ივანე აივაზოვსკი

ივანე აივაზოვსკი
ივანე აივაზოვსკი
დაიბადა	17 (29) ივლისი, 1817-1">[1]
დაბადების ადგილი	ფეოდოსია-2">[2]
გარდაიცვალა	19 აპრილი (2 მაისი), 1900-4">[4] (82 წლის)
გარდაცვალების ადგილი	ფეოდოსია-2">[2]
ჟანრი	მარინა-1">[1] , პეიზაჟი-3">[3] , ბატალური ჟანრი, ფიგურა-3">[3] , საჟანრო ფერწერა-3">[3] , ისტორიული ფერწერა-3">[3] , პორტრეტი-3">[3] , რელიგიური ფერწერა-3">[3] , მითოლოგიური ფერწერა-3">[3] და რომანტიზმი

ივანე კონსტანტინეს ძე აივაზოვსკი (რუს. Иван Константинович Айвазовский, სომხ. Հովհանէս Այվազովսկի, დ. 29 ივლისი [ ძვ. სტ. 17 ივლისი], 1817, ფეოდოსია — გ. 5 მაისი [ ძვ. სტ. 19 აპრილი], 1900, იქვე) — რუსი პეიზაჟისტ-მარინისტი. წარმოშობით სომეხი. 1833-1837 წლებში სწავლობდა პეტერბურგის სამხატვრო აკადემიაში. იყო მ. ვორობიოვისა და ფ. ტანერის მოწაფე. 1845 წლიდან — აკადემიკოსი, 1847 წლიდან პროფესორი, 1887-იდან სამხატვრო აკადემიის საპატიო წევრი. ევროპის რამდენიმე აკადემიის წევრი.

1845-იდან ცხოვრობდა ფეოდოსიაში. უკვე 1840-იდან საქვეყნოდ მოიხვეჭა სახელი თავისი ნამუშევრებით, რომლებშიც გადმოცემულია ზღვის სტიქიონის სიდიადე, ზღვასთან მებრძოლი ადამიანების სიმამაცე. მისი მნიშვნელოვანი ნაწარმოებია:„ჩესმენის ბრძოლა“, „ნავარინის ბრძოლა“ (ორივე — 1848, ფეოდოსიის სამხატვრო გალერეა), „მეცხრე ტალღა“ (1850, სანქტ-პეტერბურგი, რუსული მუზეუმი), „შავი ზღვა“ (1881, მოსკოვი, ტრეტიაკოვის გალერეა). აივაზოვსკის ორი ნამუშევარი „ნიკოლოზ I-ის ჩასვლა გელენჯიკში“ და „ოსმალთა ფელუკის დატყვევება“ დაცულია საქართველოს ხელოვნების მუზეუმში.