Aŭgusto de 2017
Etoso
aŭgusto | ||||||
lu | ma | me | ĵa | ve | sa | di |
1 | 2 | 3 | 4 | |||
5 | 6 | 7 | 8 | 9 | 10 | 11 |
12 | 13 | 14 | 15 | 16 | 17 | 18 |
19 | 20 | 21 | 22 | 23 | 24 | 25 |
26 | 27 | 28 | 29 | 30 | 31 | |
aranĝo de 2024 tagoj |
Jen ekestos listo de okazaĵoj en aŭgusto 2017:
Eksplodo mortigis almenaŭ 29 personojn kaj vundis dekojn ĉe ŝijaisma moskeo en Herato, Afganio.
Opoziciestroj Leopoldo López kaj urbestro de Karakaso Antonio Ledezma estis reenprizonigitaj en Venezuelo.
Princo Filipo, Duko de Edinburgo, retiriĝis el publikaj aperoj je aĝo de 96.
Prezidento Paul Kagame estis reelektita en Ruando.
En Aneho, Togolando komenciĝas la 73-a Internacia Junulara Kongreso de Esperanto.
Islamistoj de Boko Haram mortigis 11 katolikojn en Ozubulu, Ŝtato Anambra, Niĝerio.
La voĉdonantoj de Maŭritanio aprobas nuligon de la Senato.
Iama ĉefministro de Pakistano nome Naŭaz Ŝarif estis elpostenigita pro korupto en la kazo de la Panamaj Paperoj.
El 50 al 80 migrantoj dronis en klopodo eliri el Korno de Afriko.
Almenaŭ 36 personoj mortis pro busakcidento en la provinco Ŝenŝjio, Ĉinio. La buso estis veture inter Ĉengduo kaj Lŭojango.
Du trajnoj koliziis en Aleksandrio, Egiptio, kio okazigis almenaŭ 43 mortojn kaj vundojn al aliaj almenaŭ 55 personoj.
La balota instanco konfirmis venkon de la prezidanto Uhuru Kenyatta de Kenjo, dum la opozicio de Raila Odinga, malakceptas tiun konfirmon. Tumultoj okazas.
Ĉirkaŭ 70 infanoj en la ŝtata Hospitalo Baba Raghav Das en Gorakhpur, Utar-Pradeŝo, Barato, mortis, plej parte pro manko de likva oksigeno pro nepago fare de la ŝtata registaro.
Atenco kontraŭ restoracio en Vagaduguo, Burkino, rezultis en 17 viktimoj kaj 3 atencintoj mortintaj.
Almenaŭ 600 personoj mortiĝis pro kotolavango en Fritaŭno, Sieraleono.
Dek tri homoj mortis pro arbofalo dum festo en Madejro, Portugalio.
27 personoj mortis pro memmortiga atenco en merkato de Kondunga, nordokcidente de Niĝerio.
Insurekcio en prizono de la ŝtato Amazonas, sude de Venezuelo, okazigis almenaŭ 37 mortojn kaj 14 vunditojn.
Almenaŭ 16 mortintaj viktimoj kaj 5 atencintoj pro du terorismaj atencoj de ĝihadistoj en Barcelono, Katalunio, Hispanio.
La polico de Filipinoj mortigis almenaŭ 80 personojn en tri tagoj dum lukto kontraŭdroga.
Almenaŭ 23 mortintoj kaj 64 vunditoj pro trajnakcidento en la subŝtato Utar-Pradeŝo, Barato.
100 mortoj dum unu nokto en Barato kaj Bangladeŝo pro inundoj. Ĉirkaŭ 800 mortoj dum kelkaj tagoj.
El 21a al 23a tajfuno Hato frapis Ĉinion (ankaŭ Filipinojn) kaj okazigis 26 mortojn kaj grandajn damaĝojn.
Balotoj en Angolo kun la ĝisnuna prezidento José Eduardo dos Santos ekster la kandidataro por la unua fojo.
40 mortoj pro du ŝipovrakoj dum du tagoj en Brazilo.
Almenaŭ 32 mortoj en Barato pro tumultoj post esti kondamnita pro seksa perforto amaskomunikila guruo Gurmeet Ram Rahim Singh Ji Insan.
La eks-ĉefministrino de Tajlando, Yingluck Shinawatra, fuĝis pro ebla prizonkondamno.
Uragano Harvey tuŝis la marbordon de Teksaso, Usono, kaj okazigis naŭ mortojn, enormajn damaĝojn kaj inundojn.
Irakaj trupoj konkeris la urbon Tel Afar, Irako, el iama teritorio de Islama Ŝtato.
La inundoj pro Uragano Harvey en Teksaso, Usono, jam okazigis tridek mortojn, 30,000 senhejmigitojn kaj enormegajn damaĝojn, inkluzive en la naftindustrio.
Pli ol 3000 mortoj dum la lasta monato en Suda Azio pro inundoj de musono, la plej terura en la lastaj jaroj.
Almenaŭ 34 mortintoj pro falo de konstruaĵo en Mumbajo, Barato.
|