Pikro

Kiel legi la taksonomion Pikro
Biologia klasado
Regno: Plantoj Plantae Divizio: Angiospermoj Magnoliophyta Klaso: Dukotiledonuloj Magnoliopsida Subklaso: Asteredoj Asteridae Ordo: Asteraloj Asterales Familio: Asteracoj Asteraceae Genro: Pikro Picris L, 1753
Aliaj Vikimediaj projektoj

Pikro, latine Picris L, 1753, estas genro de herbaj plantoj el Asteracoj, el la subfamilio Cikorioideoj (Cichorioideae). La specioj estas unu- aŭ plurjaraj kaj povas alti 2-3 dm ĝis 8 dm (maksimume 1 m.) Ĝia infloresko tipa de la asteracoj havas flavan koloron.

Specioj

Du konataj specioj estas Pikro eĥia Picris echioides L. kaj Pikro hieracia Picris hieracioides L., sed estas pli ol sesdek specioj.

Etimologio

La latina Picris venas el la greka Pikros, kiu signifas "amara", reference al la amareco de la manĝeblaj folioj de la pikroj.

Priskribo

Radikoj: faskoformaj, foje rizomaj.

Tigoj: rektaj, disbranĉiĝantaj en korimboj.

Folioj: Estas bazaj kaj laǔtigaj alternaj folioj. La bazaj havas petiolon.

Floroj: flavaj kun langetformaj petaloj (la tubformaj karakterizaj de la Asteracoj forestas).

Fruktoj: brunkoloraj akenoj kun papusoj.