Garnizono
Garnizono laŭ PIV estas
1. Militistaro gardanta fortikaĵon, urbon aŭ daŭre loĝanta en ĝi, kaj
2. la ejo, kie tiuj militistoj loĝas.
Etimologio[redakti | redakti fonton]
La vorto devenas de la franca substantivo garnison "garno, garnaĵo", de la verbo garnir "garni". "Garni" (laŭ PIV) signifas almeti ion al objekto, por ĝin 1. ŝirmi kaj plifortigi ... aŭ 2. ĝin kompletigi, aŭ 3. ĝin dekori - eble plej konatas la tria el tiuj signifoj, sed ĉi tie interesas la unua.
Celo[redakti | redakti fonton]
En imperioj, garnizonoj ofte havis plurajn samtempajn celojn. Dum ili protektis teritorion kontraŭ razioj kaj invadoj de ekstere, ili ankaŭ efektivigis imperian aŭtoritaton kontraŭ internaj ribeloj kaj gardis la ordan funkciadon de komunika kaj transporta infrastrukturo. En la 20-a jarcento anglalingvaj historiistoj rimarkigis la rolon de garnizonoj en la administrado de antaŭmodernaj imperioj ĝenerale[1] kaj en la frua Brita Imperio.[2]