠٩ بۆ ٢٠١١، لیۆنێل مێسی (٨٢) و کریستیانۆ ڕۆناڵدۆ (٨٦) تاکە دوو یاریزان بوون کە زیاتر لە دی ناتالی گۆڵی گۆڵیان لە خولە ناوخۆیییەکان تۆمارکردووە کە ٦٧ گۆڵی تۆمارکرد.[٣] لە ساڵی ٢٠١٥ فرانس فۆتبۆڵ بە یەکێک لە دە باشترین یاریزانانی تۆپی پێی جیھان ھەڵسەنگاند کە تەمەنیان لە سەرووی ٣٦ ساڵەوەیە[٤]بە تۆمارکردنی ٣١١ گۆڵ، ھەشتەم یاریزانی ئیتاڵییە کە زۆرترین گۆڵی تۆمارکردووە لە ھەموو پاڵەوانێتییەکان، لە دوای سیلڤیۆ پیۆلا و ئەلیساندرۆ دێل پیێرۆ و جوزێپی میازا، لووکا تۆنی وڕۆبێرتۆ باجیۆ و فرانسیسکۆ تۆتی و فیلیپۆ ئینزاگی.[٥]لەسەر ئاستی نێودەوڵەتی دی ناتالی لە نێوان ساڵانی (٢٠٠٢ بۆ ٢٠١٢)٤٢ جار یاری بۆ ھەڵبژاردەی ھەڵبژاردەی ئیتاڵیا کردووە و ١١ گۆڵی تۆمارکردووە. لەگەڵ ئیتاڵیا بەشداری لە جامی نەتەوەکانی ئەورووپای ٢٠٠٨ کردووە؛ ھەروەھا لە پێکھاتەی ھەڵبژاردەکەی بووە بۆ جامی جیھانیی فیفای ٢٠١٠, کە تێیدا یەک گۆڵی تۆمارکرد؛ و لە یۆرۆی ٢٠١٢ گۆڵێکی تۆمارکرد کاتێک ئیتاڵیا گەیشتە یاری کۆتایی پاڵەوانێتییەکە.
سەرچاوەکان
[دەستکاری]- ^ ئ ا ب Francesco Velluzzi (14 May 2016). "Udinese-Di Natale, si gira l'ultima scena: Friuli in festa per il suo eroe" (بە ئیتاڵیایی). La Gazzetta dello Sport. Retrieved 16 May 2016.
- ^ "Italy – Serie A Top Scorers". RSSSF. Retrieved 18 February 2013.
- ^ Clegg, Jonathan. "A Striker From the Shadows". www.wsj.com. The Wall Street Journal. Retrieved 27 January 2015.
- ^ Thomas Simon (19 May 2015). "Le top 10 des meilleurs vieux" [The top 10 of the best oldies] (بە فەڕەنسی). France Football. Retrieved 4 August 2015.
- ^ "Di Natale punta i 300 gol in carriera: è a 293 dopo la quaterna in Coppa Italia". tribunasportiva.blogspot.it (بە ئیتاڵیایی). 26 August 2014. Retrieved 28 April 2015.
کۆمنزی ویکیمیدیا، میدیای پەیوەندیدار بە ئەنتۆنیۆ دی ناتالی تێدایە. |