Dehesa de Romanos
Dehesa de Romanos | |||
---|---|---|---|
| |||
municipo en Hispanio ![]() | |||
Administrado | |||
Poŝtkodo | 34406 | ||
En TTT | Oficiala retejo [+] | ||
Demografio | |||
Loĝantaro | 53 (2023) [+] | ||
Loĝdenso | 3 loĝ./km² | ||
Geografio | |||
Geografia situo | 42° 38′ N, 4° 26′ U (mapo)42.641388888889-4.4322222222222Koordinatoj: 42° 38′ N, 4° 26′ U (mapo) [+] | ||
Alto | 941 m [+] | ||
Areo | 21 km² (2 100 ha) [+] | ||
| |||
| |||
Alia projekto | |||
![]() | |||
Dehesa de Romanos [deEsa deroMAnos] estas municipo en la nordoriento de la provinco Palencio, en la regiono Kastilio-Leono, Hispanio. Ĝi apartenas al la komarko Páramos-Valles kaj precize al la subkomarko La Ojeda. La loknomo Dehesa de Romanos povas esti komprenata etimologie kiel Malferma Arbaro de Romanoj, alude al nordaj hispanromanoj kiel reloĝantoj, kontraste al sudaj mozaraboj, reloĝantoj de aliaj apudaj lokoj.
Geografio
[redakti | redakti fonton]Ĝia municipa teritorio okupas totalan areon de 20,95 km² kaj laŭ la demografia informo de la municipa censo fare de la INE en 2021, ĝi havis 56 loĝantojn. Ĝi perdis multajn loĝantojn dum la 20-a jarcento pro migrado al urbaj areoj, kiel ja okazis en multaj loĝlokoj de la regiono, fakte perdis 170 loĝantojn el la jaro 1900. Ĝi distas 86 km de Palencio, provinca ĉefurbo.
Historio
[redakti | redakti fonton]La areo apartenis unue al la Regno Kastilio. En Mezepoko okazis reloĝado fare de nordanoj, kio estas tialo por la nomo Romanos, kaj tiel ĝi estis menciita en don-dokumento de fino de la 12-a jarcento fare de Alfonso la 7-a. En la teritorio de Dehesa de Romanos estis iam mezepoka setlejo nome Miranda, kun la signifo de rigardejo.
Aktualo
[redakti | redakti fonton]Tradiciaj enspezofontoj estis agrikulturo (cerealoj kaj vitejoj) kaj brutobredado (ŝafoj). Lastatempe funkciado de servoj plej ekgravis, kune kun piedirado tra naturaj lokoj. De la historia pasinteco restis diversaj vizitindaj vidindaĵoj kiel la romanika preĝejo de Sankta Eŭgenia, la preĝejo de Sankta Marteno kaj la ermitejo de Sankta Roĥo.