BTS
BTS | |
---|---|
![]() | |
![]() | |
Datuak | |
Ezizenak | Bangtan Sonyeondan, Beyond The Scene, Bangtan Boys, Bulletproof Boy Scouts |
Jatorria | Seul, Hego Korea |
Musika mota | K-pop, hip hop, R&B, EDM |
Urteak | 2013 - orainarte |
Produkzioa | |
Diskoetxea(k) | Big Hit, Pony Canyon, Def Jam, Columbia |
Taldekideak | |
RM
Jin Suga J-Hope Jimin V Jungkook | |
Sariak | |
Jasotako sariak | ikusi
|
Nominazioak | ikusi
|
Informazio gehigarria | |
http://bts.ibighit.com/ | |
![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() |
BTS (Hangul: 방탄소년단; RR: Bangtan Sonyeondan) Big Hit Entertainmentek 2010ean osatutako talde hegokorear bat da. Zazpi taldekidez osatuta dago: Jin (Kim Seokjin), Suga (Min Yoongi), RM (Kim Namjoon), J-hope (Jung Hoseok), Jimin (Park Jimin), V (Kim Taehyung) eta Jungkook (Jeon Jungkook).
Ibilbidea
[aldatu | aldatu iturburu kodea]2013ko ekainaren 13an debutatu zuten, haien lehen albumeko « No More Dream » abesti nagusiarekin. Haren estreinaldia japoniar bertsioarekin izan zen, japoniarrez, « No More Dream » 2014ko ekainaren 4an eta AEBtan AMAtan (American Music Awards) 2017ko azaroak 19an. Jarraitzaile-klubaren izen ofiziala A.R.M.Y da: « Adorable Representative Mc for Youth » (akronimoa).[1] Hainbat aldizkari eta kazetarien arabera momentuko boybandik arrakastatsuena, bai Hego Korean eta mundu osoan. Horrez gain, daesang (hangul: 대상) gehien dituen artista da.
Hasiera batean, beraien estiloa batez ere hip hop-a zen, baina haien musika-errepertorioa aldatuz joan dira urteetan zehar genero desberdinak gehituz. Literatura-lanetan eta psikologian eragina duten album kontzeptualak sortzen dituztelako bereizten dira: osasun mentala, galera, norbera maitatzeko prozesua eta indibidualismoa bezalako gaien inguruan hitz egiten dute.
Hasieran, arrakasta neurritsua izan zuten, lehenengo 2 Cool 4 Skool (2013) debut albumarekin eta ondoren, O!RUL8,2? (2013), Skool Luv Affair (2014) eta Dark & Wild (2014) diskoekin. Hala ere, 2015etik aurrera ospea irabazten hasi zen, eta sozialki kontzientea zen talde gisa hartu zuen ospea serie hauen jaurtiketarekin: The Most Beautiful Moment in Life: Part 1 (2015), Part 2 (2016) eta Young Forever (2016). Wings, haien bigarren estudioko albumarekin, 1 milioi kopia baino gehiago saldu zituena Hego Korean, eta beraien You Never Walk Alone berrargitalenarekin gehiago zabaldu zuten beraien irudia. 2017rako, BTS, nazioartean ezaguna izan zen Koreako musikaren sustatzaile nagusi bezala, batez ere Estatu Batuetako merkatuan; RIAAren urrezko eta platinozko ziurtagiriak jaso zituen lehen talde Korearra izan zen, hurrenez hurren «DNA» eta «MIC Drop» abestiengatik. Beraien Love Yourself: Her albumak, zazpigarren postuan debutatu zuen Billboard 200en zerrendan, artista korear batek ordura arte lortu duen posiziorik onena. Handik gutxira, Love Yourself: Tear (2018) albumarekin, lehen artista korearra izan zen Billboard 200 zerrendako lehen postua izaten. Ordutik, Love Yourself: Answer (2018), Map of the Soul: Persona (2019) eta Map of the Soul: 7 (2020) izan dira zerrendaren buru. The Beatlesek 1995ean lortu zutenetik, lehen musika taldea izan da lau album 1 postuan izatea, bi urte baino gutxiagoan lortu dutenak.
