David James Bowen
| David James Bowen | |
|---|---|
| Ganwyd | 1925  |
| Bu farw | Awst 2017 |
| Dinasyddiaeth |  Cymru |
| Galwedigaeth | ysgrifennwr |
Ysgolhaig o Gymro sy'n arbenigwr ar waith Beirdd yr Uchelwyr yw David James Bowen (D. J. Bowen) (1925 – 3 Awst 2017).[1] Fe'i ystyrir yn un o haneswyr llenyddiaeth Gymraeg mwyaf yr 20g.
Brodor o Sir Benfro yw D. J. Bowen. Bu'n ddisgybl yn Ysgol Ramadeg Abergwaun, lle daeth dan ddylanwad D. J. Williams a oedd yn athro yno. Cafodd ei addysg brifysgol yng Ngholeg Prifysgol Cymru, Aberystwyth lle daeth yn aelod o'r Adran Gymraeg lle cafodd gadair yn 1980.
Mae wedi cyfrannu nifer fawr o erthyglau dysgedig ar farddoniaeth Gymraeg yr Oesoedd Canol Diweddar a chyfnod y Tuduriaid, yn cynnwys gwaith Dafydd ap Gwilym. Ond ei brif ddiddordeb fu hanes a gwaith y bardd Gruffudd Hiraethog (m. 1564). Cyhoeddodd astudiaeth o'i fywyd a'i oes a chyfrol fawr o gerddi'r bardd, a gyhoeddwyd yn 1990. Mae'n nodweddiadol o'i waith ei fod yn ymdrin yn drylwyr â'r cefndir hanesyddol a chymdeithasol.
Llyfryddiaeth ddethol[golygu | golygu cod]
- D. J. Bowen, Barddoniaeth yr Uchelwyr (Gwasg Prifysgol Cymru, 1956)
- idem., Gruffudd Hiraethog a'i Oes (Gwasg Prifysgol Cymru, 1958)
- idem. (gol.), Gwaith Gruffudd Hiraethog (Gwasg Prifysgol Cymru, 1990)
Cyfeiriadau[golygu | golygu cod]
- ↑ Yr Ysgolhaig David James Bowen wedi marw , Golwg360, 4 Awst 2017.