Elin Fflur
Elin Fflur | |
---|---|
![]() | |
Ganwyd | 1984 ![]() Ynys Môn ![]() |
Dinasyddiaeth | ![]() |
Alma mater | |
Galwedigaeth | canwr, cyfansoddwr caneuon ![]() |
Arddull | roc poblogaidd, Canu gwerin, cerddoriaeth boblogaidd ![]() |
Gwefan | http://www.elinfflur.co.uk/ ![]() |
Gwlad chwaraeon | Cymru ![]() |
![]() |
|
||||
Yn cael trafferth gwrando ar y ffeil? Gweler Cymorth - sain. |
Cantores, cyfansoddwraig a chyflwynydd teledu Cymreig yw Elin Fflur Llewelyn Harvey a adnabyddir fel Elin Fflur (ganwyd 1984).[1]
Bywyd cynnar ac addysg
[golygu | golygu cod]Magwyd Elin yn Llanfairpwll ar Ynys Môn.[2] Roedd ei mam Nest Llewelyn Jones yn prif ganwr gyda'r grŵp gwerin Bran ac enillodd cystadleuaeth Cân i Gymru yn 1978. Cychwynnodd Elin gymryd rhan mewn eisteddfodau lleol yn 3 oed lle'r oedd ei mam hefyd yn parhau i ganu mewn corau. Fe'i hysbrydolwyd gan rai o hoff artistiaid ei thad, fel Joni Mitchell, Leonard Cohen a'i hoff gantores Janis Ian.[3] Mae ei brawd Gwion Llŷr Llewelyn hefyd yn gerddor ac wedi bod yn ddrymiwr gyda Race Horses ac Yr Ods.
Mynychodd Ysgol David Hughes, Porthaethwy ac aeth ymlaen i astudio troseddeg ym Mhrifysgol Bangor.
Gyrfa
[golygu | golygu cod]Roedd yn brif gantores y grŵp Carlotta ac aeth ymlaen i fod yn brif gantores gyda'r Moniars.[4]
Daeth i sylw'r cyhoedd ar ôl perfformio cân fuddugol Cân i Gymru ar S4C yn 2002, yn dilyn ei mam yn y gamp honno.[5]. Gadawodd y brifysgol ar ôl y flwyddyn gyntaf pan cafodd lwyddiant gyda'i gyrfa gerddorol a recordiodd ei halbwm unigol cyntaf, Dim Gair yn 2003.
Roedd yn un o'r Jonesus a dorrodd record y byd Jones Jones Jones am gasglu ynghyd y nifer fwyaf o bobl yn rhannu’r un cyfenw yn Stadiwm y Mileniwm yn 2006, gan fod yn un o 1,224 Jones a gymerodd ran.[6][7][8]
Yn 2012, fe ymunodd fel gohebydd a chyflwynwraig ar y rhaglen gylchgrawn Heno.[9] Cyflwynydd hi'r gystadleuaeth Cân i Gymru 2023.
Bywyd personol
[golygu | golygu cod]Mae'n briod a Jason Harvey. Yn 2018 darlledwyd y rhaglen ddogfen Chdi, Fi ac IVF ar S4C, lle roedd y cwpl yn rhannu eu profiadau wrth geisio gael plentyn drwy driniaeth IVF.[10]
Disgograffi
[golygu | golygu cod]Albymau
[golygu | golygu cod]- Dim Gair, 2 Rhagfyr 2003, (Sain SCD 2403)
- Cysgodion, 1 Rhagfyr 2004, (Sain SCD 2475)
- Hafana, 7 Gorffennaf 2008 (Recordiau Grawnffrwyth GR0001)
- Y Goreuon, 29 Gorffennaf 2009 (Sain SCD 2614)
- Lleuad Llawn, 10 Tachwedd 2014 (Sain SCD 2711)
EP
[golygu | golygu cod]Dolenni Allanol
[golygu | golygu cod]- Gwefan Swyddogol Archifwyd 2007-09-27 yn y Peiriant Wayback
- Safle MySpace Elin
Cyfeiriadau
[golygu | golygu cod]- ↑ Proffeil o Elin Fflur. BBC Lleol. Adalwyd ar 14 Ebrill 2016.
- ↑ Proffeil o Elin Fflur, bydd yn perfformio ym mhentref ieuenctid y Sioe Frenhinol.. BBC Cymru. Adalwyd ar 11 Mai 2019.
- ↑ Penny's People: Elin Fflur is living her dream , Daily Post, 7 Chwefror 2015. Cyrchwyd ar 11 Mai 2019.
- ↑ Elin Fflur. BBC (18 Tachwedd 2008).
- ↑ Cân i Gymru ar wefan S4C
- ↑ 'Darlledu Sioe’r Jonesiaid a Dorrodd Record Byd' 26 Tachwedd 2006 S4C
- ↑ "1,224 o Jonesiaid yn torri record byd!". Archifwyd o'r gwreiddiol ar 2008-05-01. Cyrchwyd 2007-11-07.
- ↑ Meet the Joneses for world record BBC 19 Gorffennaf 2006
- ↑ Elin Fflur a bwrlwm heintus criw Heno. S4C (20 Mai 2012). Adalwyd ar 14 Ebrill 2016.
- ↑ Elin Fflur yn trafod “gobaith a thorcalon” ei siwrnai IVF , Golwg360, 9 Medi 2018. Cyrchwyd ar 11 Mai 2019.