Attinghausen
Attinghausen | |
---|---|
![]() | |
![]() | |
komunumo en Svislando | |
Kantono | Urio |
Distrikto | En Kantono Urio ne ekzistas distriktoj |
Koordinatoj | 46° 51′ 41″ N 8° 37′ 41″ O / 46.86139 °N, 8.62806 °O (mapo)Koordinatoj: 46° 51′ 41″ N 8° 37′ 41″ O / 46.86139 °N, 8.62806 °O (mapo) |
Nombro de loĝantoj | 1591 |
Areo | 46,89 km² |
Alteco | 468 m super marnivelo |
Poŝtkodo | 6468 |
Komunumkodo | 1203 |
![]() | |
Pri la komunumo
[redakti | redakti fonton]Attinghausen estas komunumo en Kantono Urio, en Centra Svislando. Ĝi havis 1591 loĝantojn je la 31-a de decembro 2008.
Geografio
[redakti | redakti fonton]Attinghausen situas en la Reuss-Ebenaĵo, okcidente de la rivero. La teritorio de la komunumo etendiĝas ĝis al la altaj montaroj de la Uriaj Alpoj, kie piedpado tra la Surenen-Pasejo sur alteco de 2009 m s.m. kondukas al la valo de Engelberg.
Najbaraj komunumoj
[redakti | redakti fonton]Attinghausen limas en okcidento al Engelberg (Obvaldo), en nordokcidento al Isenthal, en nordo al Seedorf, en nordoriento al Altdorf, en orientnordoriento Bürglen, en oriento al Schattdorf, en sudoriento al Erstfeld, kaj en sudo al Wassen.
Trafiko
[redakti | redakti fonton]La gravaj trafikvojoj pasas preter Attinghausen aliflanke de la rivero, tamen la komunumo bone atingeblas. Attinghauses estas konektita al la publika transportreto per poŝtaŭtolinio al Altdorf. La plej proksima alveturejo al la svisa aŭtovojo A2 situas 3 km norde en Altdorf.
Aertelfero de la vilaĝo Attinghausen kondukas supren al la vilaĝoparto Brüsti sur alteco de 1500 m s.m.
Historio
[redakti | redakti fonton]La unua dokumenta mencio de Attinghausen datiĝas el la jaro 1240 kiel Attingenhusen.[1] De Attinghausen devenas la nobela familio von Attinghausen, kies membroj ludis esencan rolon okaze de la fondo de la Svisa Ĵurkomunumo. En la dua duono de la 14-ja jarcento la influo de la familio, kies potenco kaj influo en la okuloj de la liberamaj urianoj fariĝis tro granda, subite draste estis haltigita. Ilia familia sidejo estis la Kastelo Schweinsberg, kiu en la jaro 1365 estis detruito de la uriaj kamparanoj.[2]
Attinghausen plurfoje malgraŭ la digoj estis inundita de la rivero Reuss. Lastfoje en la jaro 1987 granda parto de la vilaĝo estis inundita.
Notoj kaj referencoj
[redakti | redakti fonton]- ↑ Fonto: Hans Stadler: Attinghausen en la Historia Leksikono de Svislando (25.8.2009)
- ↑ Fonto: Artikolo pri historio en la retejo de la komunumo Arkivigite je 2008-03-12 per la retarkivo Wayback Machine
Eksteraj ligiloj
[redakti | redakti fonton]
|