Dukolora imperia kolombo
![]() | ||||||||||||||
---|---|---|---|---|---|---|---|---|---|---|---|---|---|---|
![]() ![]() | ||||||||||||||
Biologia klasado | ||||||||||||||
| ||||||||||||||
Ducula bicolor (Scopoli, 1786) | ||||||||||||||
Konserva statuso | ||||||||||||||
Aliaj Vikimediaj projektoj
| ||||||||||||||
La Dukolora imperia kolombo, (Ducula bicolor) estas birdo de la familio de Kolombedoj kiu inkludas turtojn kaj kolombojn. Temas pri granda arbema kolombo kiu estas konata ankaŭ kiel Nutmega kolombo, Toresa imperia kolombo aŭ Torresmarkola kolombo estas disvastigata loĝanta kaj reproduktanta birdo ĉefe de etaj insuloj al Hinda Oceano el la insuloj Nikobaroj laŭ arko al Nov-Gvineo. Ĝi troviĝas ankaŭ en norda Aŭstralio en marbordaj areoj el Kimberlio (en Okcidenta Aŭstralio) ĝis la Granda barilrifo, oriente de Kvinslando). Birdoj loĝantaj en la Kimberlioj estas nemigrantaj, dum birdoj oriente de Kvinslando estas migrantaj. Migrantaj birdoj orienten alvenas el Indonezio kaj Papuo-Nov-Gvineo en aŭgusto kaj foriras februare ĝis aprile. Ili ĝenerale povas troviĝi en pluvarbaroj, eŭkaliptoj, marbordaj arbustejoj, rojoj, riveroj, manglejoj kaj insuloj.
Ĝi konstruas malperfektan neston el bastonetoj en arbo, kutime kokospalmo, kie la ino demetas ununuran blankan ovon, de kie eloviĝas la ido post 23 ĝis 25 tagoj. La ido elnestiĝas post pliaj tri semajnoj. En Aŭstralio ili reproduktiĝas inter aŭgusto kaj januaro en manglejoj, vitejoj kaj arekacoj de proksimaj insuloj, kiel la insuloj Brook. En nordorienta Kvinslando, ili migras ĉiutage en aroj el insuloj al kontinentaj pluvarbaroj por manĝi fruktojn. Ili revenas al insuloj krepuske.
Dukolora imperia kolombo estas granda fortiketa kolombo, 37-44 centimetrojn longa, kun 45 cm de enverguro. Ĝi estas preskaŭ entute blanka aŭ kremokolora, aparte de nigraj flugilplumoj kaj supra vosto, krom malhelaj okuloj, helbluaj kruroj kaj beko ĉu helblua kun malhela pinot ĉu flaveca. La kapo povas aperi bruna makulita pro esti manĝinte fruktojn. La flugo estas rapida kaj rekta, kun regula flugilfrapado kaj eventuala vipado de flugiloj kio estas karaktera de kolomboj en ĝeneralo. Maskloj je ceremonio supreniras, haltas kaj glitas suben. La Arĝentkolombo ne estas distingebla el la Dukolora imperia kolombo je distanco, kvankam tio ne estas necese certa inverse
Tiu ĉi estas arbema kolombo, kiu manĝas preskaŭ nur fruktojn. Ĝi englutas ankaŭ fruktojn kun grandaj semoj, kiuj poste estas ĉu vomitaj ĉu ekskretitaj entere, depende el la grando, post kiam la karno estis deprenita.
Alvokoj estas profondaj "mrrruuuuu", "ru-ka-hu" kaj "ap-huuu".
Tiuj birdoj ĉeestis iam en grandaj kolonioj en Cairns, Kvinslando, Aŭstralio, sed ĝi suferis amasbuĉadon en la 19-a jarcento, ĉar tiam oni konsideris ilin kiel plagon. La loĝantaro rapide malpliiĝis kaj nun estas malrapide pliiĝanta ĉar profitas protektan statuson en Aŭstralio, kie estas nune ĉirkaŭ 30 000. E. J. Banfield verkis en 1908, ke en insulo Dunk "entute 100,000 iras kaj revenas vespere kaj frumatene", kun flugantaj kolonioj tiom amplekse kiom ĝis du mejlojn. Ĝi estis priskribita de Harold James Frith en 1982, kiuj ĉeestis tiujn tagmigradojn kiel "unu el la grandaj ornitologiaj espertoj de tropikoj."
Bildaro
[redakti | redakti fonton]Referencoj
[redakti | redakti fonton]- BirdLife International (2004). Ducula bicolor. Internacia Ruĝa Listo de Endanĝeritaj Specioj, eldono de 2006. IUCN 2006. Elŝutita 11 Majo 2006. Ne minacata
- Frith, H.J. (1982). Pigeons and Doves of Australia. Rigby.
- Grimmett, Birds of India, Inskipp kaj Inskipp, ISBN 0-691-04910-6
- Pizzey kaj Knight, "Field Guide to the Birds of Australia", Angus & Robertson, ISBN 0-207-19691-5
- Trounsen kaj Trounsen, "Australian Birds: A Concise Photographic Field Guide, Cameron House. ISBN 1-875999-47-7.
Eksteraj ligiloj
[redakti | redakti fonton]- BirdLife Specidatumbazo Arkivigite je 2007-09-29 per la retarkivo Wayback Machine