Jorge Isaacs
Jorge Isaacs | |||||
---|---|---|---|---|---|
![]() | |||||
Persona informo | |||||
Naskonomo | Jorge Ricardo Isaacs Ferrer | ||||
Naskiĝo | 1-an de aprilo 1837 en ![]() | ||||
Morto | 17-an de aprilo 1895 en ![]() | ||||
Mortis pro | Naturaj kialoj ![]() | ||||
Mortis per | Malario ![]() | ||||
Tombo | Tombejo San Pedro ![]() | ||||
Religio | katolikismo vd | ||||
Nacieco | Kolombiano | ||||
Etno | judoj vd | ||||
Lingvoj | hispana vd | ||||
Ŝtataneco | Kolombio ![]() | ||||
Partio | Partio Liberala Kolombia ![]() | ||||
Profesio | |||||
Okupo | Verkisto, Ĵurnalisto | ||||
Verkado | |||||
Ĝenroj | Romantikismo | ||||
Verkoj | María | ||||
| |||||
vd | Fonto: Vikidatumoj | ||||
Jorge ISAACS [ĤORĥe isaAks] (1837-1895), kolombia verkisto kies famo ŝuldiĝas al malgranda volumo de poemoj, Poezioj (1864), kaj al unu sola romano, María (1867), kiu havis tujan sukceson kaj fariĝis la romano plej populara, imitita kaj legita de multaj latinamerikanoj, nur superita, laŭ la kritikistoj, de Cent jaroj de Soleco de Gabriel García Márquez.
Biografio
[redakti | redakti fonton]Isaac estis ido de riĉa familio jud-brita kiu transloĝiĝis el Jamajko al propra bieno en la provinco Valo de Kaŭko, proksime de Kalio, kie li naskiĝis. Li studis en unue en Kalio, poste en Popayán kaj fine en Bogoto, anstataŭ sekvi kuracistan karieron, kiel li planis, li enviciĝis en la Armeo por batali en la milito de Kaŭko (1860-1863), civila milito kiu detruis la propraĵojn de la familio kaj forigis lin de liaj riĉaĵoj. Malriĉiĝinte, Isaacs transloĝiĝis al Bogoto kun la celo sin dediĉi al literaturo. Lia unua kolekto de poemoj havis grandan sukceson, same kiel María, lirika sentimentala romano kaj lia plej bona verko, kiu rikoltis spektaklan sukceson. Antaŭ la fino de la 19-a jarcento, la verko havis 50 eldonojn.
Isaacs estis nekapabla ripeti la sukceson de tiu ĉi lia unua romano, malgraŭ ke li daŭre provadis. Li alternis la literaturon kun kelkaj postenoj ene de la burokrata medio, kaj estis konsulo de sia lando en Ĉilio. Tamen, oni ade malpermesis al li la eblecon rehavigi al si la familian riĉecon kaj en 1895 li mortis en Ibageo, Tolimo, meze de la malriĉeco.
Aperis en Esperanto
[redakti | redakti fonton]- Maria, tradukita de Ruben' Torres kaj aliaj.