Gaon Music Charten 20 milioi kopia baino gehiago saltzean, Hego Korearen historian gehien saldu duen artista bihurtu da, eta Map of the Soul: 7rekin herrialdean gehien saldu den albumaren errekorra mantentzen du. Halaber, 2018an munduan gehien saldu zen bigarrena izan zen, IFPIren Global Artist Chart zerrendaren arabera. Mundu mailan eragin sozial handia izan zuenez, 2016ko urrian Billboardeko Social 50 zerrendan sartu zen lehen aldiz, eta 2017tik aurrera «Top Social Artists» saria jaso zuen hiru urtez jarraian, Billboard Music Awards sarietan. 2019an, Hego Koreako ekonomiari urtean 3.67 bilioi dolar baino gehiago ematen zizkiola jakinarazi zen, hau da, herrialdearen BPGaren %0,3a. Bestalde, Love Yourself World Tour biran, Wembley estadioan kontzertu bat eman eta sarrera guztiak agortu zituen lehen musikari asiarra eta ez-ingelesa izan zen.
Time aldizkariaren nazioarteko edizioan «Belaunaldi berriko buruzagi» gisa sartu ziren, eta 2019an munduan eragin handiena izan zuten pertsonen zerrendan egon ziren. Forbes Coreak 2018an eta 2020an herrialdeko pertsona famatu nabarmenenak zirela onartu zuen, eta, beraz, taldeak 2019ko Forbes Celebrity 100 delakoaren 43. postuan kokatu ziren, munduan diru gehien irabazten duen boy bandetako bat bezala. UNICEFekin elkarlanean, biolentziaren aurkako kanpaina, Love Myself, ezarri ondoren, BTS-k hitzaldi bat eman zuen Nazio Batuen Batzar Nagusiaren 73. edizioan. Ondoren, Hego Koreako gobernuak haien kultura eta hizkuntza munduan zabaltzen laguntzeagatik emandako Kultura Merezimenduaren Ordenaren hartzaile gazteenak bihurtu ziren taldekideak.
Izena
[aldatu | aldatu iturburu kodea]Haien izena, BTS, siglak dira. Benetako izena Bangtan Sonyeondan da (Hangul: 방탄소년단, hanja: 防彈少年團), eta "balen aurkako mutilak" esan nahi du. Taldeko liderrak, RM-ek, bala-formako estereotipoen, kritiken eta espektatiben kontra defendatuko zituela azken generazioko nerabeak adierazten duela esan zuen.[1]Japonian Bōdan Shōnendan (防弾少年団[2]) deitzen dituzte. 2017ko uztailaren 27an "Beyond The Scene" (eszenatik kanpo) esanahia gehitu zioten[1], bere arazoak garaitzen dituen eta aurrera egiten duen gazteria errepresentatzeko[1]. [1]
Taldekideak
[aldatu | aldatu iturburu kodea]Izen artistikoa | Benetako izena | Jaiotze-data | Postua | Erref. | ||
---|---|---|---|---|---|---|
Erromanizazioa | Hangul | Erromanizazioa | Hangul | |||
Jin | 진 | Kim Seok-jin | 김석진 | 1992ko abenduaren 4an | Abeslaria, dantzaria eta bisual printzipala | [1][1][1] |
Suga | 슈가 | Min Yoon-gi | 민윤기 | 1993ko martxoaren 9an | Rapero, dantzari, produktore eta konpositorea | |
J-Hope | 제이홉 | Jung Ho-seok | 정호석 | 1994ko otsailaren 18an | Raperoa, dantzari printzipala, batzuetan abeslaria eta koreografo printzipala | |
RM | 알엠 | Kim Nam-joon | 김남준 | 1994ko irailaren 12an | Lider, rapero printzipala, dantzaria eta produktorea | |
Jimin | 지민 | Park Ji-min | 박지민 | 1995eko urriaren 13an | Abeslaria eta dantzaria | |
V | 뷔 | Kim Tae-hyung | 김태형 | 1995eko abenduaren 30an | Abeslaria, dantzaria eta bisuala | |
Jungkook | 정국 | Jeon Jung-kook | 전정국 | 1997ko irailaren 1an | Abeslari printzipala, dantzaria, batzutan raperoa, "maknae" |
Diskografia
[aldatu | aldatu iturburu kodea]Koreeraz grabaturiko diskoak
[aldatu | aldatu iturburu kodea]- Dark & Wild (2014)
- Wings (2016)
- Love Yourself: Tear (2018)
- Map of the Soul:Persona(2019)
- Map of the Soul: 7 (2020)
- Be (2020)
Japonieraz grabaturiko diskoak
[aldatu | aldatu iturburu kodea]- Wake Up (2014)
- Youth (2016)
- Face Yourself (2018)
- Map of the Soul: 7 – The Journey (2020)