Hans Jurgen Eysenck
Hans Jurgen Eysenck | |
---|---|
![]() | |
Bizitza | |
Jaiotza | Berlin, 1916ko martxoaren 4a |
Herrialdea | ![]() ![]() |
Bizilekua | Ingalaterra |
Heriotza | Londres, 1997ko irailaren 4a (81 urte) |
Heriotza modua | berezko heriotza: garuneko minbizia |
Familia | |
Aita | Eduard Eysenck |
Ama | Helga Molander |
Ezkontidea(k) | Sybil B. G. Eysenck (en) ![]() |
Seme-alabak | ikusi
|
Hezkuntza | |
Heziketa | Londresko University College Londresko Unibertsitatea |
Hezkuntza-maila | Doktoretza Zientzietako doktorea |
Tesi zuzendaria | Cyril Burt (en) ![]() |
Doktorego ikaslea(k) | Chris D. Frith (en) ![]() Frank Farley (en) ![]() |
Hizkuntzak | ingelesa |
Ikaslea(k) | ikusi
|
Jarduerak | |
Jarduerak | psikologoa eta unibertsitateko irakaslea |
Enplegatzailea(k) | Londresko King's College |
Jasotako sariak | ikusi
|
Hans Jurgen Eysenck (Berlin, Alemania, 1916ko martxoaren 4a - Londres, Ingalaterra, 1997ko irailaren 4a) britainiar psikologoa izan zen, jatorriz alemaniarra.
Biografia
[aldatu | aldatu iturburu kodea]Alemanian, Frantzian eta Erresuma Batuan ikasi zuen, eta Londresko Unibertsitatean atera zuen doktoregoa. Hiri hartan igaro zituen bere bizitzako urte gehienak; 1942tik 1945ra artean psikologo gisa jardun zuen Mill Hill Emergency Hospitalen, eta 1945etik aurrera Londresko Unibertsitateko Maudsley erietxeko Psikiatria Institutuan egon zen.
Izaerari buruz egindako ikerketek eman zioten ospea, eta bere izena daraman izaeren inbentarioa edo sailkapen-sistema asmatu zuen, Carl Jungen teorietan oinarriturik. Garrantzi handia eman zien izaera ezaugarritzen duten eragile biologikoei, eta izaera-mota bakoitza ezaugarritzen duten eragile fisikoak antzematen ahalegindu zen. Izaera aztertzeko eta adimena neurtzeko hainbat saio asmatu zituen, psikologia genetikoan oinarrituak. Bere ikerketei kritika asko egin zizkioten, determinismo biologikoa muturrera eramaten zuela-eta. Bestalde, neurosiaren tratamenduan terapia konduktista erabiltzen aitzindaria izan zen.
Eysenckek 50 lanetik gora argitaratu zituen, besteak beste, Dimensions of personality (1947, "Nortasunaren dimentsioak"), The biological basis of personality (1967, "Nortasunaren oinarri biologikoak"), The measurementt of personality (1976, "Nortasunaren neurketa") eta Personality and individual differences (1985, "Nortasuna eta banakako diferentziak").
Erreferentziak
[aldatu | aldatu iturburu kodea]![]() |
Wikimedia Commonsen badira fitxategi gehiago, gai hau dutenak: Hans Jurgen Eysenck ![]() |
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.